ترکیێ د پێڤاژۆیه‌ک زیز را ده‌رباس دبه. قه‌ده‌ر و چاره‌نووسا ترکیێ و ئه‌ردۆگان ب هلبژارتنا سه‌رۆککۆماری و پەرلەمه‌نتۆیا ترکیێ ڤه گرێدایی یه. ئه‌ڤ هلبژارتنا کو وێ د ۱٤ێ گولانێ دا چێببه، هه‌م ژ بۆ سه‌رکه‌تنا ئه‌ردۆگان و تفاقا کۆمارێ و هه‌م ژی ژ بۆ مخاله‌فه‌تێ و تفاقا مله‌ت پر گرینگه.
ل گۆر دخویێ، د پێڤاژۆیا چه‌ند مه‌هێن هلبژارتنێ دا وێ گه‌له‌ک ئالۆزی و پرۆڤۆکاسیۆن ده‌رکه‌ڤن هۆلێ. کوشتنا سه‌رۆکێ کۆمله‌یێن نیژادپه‌ره‌ستێن ترکیێ سینان ئاته‌ش، ل سوێد، نۆروێچ و دانیمارکایێ شه‌وتاندنا قورانێ هنده‌ک ژ ڤان لیزتک و پرۆڤۆکاسیۆنان تێن خویاکرن. شک و گومان هه‌نه کو پرۆڤۆکاسیۆنێن ب ڤی ئاوایی به‌رده‌وام بن و ژ بۆ تۆلهلدانێ ئیسلامیستێن توندره‌و ل ترکیێ ئێریشی که‌س یان کۆمێن نه مسلمان بکن.
د ڤێ ده‌ربارێ دا ئەمه‌ریکا، ئەلمانیا و فرانسایێ ب رێیا چاپه‌مه‌نی و مه‌دیا سۆسیال بالا هه‌ڤوه‌لاتییێن خوه کشاندن و ئه‌و هشیار کرن کو های ژ خوه هه‌بن، ژ دێر و هه‌ڤدیتنێن گرسه‌یی دوور بکه‌ڤن. بالیۆزێن ترکیێ یێن هه‌ر سێ وه‌لاتان، ب هه‌مان ئەگەرێ هه‌ڤوه‌لاتییێن خوه یێن ل ترکیێ هشیار کرن و بال کشاندن کو که‌س یان گرووپێن ته‌رۆریست دکارن ئێریشی عیباده‌تخانه‌یان بکن.
