رەفەرەندوم مەزنترین دەستكەفتا دیرۆكی یا خەباتا خەلكێ كوردستانێ یە
مووسا خالد
گشتپڕسی ( ڕیفراندۆم ) مافێ ھەموو تاکەکێ یە دڤێ جیھانا ئەم تێدا دژین، ژ ڕوویێ دەستوری و یاسایی د ھەر دەولەتەکێ دا ب تایبەتی د حوکمێ دیموکراسی دا مافێ هەموو خەلکەکێ یە، کۆ چارەنڤێسێ خوە و ئاخا خوە ب دەنگێ خوە دیاری بکەت.
ژ پێخەمەد دیارکرن و گرەنتیکرنا سنورو ئازادی و سەربەخۆییا ولاتی ژ ڕوویێ ڕامیاری و ئابووری و ب کیانەکێ خۆیی وەک ھەر دەولەتەکا دیا ئەڤێ جیهانا ئەم تێدا دژین، نابیت چ بەربەست و ڕێگری ھەبیت د ھەڵبژارتن و دیاریکرنا مافێن هەبوونا ب دەولەتەکێ و دڤێت دانپێدانەکا یا وەلاتێن زلیھێزێن جیھانی بۆ پشتگیری و پەیوەندی و ھەماھەنگی لسەر یاسایا ناڤدەولەتی هەبیت.
ژبەر هندێ خەبات و تێکۆشانا حزب و لایەن و لڤینا سیاسی و سەربازی د خەباتا گەلێ کور دا، د مێژوویا ڕزگاریخوازا کوردستانێ دا، ھەر ل سەردەمێ شێخ سعیدێ پیران و شێخ نەھری و شێخ عبدالسلام بارزانی و شێخ ئەحمد بارزانی و مەلك محمود و قازی محمد و بارزانی یێ نەمر، ژبەر سەربەخۆیی و ئازادی میللەتێ کورد ل سەر دەستێ ڤان خەبات یا کری دژی دوژمنێن گەلێ کوردستانێ و ئیك ل دیڤ ئێکێ دا بەردەوام ئێک خەبات هەبوو دژی دژمنێن گەلێ کوردستانێ.
ژبەر هندێ خەباتا سەرۆک مەسعود بارزانی کۆ ھەلگری ئالایێ دەستێ ئەو سەرکردەیێ نەمر ب بەردەوامیا و درێژەپێدەرا ئەوێ ڕێبازا کوردنیێ بوو. ژبەر هندێ ل ٢٥ی ئیلوونێ سالا ٢٠١٧ بڕیارا گشتپرسیا ( ڕیفراندۆم )ێ ل سەرتاسەرێ ھەرێما کوردستانێ ب بڕیارا سەرۆك مەسعوود بارزانی بۆ، ئەڤە پەیامەکا ڕاستەوخۆ مەدەنی بۆ گەلێ کورد نێشا وەلاتێن جیهانێ دا، دیسان ئەڤ ڕێفراندۆمە بۆ کەرکووکا دلێ کوردستان و ناوچەێن دی، ب مەبەستا دیارکرنا دەنگێ خەلک د ناڤبەرا سەربەخۆییا هەرێما کوردستانێ یان ڤەگراندن بۆ سەر عێڕاقێ.
ئەو بوو کوردستانیان بە دەنگێ زێدەتر ژ رێژا (٪٩٣) بەلێ دەنگێ خوە بۆ سەربەخۆیی و جودابوونێ دەربڕی، د نۆکە ژی دا خەلکێ هەرێما کوردستانێ خۆدان بەلگەیەکێ دەستووری و یاسایینە کۆ ئەوژی دەنگێ شەرعیەتیا خەلکێ یە بۆ دیاریکرنا مافێ چارەنڤێسێ خوە، کو ئەڤە هەموو ئەو بەرھەمێ خوێنا شەھید و ئەنفال و کیمیاباران و جینۆسایدایە دژی گەلێ کورد ژبەر هندێ د چارچووڤێ یاسایا مافێ نەتەوەی و رێفراندۆم ئێکە ژوان دەستکەفتێن گرنگ هەموو تاکێ کورد شانازیێ پێ دبەن و دامەزڕاندنا دەولەتەکا کوردستانێ مافەکێ ڕەوا یێ خەلکێ کوردستانێ یە.
