ھەمەرەنگ

زانینگەھا زاخۆ و كورتەفیلمەك نەتەوەیی

دلین ئه‌دیب میرۆ، ڕێڤه‌به‌را ناڤه‌ندا گه‌شه‌پێدانا کار ل زانینگه‌ها زاخۆ، د داخویانیه‌کێ دا دیار کر کو هه‌ژماره‌کا خوه‌نده‌کارێن زانینگه‌ها زاخۆ یه‌که‌مین جاره‌ کورته‌ فلمه‌ک نه‌ته‌وه‌یی دروست دکن و ژ بۆ ڤێ یه‌کێ ژی “مە پشته‌ڤانیا ماددی و مەعنەوی ل وان کریه‌”.

دلین ئه‌دیب میرۆ دبێژە: پشتی ڤان خوه‌نده‌کاران پرۆژه‌یێ خوه‌ یێ دروستکرنا کورته‌ فلمێ خوه‌ پێشکێشی ناڤه‌ندا مه‌ کری، مە ب هه‌موو ڕه‌نگان پشته‌ڤانیا خوه‌ ژ بۆ کارێ وان نیشان دا و د یه‌که‌مین پێنگاڤێ دا مه‌ کاری گوژمه‌کێ په‌ره‌ یێ گونجایی دانین به‌ر ده‌ستێ وان.
هه‌ر وها ئه‌وان ژی کارین هه‌ژماره‌کا خوه‌نده‌کارێن زانینگه‌ها زاخۆ وه‌کی ئاکته‌ر د ناڤا ڤی کورته‌ فلمی دا به‌شدار بکن. مه‌ دخوه‌ست زانینگه‌ها زاخۆ پێنگاڤێن ب ڤی ڕه‌نگی باڤێژە و هه‌ر چه‌نده‌ یه‌که‌م پێنگاڤه‌ ل زانینگه‌ها زاخۆ د ڤی واری دا تێ ئاڤێتن. به‌لێ ئه‌ڤ ژی دێ ببه‌ ده‌رگه‌هه‌ک باش ژ بۆ گه‌له‌ک خوه‌نده‌کارێن زانینگه‌ها زاخۆ پرۆژه‌ و شیانێن خوه‌ دیار بکن.

به‌رده‌وامیا داخویانیا خوه‌ دا وێ گۆت: ئه‌و کورته‌ فلم ب چ ئالیه‌کێ سیاسی ڤه‌ گرێدایی نینه‌ به‌لکو زێده‌تر نه‌ته‌وه‌یی یه‌ و ژ نها دا ئه‌و فلم ژ قۆناخا وێنه‌گرتنێ ب داوی ئانیه‌ و د قۆناخا مۆنتاژکرنێ دایه‌.
خوه‌نده‌کارێ زانینگه‌هێ سه‌فور ڕه‌مه‌زان ب ڤی کاری ڕابوویه‌ و دبێژە: هه‌ر چه‌نده‌ پێنگاڤه‌کا بچووکه‌ لێ به‌لێ ب دیتنا من دێ ڕه‌نگڤه‌دانه‌کا باش هه‌به‌ و وه‌کی زانینگه‌ها زاخۆ دێ پشته‌ڤان بین ژ بۆ پێنگاڤێن ب ڤی ئاوایی.

Back to top button