سیاسه‌تا دو روو زه‌ره‌رێ ددە به‌رژه‌وه‌ندیێن نه‌ته‌وی
ده‌وله‌تێن داگیرکه‌ر و ملیسێن شیعه ل ئیراقێ ژئ بۆنا ژناڤبەرا قەوارەیا ھەرێما كەردستانێ دكنو ژ بۆ بشتگریا وان، پەکەکێ ژی ده‌ست ئێریشێن خوه ل هەمبه‌ر سه‌روه‌ریا کوردستانێ کر. گه‌له‌ک نرخاندن، شرۆڤە و هه‌لوه‌ستێن جودا ده‌رکه‌تن هۆلێ. ئالیێن سیاسی ل هه‌موو ده‌ڤه‌رێن کوردستانێ داخوویانی ڕاگەهاندن. ب ناڤێ سیاسه‌تمه‌دار و ڕه‌وشه‌نبیرا داخوویانیێن جودا هاتن ڕاگەهاندن. هنده‌ک پشتگریا چه‌کدارێن پەکەکێ و ئێریشێن پەکەکێ ل سه‌ر هێزا پێشمه‌گه‌یان کر و هنده‌ک ژی ل دژێ کریارێن پەکەکێ ڕاوه‌ستیان و هه‌لوه‌ستا خوه ب زه‌لالی ئا‌شکه‌ره کر.
مرۆڤ هه‌لوه‌ستا ڤان هه‌ردو ئالیان تێ دگەهه. لێ هه‌لوه‌ستا ب ناڤێ بێالیێ تێ نیشاندان گه‌له‌ک خرابه و ھەلوەستێن ب وی ئاوایی نه ژ بۆ چاره‌سه‌ریێ و نە ژی ژ بۆ کاره‌ک ئه‌رێنی تێ کرن. ته‌نێ هنده‌ک دخوازن ب ناڤێ بێئالیێ ڕۆژا خوه خلاس بکن و خوه وه‌ک که‌سایه‌تی بدن قەبوول كرن.
ئه‌گه‌ر بوویه‌ره‌ک ڕوو بدە و مرۆڤ د ده‌ربارێ ڤێ بوویه‌رێ دا دیتنا خوه بێژه، دڤێ ڕاستیێ ژی بێخه ڕۆژه‌ڤێ. ئالیه‌ک حه‌ق و یه‌ک ژی نه‌حه‌قه. ئه‌گه‌ر تو بێژی هه‌ردو ئالی ژی نه‌حه‌قن ، یان ژی حه‌قن نابه. ئه‌ڤ هه‌لوه‌ست ئه‌نجاما سیاسه‌تا دوروو تیێ یە.
ژ ئالیه‌ک دن ڤه گه‌له‌ک که‌س بۆ بکاربن پەکەکێ ڕه‌خنه‌بکن دڤێ پەدەکێ ژی ڕه‌خنه بکن. گرێدایێ کریارێن پەکەکێ ڕه‌خنه‌کرنا پەدەکێ نه ڕاسته و دبه سه‌ده‌مێ خه‌له‌تیه‌ک مه‌زن و د سیاسه‌تێ دا جهێ ڤێ یه‌کێ نینە. ئه‌گه‌ر تو پەدەکێ ڕه‌خنه بکی بکه، مافێ ته یه لێ پەدەکێ ب کریارێن وێ ڕه‌خنه بکه، نه کو ده‌ما تو بخوازی پەکەکێ ڕه‌خنه بکی ئڵه‌ھ دڤێ به‌هسا پەدەکێ ژی بکی. گه‌له‌ک جارا تێ گۆتن کو پەدەکێ ڕێ دایه پەکەکێ ل باشوور ب جھ ببن و د وه‌ختێ خوه دا پەدەکێ ئالیکاریا پەکەکێ کریه دا کو ل باشوور ب جھ ببه و ل گه‌ل پەکەکێ په‌یمان ئیمزا کرنه. ئه‌ڤ یه‌ک ب ئاوایه‌کی ل گۆر ده‌مێ هاتی کرن ،گه‌ره‌ک بێ شرۆڤه کرن. لێ نابه د ڤان ده‌ما پەکەکە ڤه‌کری ئێریشێ سه‌روه‌ریا باشوورێ کوردستانێ دکه، تو ڤێ یه‌کێ پەدەکێ ڤه گرێ بدی. ژ بەر كو مه‌رجێن وێ قۆناخێ گه‌له‌ک جودا بوون.
