سه‌رۆکێ ڕووسیایێ ڤلادمر پوتن ب پێدڤی دزانه کو پرسگرێکا کورد ل سووریێ وه‌ره چاره‌سه‌ر کرن و گۆت کو، ئه‌و فکارێن ئه‌وله‌هیێ یێن ترکیه‌یێ فام دکن.
پێنجشه‌مێ، ۱۹-۱۲-۲۰۲٤، سه‌رۆکێ ڕوسیایێ ڤلادمر پوتن، د ده‌ما جڤینا چاپه‌مه‌نیا خوه یا سالانه دا د ده‌ربارێ هلوه‌شینا ڕژێما به‌شار ئه‌سه‌د و گه‌شه‌دانێن داوی یێن ل سووریێ و چاره‌سه‌ریا پرسگرێکا کوردی ئاخڤی.
د ده‌ربارێ چاره‌سه‌رکرنا پرسا کوردی ل ڕۆژاڤایێ کوردستانێ، سه‌رۆکێ ڕووسیایێ گۆت: دڤیابوو پرسگرێکا کورد ل سه‌ر ده‌مێ سه‌رۆکێ به‌رێ یێ سووریێ بهاتا چاره‌سه‌رکرن، لێ نها ژی پێویسته پرسا کوردی ب وان که‌سێن کو نها ئاخا سووریێ کۆنترۆل دکن چاره‌سه‌ریه‌ک ژ پرسا کورد را ببینن.
پوتن د ئاخاڤتنا خوه ده ئه‌و یه‌ک ژی گۆت کو ده‌وله‌تێن ڕۆژاڤا وسا ددن خویا کرن کو ڕووسیا ل سووریێ شکه‌ستیه، لێ وی گۆت کو ئه‌و داخویانیێن ژ ده‌وله‌تێن ڕۆژاڤا ده‌ردکه‌ڤن نه‌راستن و ” مه په‌یوه‌ندی دگه‌ل هه‌مێ ئالیێن سووری یێن نها ل شامێ نه، هه‌نه.
