نڤیسار

رەفەرەندوومێ چ دا مە كوردان

رەفەرەندووما 25ێ ئیلۆنا 2017 چ دامە كوردان

  • رەفەرەندووما 25ێ ئیلۆنا 2017 چ دامە كوردان
  • رەفەرەندووما 25ێ ئیلۆنێ قادا ناڤ نه‌ته‌وه‌یی ده‌ چ ژ مه‌ کوردان ڕا ئانی

ئه‌ز ب خوه‌ دکارم ب دو ئالیان ڤه‌ ڤێ شرۆڤه‌ بکم.

تشتێ ۲٥ ئیلۆنێ دا مه‌ کوردان ئه‌ڤ بوو:

وه‌لاته‌کێ ب سالان بنده‌ست بوو دا مه‌. ئانكو ژ چار پارچان یه‌ک ل کوردان ڤه‌گه‌ریا. ئه‌و ژی باشوورێ کوردستانێ بوو.
ڕۆژا ۲٥ ئیلۆنا سالا ۲۰۱۷ێ ژ بۆنا مه‌ هه‌می کوردان، ئه‌زموونه‌ک بوو، ئیمتیحانه‌ک بوو، باوه‌ری و کێفخوه‌شیەک بوو. د ناڤا وێ کێفخوه‌شیێ دا خوه‌ پێشاندانه‌که‌ ل سه‌ران سه‌رێ جیهانێ پێک هات. له‌ورا کوردان د ڤێ ڕۆژێ دا دیرۆک ژ نوو دا نڤیسی…

د کێفخوه‌شیا ۲٥ ئیلۆنا ۲۰۱۷ێ دا ل سه‌ران سه‌رێ جیھانێ کوردان گۆڤه‌ند گه‌راندن، ستران گۆتن، شاهیا سه‌رخوه‌وبوونا کوردستانێ پێک ئانین.
د ڤێ ڕۆژێ دا ئه‌م دبینن کو ئه‌و که‌سێن بێ ته‌ره‌ف مابوون، بێ ته‌رافیا خوه‌ خه‌راب کر، ئه‌و ژی که‌تن ناڤا گه‌لێ خوه‌ ل کوچه‌ و کۆلانێن وه‌لات و ل ئه‌ورۆپا کێفخوه‌شیا سه‌رخوه‌بوونا کوردستانێ ب گه‌لێ خوه‌ ڕا پارڤه‌ کر.

د ڤێ ڕۆژا پیرۆز دا ژ پارچێن دن کورد به‌رب پارچێ ئازادکری ڤه‌ چوون. ژ باکورێ کوردستانێ ب قاس ٤۰۰ هه‌زار که‌س وێ ڕۆژێ ل ور بوون و ل گه‌ل برایێن خوه‌ یێن باشوور ئه‌و ڕۆژ ب هه‌ڤره‌ پیرۆز کرن.

ب ڤێ باوه‌ری و خورتیێ کوردان ژ جیهانێ ڕا گۆتن؛ ئه‌م کورد برچیێ ئازادیا خوه‌ و وه‌لاتێ خوه‌ یێ سه‌ربخوه‌ نه‌. ژ به‌ر ڤێ ئه‌و چالاکی، به‌رخوه‌دان و خوه‌پێشاندانێن هاتنه‌ کرن هه‌می ژ بۆنا یه‌ک ئارمانجێ و هه‌لوه‌ستێ بوون. ئارمانج و هه‌لوه‌ست ژی دیار و زه‌لال بوو. ئه‌و ژی ژ بۆنا گاڤاڤێتنا ده‌وله‌ته‌کا کوردی و کوردستانه‌کا سه‌ربخوه‌ بوو.

هه‌لبه‌ت ئه‌ڤ ژ به‌ر خوه‌ دا پێک نه‌هات. تێ زانین کو ئه‌ڤ ب سایا سه‌رێ پێشمێرگه‌یێن قه‌هره‌مان، ئه‌نفال، کیمیاباران، قرکرن، وێران کرن ڕێ و ڕێبازه‌کا نه‌ته‌وه‌یی پێک هات. ژ پارچه‌بوونا وه‌لاتێ مه‌ و هه‌تا ڤێ ڕه‌فه‌راندوومێ هه‌لبه‌ت کورد ژی ژ بۆنا ئازادیا خوه‌ نه‌سه‌کنی نه‌. هه‌ر وان ژی ل به‌ر خوه‌ دانه‌ و ته‌کۆشینا ئازادیێ ڕانه‌وه‌ستاندن و وێ ڕانه‌وه‌ستا هه‌تا هه‌می پارچێن کوردستانێ ئازاد نه‌به‌…

د ڕۆژا ڕه‌فه‌راندوومێ دا گه‌لێ کورد ل باشوورێ کوردستانێ و ل هه‌می جیهانێ ده‌نگێ خوه‌ یێن ژ بۆنا کوردستانه‌ک سه‌ربخوه‌ ب ئاوایه‌کی ده‌مۆکراتیک ب کار ئانین و ژ ڤێ ژ ب قاسی سه‌دی 93 ێ خه‌لکێ گۆتن ئه‌رێ ژ بۆنا کوردستانه‌کا سه‌رب خوه. ئه‌ڤ بوو وه‌که‌ تاپۆیا کوردستانێ کو که‌ته‌ ده‌ستێ گه‌لێ مه‌ ل باشوورێ کوردستانێ. ئه‌ڤ بوو کلیتا ڤه‌کرنا ده‌ریێ کوردسانا سه‌ربخوه‌ که‌ته‌ ده‌ستێ سه‌رۆک بارزانی.

