سۆزا ئەردۆگان دایە نێچیرڤان بارزانی
نێچیرڤان بارزانی سه‌رۆکێ ھەرێما کوردستانێ، د جڤینا دگەل رەجەب تەیب ئەردۆگان دا، دلگرانیا کوردستانێ یا د ده‌ربارێ به‌رده‌وامیا ئۆپه‌راسیۆنا ترکیێ ل سەر باشوورێ كوردستانێ، گەهاندیه ڕه‌جه‌ب تایب ئه‌ردۆگان سه‌رۆک کۆمارێ ترکیێ، ئه‌ردۆگان ژی سۆز دایه كو پێداچوونێ بکن و د رێڤەچوونا ئۆپه‌راسیۆنێ ده هه‌ستیارتر بن.
ل گۆر چاڤکانیێن ڕۆژنامه‌ڤانیێن ترکیێ كو به‌شه‌ک ژ ناڤه‌رۆکا جڤینا د ناڤبه‌را نێچیرڤان بارزانی سه‌رۆکێ ھەرێما کوردستانێ و ڕه‌جه‌ب تایب ئه‌ردۆگان سه‌رۆککۆمارێ ترکیێ ئا‌شکه‌ره کریه و دبێژن: “نێچیرڤان بارزانی دلگرانیا کوردستانێ د ده‌ربارێ به‌رده‌وامیا ئۆپه‌راسیۆن و زێده‌بوونا زه‌ره‌ر و زیانێن خه‌لکێ گەهاندیه ڕه‌جه‌ب تایب ئه‌ردۆگان سه‌رۆک کۆمارێ ترکیێ، ئه‌وی ژی سۆز دایه كو پێداچوونێ بکن و ئۆپه‌راسیۆنان دا هه‌ستیارتر بن.
ژ ئەنجاما ئۆپه‌راسیۆنێن ترکیێ یێن ڤێ داویێ بۆ سەر باشوورێ كوردستانێ ھەتا نھا 6 وه‌لاتیێن سڤیلێن کوردستانێ و هه‌ر وەها دو ئه‌فسه‌ر و سه‌ربازه‌ک ژ ھێزێن پاسەڤانێ تخووبی كو سەر ب ئیراقێ ڤە نە جانێ خوه ژ ده‌ستدانە.
پشتی سه‌ردانا سه‌رۆکێ ھەرێما کوردستانێ یا ئه‌نقه‌ره‌یێ، وه‌زاره‌تا به‌ره‌ڤانیا ترکیێ ئۆپه‌راسیۆنێن خوه یێن ل سه‌ر باشوورێ کوردستانێ ڕاگرتن.
