رۆڵێ كوردستانێ
عەلی عەونی، ئەندامێ سەرۆکاتیا پەدەکێ، د نڤیسەکا خوە دا کو د فێسبۆکا خوە دا وەشاندیە، تێدا دبێژە کو هندەک ئالیێن کوردی پارتیا دەمۆکراتا کوردستانێ ب وێ یەکێ تاوانبار دکەن کو پەدەکە بوویە ئەگەرێ پارچەکرنا ناڤمالا شیعەیێن ئیراقێ ، لێ ئەو ئالیێن وێ گازندێ ژ پەدەکێ دکن ئەو بخوە کەتیەنە د ناڤ باسکێ (میحوه‌رێ موقاوه‌مه‌ت) دا کو ب ئیرانێ ڤە گرێدایی یە و فەرمانێن خوە ژ پاسدارێن ئیرانێ وەردگرن.
تێکستا نڤیسێ:
شیعه دبێژن: دڤێت هه‌موو ئالی رابوه‌ستن هه‌تا شیعه ناڤمالا خۆ دكه‌نه ئێك، نابیت ئه‌م ببینه ئه‌گه‌ر كو ناڤمالا شیعه‌یان پارچه ببیت. هنده‌ك كوردێن مه ژی ڤێ گازندێ ژ پارتی دیموكراتی كوردستان دكه‌ن و دبێژن نابیت پارتی چووبایه د هەڤپەیمانیا سه‌در و حه‌لبووسی دا. ئه‌و ئالیێن كوردستانی یێن كو ره‌خنێ ل پارتی دگرن ئەو بخوە كه‌فتینه د هەڤپەیمانیا (میحوه‌رێ موقاوه‌مه‌ت) دا. نهۆ ئه‌و ژی چووینه د به‌ندا مالكی وحه‌سه‌ن پلایسی دا.
شیعه‌یێن كو گازندان ژ مه دكه‌ن بۆ پارچه بوونا ناڤمالا وان، ئه‌وان ب خوە د پارچه‌كرنا ناڤمالا كوردستانێ دا رۆڵه‌كێ مه‌زن له‌یزتیه. وان جارا بۆری به‌رهه‌م سالح بێی ئیڕاده و ڤیانا كوردستانیان كره سه‌رۆككۆمار. وان حكومه‌ت بێی مه پێكئینا و ب دلێ خوە جهه‌كێ ڤالا بۆ مه هێلان و گۆتن وه دڤێت ئه‌ڤه‌یه و وه نه‌ڤێت ئه‌ڤه‌یه ..!!!
ئه‌وێن پرسیار دكه‌ن ئایا د رێككه‌فتنا مه و هەڤپەیمانیا سه‌در و حه‌لبووسی دا مه به‌حسێ مافێن كوردستانێ و پێشمه‌رگه‌ی و….. هتد كرییه؟ دڤێت بپرسن ل حكومه‌تێن به‌رێ كو مه به‌حس كربوو و ئیمزایێن وانژی هه‌بوو چ تشته‌ك جێبه‌جێ كرن؟
ئه‌وێن دبێژن سه‌در و حه‌لبووسی پشكدار نه‌بووینه د نڤیسینا ده‌ستورێ دا، له‌ورا دێ ب ده‌ستورێ پێگیر نه‌بن و باوه‌ری ب ده‌ستورێ نینه. یان ئه‌ڤه ل قۆناغا خه‌باتێ ل دژی به‌عسیان پشكدار نه‌بووینه ….
حه‌قه ژێ بپرسین ئه‌وێن كه‌ڤنه شۆڕه‌شگێڕ و دژی به‌عسیان بوون و ئه‌وێن پشكدار بووین د نڤیسینا ده‌ستورێ دا , چه‌ند پێگیر بوون ب ده‌ستورێ و مافێن گه‌لێ مه ل هه‌رێما كوردستانێ.
عەلی عەونی، ئەندامێ سەرۆکتیا پەدەکێ
