ڕۆژنامەیا زی تایمس نرخاندنەك به‌رفرھ ل سه‌ر هلبژارتنێن ترکیێ كو د 31.03.2019 ێ ل تركیێ وو باكورێ كوردستانێ ھاتن ئەنجامدان، كریە و د ئەنالیزا خوه ده دبێژه کو، ڤێجا تەیب ئه‌ردۆگان سەرۆكێ تركیێ قه‌بوول کر کو سنۆره‌ک ژ بهێزبوونا وی هه‌یه.
ل گۆر رۆژنامەیێ، ئیحتیمالەكە گەلەك مەزن ھەیە كو ژبەر رەروشا خەراپا ئابۆریا تركیێ، دەنگدەران خوەستیە ئەردوگان جەزا بكە. ئه‌ردۆگان ئه‌ڤ هلبژارتن ژ خوه ڕه کر بو وه‌ک باوه‌رمه‌ندیه‌کێ و باوەریەكا مەزن بخوە ھەبوو كو ئەو دێ د ڤاب ھلبژارتناندا ل سەرتاسوری تركیێ سەركەتنەك مەزن ب دەست بینە، لێ، زی تایمس، دبێژه کو ئه‌ڤ یه‌ک ژی وه‌ک ئەردوگان دخوه‌ست نه‌چوو سه‌ری و ئەڤ ئەنجاما ونداکرنا باژارێن مه‌زن، ناڤبه‌را ئه‌ردۆگان و هه‌ڤالبه‌ندێن وی یێن که‌ڤن ژی خراب دکه.
ڕۆژنامه دده خوویاکرن کو دێ سه‌رۆکوه‌زیرێ به‌رێ ئەحمەد داڤوت ئۆگلو پارتیه‌ک نوو دامه‌زرینه و باوه‌ریه‌ک مه‌زن یا ڤێ یه‌کێ هه‌یه.
په‌یامنه‌رێ زی تایمس دبێژه: د هلبژارتنێن ترکیێ ده که‌سه‌ک نه ل هیڤیا سورپریزه‌کێ بوو. ئه‌ردۆگان 11 سالا سه‌رۆکوه‌زیری کر، سالا 2016 ێ بوو سه‌رۆک کۆمار، ئه‌ردۆگان هێزا خوه ل سه‌ر مه‌دیایێ، دادوه‌ریێ و ده‌زگه‌هان گه‌له‌ک گران کربوو، ژ بۆ ڤێ دێ د ڤان هلبژارتنان ده سه‌رنه‌که‌فت.
ڤێ جارێ ئه‌ردۆگان نکاره بنکه‌فتنا خوه ڤه‌شێره. هه‌تا سالا 2023ێ چ هلبژارتن ل تركیێ چێنابن، ئه‌ردۆگان دڤێ ڕێیه‌کێ ببینه دا کو، گرێدانا د گه‌ل ده‌نگداران تێکنه‌دە.
ڕۆژنامه‌یا ناڤبۆری، د نرخاندنا خوە یا د بن ناڤێ “ ڕه‌وشا مه‌لک نە باشه“ ده، ڕێیه‌کی دده به‌ر ئه‌ردۆگان و دبێژه: دڤێ ئه‌ردۆگان هه‌موو گرتیێن موخالفێن خوه ئازاد بکه و ڕه‌وشا دارایی باش بکه.
ڕۆژنامه دبێژه: پێشڤەچوونا ترکیێ یا به‌ر باشیێ ڤه و مۆده‌رنه‌زیکرنێ ده که‌دا ئه‌ردۆگان گه‌له‌ک بوو. لێ نها رەوشا ئابۆری تێکدچه، هه‌ر تشت بها دبه، بێ کاری گه‌له‌ک بوویه، حوکومه‌ت موخاله‌فه‌تێ بێ ده‌نگ دکه یان ژی تێخه گرتیگه‌ها ده.
ڕۆژنامه د داویا ئەنالیزا خوه ده دبێژه: ته‌مه‌نێ ئه‌ردۆگان 65 ساله، ل پێشیا وی 4 سالێن بێ هلبژارتن هه‌نه. ئه‌ردۆگان د ڤێ ده‌مێ ده موخاله‌فه‌تێ نه‌خه‌نقینه، هه‌ڤالبه‌ندێن خوه خه‌لات نه‌که و ناتۆ و ڕوسیایێ به‌رنه‌دێ هه‌ڤوودن، ژ ده‌رێ ڤێ تشته‌کی نه‌که دێ میراسێ خوه هه‌موو ژ ده‌ست بدە. پێوستیا ئه‌ردۆگان هه‌یه کو، ل هه‌رێمێ ل گه‌ل جیرانێن خوه ئاشتیه‌کی په‌یدا بکه دا کو ئیستقراره‌ک چێببه. پێویستیا وی ب ڕۆناهیه‌کێ یا ده‌مۆکراسیێ هه‌یه نه کو دکتاتۆریا خوه زێده بکه
