سێ خالێن گرنگ د خەباتا ئیدریس بارزانی دا
سێ خالێن گرنگ د ژیانا خەباتا رەحمەتی کاک ئدریس بارزانی یێ جانەمەرگ دا:
١- د بیاڤێ خەباتا چەکداری دا:
د شۆرەشا ئیلونێ دا پشت و ھاندەرەک مەزن بوو بۆ پێشمەرگەی، ب رێبەری و شارەزاییا وی پێشمەرگەی سەرکەفتنێن مەزن بدەستدئینان، شەرێن زۆزک و ھەندرێن، و ڤان سەرکەفتنا وەکر کو حکومەتا عێراقێ نەچار بە گفتوگوویێ دگەل سەروکاتییا شۆرەشا کوردستانێ بکە.
٢- د بیاڤێ خەباتا ئاشتیخوازی و پێکڤەژیانێ دا:
وەک ئاشتیخوازەک کارەک وەسا کر کو ھەمی ئپوزسیۆنا عێراقێ د یەک کونگرەیێ دا یەکبن و پێکڤە ل دژی دیکتاتۆریێ خەباتێ بکەن.
ھەروەسا ئەو بوو وەکر کو بەرەیێ کوردستانی د ناڤ ھێزێن کوردی دا دروست ببە و ھەمی ھێزێن کوردستانێ پێکڤە خەباتێ بکەن د ناڤ چوارچویڤەیێ بەرەیێ ( جود)دا.
٣- د بیاڤێ رێکخستن و راگرتنا پارتی ژ کەتن و ژێکبەلاڤبوونێ دا:
گەلەک ھێز و پارتیێن سیاسی دەما تووشی شکەستنەکێ دبن دێ بینی ھندەک کەس د ناڤ سەرکرداتیێ دا خوە جودا دکەن.
پشتی وەفاتا بارزانی کو، سومبلا خەباتا نەتەوەیا کورد و سەرۆکێ پارتی و سەرکێشێ شۆرەشا کوردستانێ بوو، ھینگێ رەحمەتی ئدریس بارزانی وەکر کو پارتی ژێکبەلاڤ نەبە و جارەک دی د وەختەکێ کێم دا، پشتی شکەستنا شۆرەشێ، جارەک دی شۆرەشا کوردستانێ د رێکخستنەک بھێزتر دا دەستپێبکە و جارەک دی مورالێ خەلکێ کوردستانێ بھێز بکە و شۆرەشا گولانێ بوو بەردەوامییا شۆرەشا ئیلونێ و بەرھەمێ وێ فەدەرالی بۆ کوردستانێ ب دەستڤە هات.
سلاڤ بۆ گیانێ سەرکێشێ کاروانێ کوردینیێ بارزانی یێ نەمر.
سلاڤ بۆ گیانێ کاک ئدریس بارزانیێ جانەمەرگ.
سلاڤ بۆ گیانێ تەڤایا شەھیدێن کوردستانێ