د ڤێ قۆناخێ دا پەکەکە ل باشوور گرێدایێ حه‌شدا شه‌عبی ب فه‌رمانا ئیرانێ ته‌ڤدگه‌ره. پەكەکە ژ بۆنا ترکیا نكەڤە باشوورێ كوردستانێ ل گه‌ل هنده‌ک هێزێن ده‌وله‌تا ترک د ناڤا هه‌ماهه‌نگیه‌کێ دا یه. پەکەکە ده‌ستێ ده‌وله‌تێن داگیرکه‌رە ل هه‌رێمێ . ئه‌گه‌ر هنده‌ک نکاربن ڤێ ڕاستیێ بێژن بلا بێ ده‌نگ بن باشتره. یان ژی بلا ب ئاوایه‌ک شه‌رمۆک هه‌ڤالبه‌ندیا پەکەکێ نه‌کن و ڤه‌کری پشتگریا خوه ژ کریارێن پەکەکێ ڕا دیار بکن.
کورد هه‌موو ل باکور، باشوور، ڕۆژهلات، ڕۆژاڤا و ل هه‌موو ده‌ڤه‌رێن جیهانێ ده‌ستکه‌فتیێن نه‌ته‌وی ل باشوور وه‌ک ده‌ستکه‌فتیێن خوه دبینن. بۆ ڤێ ژی پشتگریا سه‌روه‌ریا کوردستانێ دکن و ڤێ ڕۆناهیێ ژ بۆ ئازادیا کوردستانێ وه‌ک هێڤیه‌ک مه‌زن دبینن. ھه‌لبه‌ت دێ ل ده‌ستکه‌فتیێن باشوور بپارێزن. چ به‌شه‌ک کوردستانێ ژ بۆ به‌شه‌ک دن نابه بێخه‌مبە.
ئه‌گه‌ر تو جوره‌یێ پێوه‌ندیێن هنده‌ک ئالیێن سیاس ل گه‌ل هنده‌ک ئالیان ڕه‌خنه بکی، باش دبه و ئه‌ڤ بابه‌ته‌ک تایبه‌ته. گه‌ره‌ک باش بێ زانین شه‌رێ پەکەکێ ل دژێ پەدەکێ، د بنگه‌هێ خوه دا ل دژێ سه‌روه‌ریا هه‌رێما کوردستانێ یه. ته‌نێ ژ بەر كو پەدەکە ل ده‌ستکه‌فتیێن نه‌ته‌وی خوه‌دی ده‌ردکه‌ڤه و به‌حسا ده‌وله‌تبوونێ دکه، پەکەکە ب زانه‌بوون پەدەکێ دکه ئارمانج. پەکەکە د که‌سایه‌تیا پەدەکێ دا ئێریشێ ده‌زگه‌هێن یاسایی یێ کوردستانێ دکه.
ب سیاسه‌تا دو روو ب ته‌نێ ئه‌م زه‌ره‌رێ ددن به‌رژه‌وه‌ندیێن نه‌ته‌وی. ژ خوه یێن مالا کوردستانێ شه‌وتاندی ئه‌ڤ سیاسه‌تا دوروویی یه. نابە چه‌وا ل بایێ ته وه‌رە تو سیاسه‌تێ بکی.
ل باکورێ کوردستانێ گه‌له‌ک ئالیێن سیاسی، ڕه‌وشه‌نبیر و که‌سایه‌تێن سیاسی دبێژن کو دڤێ ئه‌م باشوورێ کوردستانێ وه‌ک بیبۆکا چاڤێ خوه بپارێزن. ده‌ما هنده‌ک ل سه‌ر لاشێ ته ڕوونن و تلییا خوه بێخن چاڤێ ته دا دا کو بته‌قینن، دێ مرۆڤ چ بکه؟ ده‌ما ئه‌م بکاربن به‌رسڤا ڤێ پرسێ ژ خوه بکن و به‌رسڤه‌ک ڕاسته‌قینە بدن ، دێ ڕه‌وش باشتر بێ تێگەهاندن.
ئه‌م ژ بیر نه‌کن کو،ئیرۆ جهێ ئالا کوردستانێ ب ئازادی بلند دبه باشوورێ کوردستانێ یه.
2020.11.18
نووچه/ئانالیز
