پیرۆزباهیێن نهورۆزا ۲۰۲٦ێ ل هندهک بهشێن کوردستانێ و تایبهتی ل باکور و ڕۆژاڤایێ کوردستانێ گهلهکێ گرینگه و پهیامێن جودا ددن جڤاتا کورد.
ل باشوورێ کوردستانێ نهورۆز ل سهر خاکا ئازاد یا کوردستانێ ب جۆشهک مهزن ههر سال تێ پیرۆز کرن. ئیسال ژی، وهک ههر سال نهورۆز ل سهر خاکا کوردستانا ئازاد وهک ههر جارێ ب جۆشهک مهزن د بن ئالایێ کوردستانێ دا تێ پیرۆز کرن. ئاگرێ نهورۆزا باشوورێ کوردستانێ ژ بۆ دهولهتبوونا کوردا پهیامهکی دده جیهانێ..
ل باکورێ کوردستانێ، نهورۆز ژ ئالیێ پەکەکێ/هدپ/دهم پارتییێ و ئالیێن دن یێن کوردان ڤه جودا تێ پیرۆز کرن. نهورۆزێن پکک/هدپ/دهم پارتییێ دا چو بێهنا نهتهوییهتێ ژ نهورۆزا کو ئهو پیرۆز دکن نایێ. ژ بهر کو نهورۆزێن وان ب وێنەیێن ئۆجەلان، و پارتیێن وان ڤه گرێدایی تێنه بلندکرن، ههتا بلندکرنا ئالایێ کوردستانێ قهدهخه دکن. لێ جار جارا هندهک کوردێن وهلاتپارێز ل قادا کو پەکەکە نهورۆزێ پیرۆز دکن ئالایێ کوردستانێ بلند دکن. لێ ئهڤ یهک نه ب هێسانی تێ کرن. ژ بۆ ڤێ گهلهک جاران ئالیێن ژ دهرێ پککێ نهورۆزا پیرۆز دکن و ئالایێ کوردستانێ بلند دکن.
ئیسال نهورۆز ب گهلهک جهان ژ دهرڤهیێ پککێ تێ پیرۆز کرن. ڤهژین (تهڤگهرا ڤهژینێ یا کوردستانێ) نهورۆز ل فارقینێ ل سهر پرا مالابادێ ب خهتیرهیێن ئاگر و بلندکرنا ئالایێ کوردستانێ ب گیانهک نهتهوی کوردستانی پیرۆز کرن. ل دیاربهکرێ ئالیێن کوردی ژ دهرێ پککێ نهورۆزا خوه ب ناڤهرۆکهک نهتهوی کوردستانی پیرۆز دکن. دخوهیێ نهورۆزا ۲۰۲٦ێ ل باکور پهیامێن جودا دێ بێنه دایین.
ل ڕۆژاڤایێ کوردستانێ سالێن بهرێ دهستهلاتا پککێ ڕێ نەددا کو کورد ب ئازادی د بن ئالیێا کوردستانێ دا نهرۆزێ پیرۆز بکران. ل همبهر ههموو زۆرداریێ ئهنەکەسێ ههولددا نهورۆزان ب گیانهک نهتهوهیی پیرۆز بکن. گهلهک جارا چهتهیێن چهکدارێن پککێ سڤکی ل ئالایێ کوردستانێ دکران و ئهو دشهوتاندن.
ئیسال هێدی پشتی کو، پککێ خوه ب تهمامی ڕادهستی دهولهتا سووریێ کر، ئهو هێژا نهورۆزێ ب ناڤهرۆکا کوردستانی دوور تێخن و پیرۆز دکن. لێ ئهنەکەسە و هندهک ئالیێن دن جاردن د بن ئالایێ کوردستانێ دا نهورۆزا خوه پیرۆز دکن. یانی کورد ل ڕۆژاڤایێ کوردستانێ ئیسال ژ سالێن دن ئازادتر نهورۆزێ پیرۆز دکن.
ل ڕۆژهلاتێ کوردستانێ، ڕهوش ئیسال جودایه. شهرێ ئامهریکا-ئیسرائیل و ئیرانێ باندۆرا خوه دکه، ل ڕۆژهلاتێ کوردستانێ باژارێن کوردان ژی قادا شهره.
د ڤێ ڕهوشا جودا دا نهورۆز ل ههموو کوردان پیرۆز به، هێڤی ئهوه کو، ههر نهورۆز ب گیانهک نهتهوهیی کوردستانی بێ پیرۆز کرن و کوردان گاڤ ب گاڤ بهر ب داخوازا دهولهتبوونێ ڤه ببه.
ههروهها جهژنا ڕهمهزانا پیرۆز ل ههموو مسلمانێن کوردستانێ پیرۆزبه….
