رەمزی شەعبان ب بێدەنگی ژیا و ب بێدەنگی بار كر
رەمزی شەعبان ئەندامێ یەدەكێ مەكتەبا سیاسیا پارتیا دەمۆكراتا كوردستانێ، ل باژارێ ئەنقەرە ب نەخوەشیا كۆرۆنایێ كۆچاداویێ كر.
رەمزی شەعبان دگەك خێزانا خوە ب كارەكێ تایبەت سەردانا تركیێ كربوو و ل وێرێ ب نەخوەشیا كۆرۆنایێ دكەڤە و پشتی چەند رۆژەكان ل نەخوەشخانەیەكا ئەنقەرەیێ دچە بەر دلۆڤانیا خودێ.
سه‌رۆک بارزانی د بەشەك ژ پەیاما خوە یا سەرساخیێ دا یا ب ھەلكەفتا كۆچاداویا رەمزی شەعبان دا دبێژه: ره‌مزی شەعبان ژ بۆ من دۆستەكێ گەلەك نێزیك بوو، برا، هه‌ڤال، هه‌ڤچەپەرەك ئه‌مین و خوه‌شه‌ویست بوو. وی د قۆناغێن جودا یێن شۆره‌شا چیا، باژار، سرگوون و خه‌باتێن پارتیێ دا بێ ناڤبه‌ر و ب باوه‌ریه‌کا خورت ژ بۆ رێبازەكا پیرۆز خەبات کر و د وێ ڕێیێ دا گه‌له‌ک وه‌ستان دیت. کۆچاداوی یا ڕه‌مزی شەعبان و ونداکرنا وی پێشه‌نگێ بێوه‌ستان ژ بۆ مه هه‌موویان زیانبكا مه‌زنه
رەمزی خەلیل شەعبان كو ب “رەمزی شەعبان” دھاتە ناسكرن، د ناڤ جەرگێ شۆرەشێن بارزان دا ژ دایك دبە، مالباتا وی د ناڤ شۆرەشێن بارازان و شۆرەشا ئیلۆنێ دا رۆلەكا مەزن و گرنگ دبینن.، د رۆژا 23 چریا دویەم سالا 1942ێ ل بلێ ل دەڤەرا بارزان ژدایك دبە.
د سالا 1972ێ پشكا ئەندەزیاریا مەكانیكی ل زانینگەھا پراگ ل وەلاتێ چیكێ تمام دكە دەبە خوەدیێ باوەرنامەیا ماستەرێ.
ژ بلی زمانێ كوردی، عەرەبی، ئینگلیزی، چیكی، سلۆڤاكی و سوێدی دزانی
كەسەكێ چالاك بوو د ناب كۆمەلەیا خوەنداكارێن كورد دا ل ئەورۆپایێ
د سالا 1946-1947 دگەل مالباتا خوە، ل كۆمارا كوردستانێ ل مەھابادێ دمینە
سالا 1960-1980 كۆچبەری كۆمارا چیكێ و سوێد دبە و سالا 1980-2001 كۆچبەری ئیرانێ دبە
د سالا 1958ێ دا دكەڤە ناڤ رێزێن رێكخستنێن پارتیا دەمۆكارا كوردستانێ (پەدەكە)
سالا 1960-1975ێ ل چیكۆسلۆڤاكیا دبە بەرپرسێ پەدەكێ.
د سالا 1975-1980 دبە بەرپرسێ پەدەكێ ل سوێدێ د سالا 1979ێ د كۆنگرەیا نەھەم یا پەدەكێ دا دبە ئەندامێ كۆمیتەیا ناوەندی و بەرپرسێ رێكخستنێ
رەمزی شەعبان كەسەكێ پاك و خوەشتڤی بوو دناڤ جەماوەر و كادر و ئەندامێ پەدەكێ دە، ژ بەھندێ ھەر ژ كۆنگەرەیا 9 ھەتا كۆنگرەیا 13 ژ بۆ بكەڤە ناڤ كۆمیتەیا ناوەندی و سەركردایەتیا پەدەكێ دەنگێن پێویست ب دەست دخستن
د سالا 1981-1985 دبە بەرپرسێ لقێ 6 یێ پەدەكێ
د سالا 1985-1986 دبە بەرپرسێ دارایی ل مەكتەبا سیاسی
د سالا 1986-1987 دبە بەرپرسێ لقێ یەك یێ پەدەكێ
د سالا 1987-1991 دبە بەرپرسێ دارایی مەكتەبا سیاسی
د سالا 1991-1993ێ دبە بەرپرسێ مەكتەبا ناوەدنی یا رێكخستنا پەدەكێ
د سالا 1993ێ دبە بەرپرسێ تێكەلیێن نشتمانی پەدەكێ
د سالا 1994-1996 دبە بەرپرسێ لقێ یەك یێ پەدەكێ ل دھۆكێ
سالا 1996ێ دبە بەرپرسێ مەكتەبا دارایی یا ناوەندی و ھەتا كۆچداویێ كری
مامۆستەیێ خولێن 6 و 7 یێ پەیمانگەھا پێگەھاندنا كادرێن پەدەكێ
د داستانێن دەڤەرا لقێ یەك یێن سالێن 1986-1987 بەشداریێ دكە
د سەردەما سەرۆكاتیا كاتی دا سەرگۆتارا رۆژنامەیا خەبات دنڤیسی
د سالا 1981-1985 یەك ژ بەشدارێن دەرخستنا رۆژنامەیا وەلات، ئۆرگانا لقێ 6 ل بوو