ڤێ هه‌بوونا باشوورێ کوردستانێ کر کو ئێدی کوردان جوانێن وان چ دیاری د قادا ناڤده‌وله‌تی دا دگرتن، ئه‌و دهات گۆتن کو کوردان گرت و ئالا کوردستانێ بلند دکرن.
به‌ری ڤێ ئازادیێ کیژان کوردان دیاریه‌ک ناڤنه‌ته‌وه‌یی بگرتنا ئه‌و دبوو مالێ داگیرکه‌ران. لێ نها نه‌ وه‌ها یه‌. ئێدی ئه‌و دیاریان ل سه‌ر ناڤێ کوردان و ب بلندکرنا ئالا کوردستانێ تێ دایین. ئه‌ڤ ژی ب سایا سه‌رێ وێ پارچێ نها ئازادکری یانی باشوورێ کوردستانێ یه‌. دڤێ کورد ڤێ وه‌ها فێم بکن کو به‌رژه‌وه‌ندیا مه‌ ته‌ڤان یه‌که‌.

نها ژی ئه‌م ڤه‌گه‌رن گه‌لۆ ۲٥ ئیلۆنێ د قادا ناڤنه‌ته‌وه‌یی دا چ دا مه‌ و ژ مه‌ ڕه‌ چ ئانی؟
هه‌گه‌ر بێ بیرا مه‌ کوردان وێ ده‌مێ ژی ئانكۆژ بۆنا دیارکرنا ڕۆژا ڕه‌فه‌راندووما سه‌رخوه‌بوونا کوردستانێ ئه‌مه‌ریکا و گه‌له‌ک ده‌وله‌تێن مه‌زن نه‌ ل گه‌ل پێکانینا ڕه‌ره‌فاندوومێ بوون. هه‌ر وه‌ها نه‌ ل دژ ژی بوون.
لێ وان دخوه‌ستن سه‌رۆک بارزانی ڤێ پاشبخە ئانكۆ دگۆتن هێ زوویه‌. لێ سه‌رۆک بارزانی دگه‌ل باوه‌ریا نه‌ته‌وه‌یی، ل گۆر ده‌ستوور و به‌رنامه‌یا ڕێبازا بارزانینێ نه‌مر، ژ دنیایێ ڕا دیارکر کو ئه‌ڤ مافه‌کێ ڕه‌وا یێ کوردانه‌. نابه‌ ئه‌م ڤێ بریارێ پاش بخن.

هه‌ر چقاس زه‌حمه‌تی و ڕیسکێن وێ ژی هه‌بوون دیسا د بریاره‌کا وه‌ها دا سه‌رۆک بارزانی ئه‌و هه‌لوه‌ست، ئه‌و بریار پاشدا نەخست و ئه‌و د ڕۆژا وێ دا پێک ئانی. ئه‌ڤ ژ بۆنا مه‌ کوردان د جیهانێ دا سه‌ربلندیه‌ک مه‌زن بوو.

ڤێ د قادا ناڤنه‌ته‌وه‌یی دا ژی ئه‌زموون ئانكۆ ئیمتیحانه‌ک باش دا. جیھانێ ژی فێم کر کو کوردێن ب سه‌دان سالن ژ بۆنا مافێ خوه‌ یێ ڕه‌وا شه‌ر دکن کو وێ ب ده‌ست بخن. ب ڤێ ڕه‌فه‌راندوومێ ئه‌و داخوازا کوردان یا سه‌رخوه‌بوونا وه‌لاتێ وان پێک هات. ده‌ما مله‌ته‌ک ب ڕێیا ده‌مۆکراتیک داخوازا خوه‌ ل گۆر ده‌نگێ گه‌لێ خوه‌ بده‌ دیارکرن چ که‌س دێ نکاربن ئێدی ل دژ وێ ڕاوه‌ستن. لۆما کوردان د قادا ناڤنه‌ته‌وه‌یی دا ژی گۆتن: ئه‌م مافێ خوه‌ یێ ڕه‌وا و کوردستانا خوه‌ یا سه‌ربخوه‌ دخوازن.

نها وێ ڕه‌فه‌راندوومێ تاپۆیا کوردستانێ ل خوه‌دیێ وێ ئانكۆ ل کوردان ڤه‌گه‌راند و کلیتا کو وێ پێ ده‌ریێ سه‌رخوه‌بوونێ ژی ڤه‌که‌ خسته‌ ده‌ستێ سه‌رۆک بارزانی.
دڤێ ئه‌م باش بزانبن کو هه‌تا کورد نه‌بن خوه‌دی ده‌وله‌تا خوه‌ یا سه‌ربخوه‌ وێ هه‌ر بنده‌ست و کۆله‌ بمینن. نها فرسه‌ته‌ک باش که‌تیه‌ ده‌ستێ کوردان دا کو ببن خوه‌دی ده‌وله‌تا خوه‌ ل باشوورێ کوردستانێ.

ل سه‌ر هه‌ر کورده‌کی ژ خوه‌ ڕا دبێژه‌ ئه‌ز کوردم فه‌رزه‌ کو پشتگریا باشوورێ کوردستانێ بکە دا کو ئەو ھەرێم ببه‌ ده‌وه‌له‌کا کوردان یا سه‌ربخوه‌.

ده‌ وه‌رن ئه‌م هه‌می ته‌نها ژ بۆنا کوردستانه‌ک سه‌ربخوه‌ ب هه‌ڤره‌ کار بکن. ئه‌م باش دزانن کو پشتی سه‌رخوه‌بوونا باشوورێ کوردستانێ دێ پارچێن دن ژی یه‌ک ب یه‌ک بگەهێژن ئازادی و سه‌رخوه‌بوونا خوه‌.

بژی کورد بژی کوردستان

بووبێ ئه‌سه‌ر
2019.09.24

Back to top button