برێز نێچیرڤان بارزانی سه‌رۆکێ هه‌رێما کوردستانێ، رۆژا پێنجشه‌مێ ٢٠٢٣/٨/٣ێ، فه‌رمانا هه‌رێمی یا ژ بۆ دیارکرنا رۆژا ئه‌نجامدانا هلبژارتنێن پەرلەمه‌نتۆیا کوردستانێ ئیمزا کر.
ل گۆر وێ فه‌رمانا هه‌رێمی و ئه‌و ده‌ستهلاتا یاسایا سه‌رۆکاتیا هه‌رێما کوردستانێ ب سه‌رۆکێ هه‌رێما کوردستانێ دایه، سه‌رۆک نێچیرڤان بارزانی رۆژ ٢٠٢٤/٢/٢٥ێ ژ بۆ هلبژارتنێن گشتی یێن خولا شه‌شه‌مین یا پەرلەمه‌نتۆیا کوردستان-ئیراق دیار کر.
فه‌رمانا هه‌رێمی هه‌موو ئالیێن پێوه‌ندیدار پابه‌ند دکه ب ئه‌نجامدانا کارێ پێویست و هه‌ڤکاری و هه‌ڤاهه‌نگی دگه‌ل کۆمیسیۆنا بلند یا سه‌ربخوه یا هلبژارتنان ژ بۆ جیبجیکرنا ڤێ فه‌رمانێ ژ رۆژا ده‌رچوونا وێ و هه‌روها د رۆژنامه‌یا فه‌رمی دا بێ به‌لاڤ کرن.
د ڤێ ده‌ربارێ دا، برێز دلشاد شه‌هاب په‌یڤدارێ سه‌رۆکاتیا هه‌رێما کوردستانێ د پرێسسکۆنفه‌رانسه‌کێ دا ده‌ربارێ ئیمزاکرنا ڤێ فه‌رمانێ ئاشکه‌ره کر کو پشتی راوێژ و گۆتوبێژکرنا دگه‌ل ئالیێن سیاسی رۆژا هه‌لبژارتنان هاته دیار کرن.
