سالرۆژا جیهانییا زمانێ دایکێ
سالرۆژا جیهانییا زمانێ دایکێ:
تێگەهێ “زمانێ دایکێ” :
ب پێناسەیەکا سادە؛ زمانێ دایکێ بریتییە “ل ئەوی زمانێ زارۆک ژ دایک و ل ناڤ خێزانێ فێردبیت”. واتە ئەو زمانە ئەوێ مرۆڤ بۆ ئێکەمین جار د ژیانا خوە دا فێردبیت .
هندەک زانیاری ل سەر رۆژا جیهانییا زمانێ دایکێ :
- ل سالا (١٩٩٩)ێ ڕێکخراوا یونسکۆ، ٢١ ێ شۆبباتا ساڵانە، وەکی سالرۆژا زمانێ دایکێ دەستنیشانکر.
- دانانا سالرۆژا زمانێ دایکێ و دەستنیشانکرنا ڕێککەڤتا ئەوێ، ل سەر داخوازییا وەڵاتێ (بەنگلادش)ێ بوو .
بەنگلادش و سالرۆژا جیهانییا زمانێ دایکێ :
ل ٢١ێ شۆباتا سالا (١٩٥٢)ێ، هژمارەیەکا قۆتابیێن زانکۆیا
(داکا) ل دژی سەپاندنا زمانێ (ئوردو [کو ل ئەوی دەمی زمانێ ڕەسمی یێ وەلاتێ پاکستانێ بوو و بەنگلادش ژی بەشەک بوو ژ پاکستانێ])خۆپیشاندانەک سازدا و د ئەنجامدا هژمارەیەکا قۆتابییان (شەهید) بوون و د پشتڕا بەنگلادشێ سەربەخوەییا خوە وەرگرت و ژ وەلاتێ پاکستانێ جودا بوو.
واتە وەک یادەوەری و ڕێزگرتن بۆ قۆربانیدانا ئەوان قۆتابیێن ل سەر مساومە نەکرن ژ پێناڤا پاراستنا زمانێ خوە یێ دایکێ دا ڕەنج کێشایی و شەهید بووین، وەلاتێ بەنگلادشێ داخواز کر کو ڕێککەڤتا ٢١ێ شۆبباتا سالانە، وەکی سالڕۆژا جیهانییا زمانێ دایکێ بهێتە دیارکرن، ئەو بوو ڕێکخراوا یونسکۆ داخوازییا وەلاتێ بەنگلادشێ پەسەند کر و ئەڤ ڕۆژە ب سالرۆژا ساخکرنا زمانێ دایکێ ل پڕانییا وەڵاتێن جیهانێ هاتە نیاسن.
