سەركەفتنا (پ د ك) گارانتیا دەستكەفتیێن نەتەوەیی یە سه‌رکه‌فتنا پارتیا دەموكراتا كوردستان (پدك) ێ گارانتیا ده‌ستخستنا مافێن نه‌ته‌وی و گاڤه‌ک گه‌له‌ک گرێنگه د رێیا سه‌رخوه‌بوونا کوردستانێ ده.ل کوردستانا باشوور ٣٠. ٠٩. ٢٠١٨ێ هەلبژارتنێن پارله‌مه‌نتۆیێ چێدبن. هنده‌ک ئالیێن سیاسی ناخوازن هەلبژارتن دده‌ما هاتی دەستنیشانكری ده چێببن و داخوازا پاشخستنا هەلبژارتنا دکن. لێ ژ بۆ پاشخستنێ تو سه‌ده‌مه‌کی نادن پێش. ته‌نێ مه‌ترسیه‌ک هه‌یه کو دێ ده‌نگا وندا بکن .ل کوردستانا باشوور ده‌ما که‌تنا که‌رکووکێ ده خیانه‌ته‌ک مه‌زن هاته ل دارخستن. به‌شه‌ک ژ یەكێتیا نشتیمانیا كوردستان (ینک) ێ و هنده‌ک ئالیێن دن یێن سیاسی هه‌ڤکاریا ھەڤ كرن و که‌رکووک فرۆتن و خیانه‌تا ١٦ێ ئۆکتۆبه‌رێ ل دارخستن. لێ دیارە ئه‌ڤ یه‌ک زوو هاتیه ژ بیرکرن. ڕاستی ئه‌و ئالیێن خیانه‌ت کرین بێ کو شه‌رمێ بکن ده‌ردکه‌ڤن ل همبه‌ر خه‌لکێ به‌هسا چالاکیا خوه دکن. مخابن ئه‌و که‌سایه‌ت و ئالی جاردن وه‌ک ئاکتۆرێن سیاسی د قادا سیاسه‌تێ ده دله‌یزن.نها ل ڤێ ده‌رێ دڤێ روخنه‌یه‌ک ل هه‌موو ئالیان بھێته کرن. راسته یێن خیانه‌تێ دکن دخوازن زوو ئه‌و کارێ کو ژێ شه‌رمێ دکن ژ هزرا خه‌لکێ ده‌رکه‌ڤه، لێ دیارە ژ هزرا هه‌موو ئالیه‌کی یان ده‌رکه‌تیه یان ژی کێم بوویه.د هەلبژارتنان ده هه‌ر ئالیه‌ک سیاسی د پرۆپاگاندا خوه هنده‌ک ئارگومه‌نتا ددن پێش و ل گۆرا وێ ژی ده‌نگا ژ خه‌لکێ کوردستانێ دخوازن.د هەلبژارتنێن پارله‌مه‌نتۆیا عیراقێ ده پدک بوو پارتیا یه‌که‌م. ینک ژی سه‌رکه‌فتنه‌ک ب ده‌ستڤه ئانی.پارتیێن دن ژی ل گۆرا خوه ده‌نگ ستاندن. نها ل گۆرا بوویه‌رێن کو هاتین هۆلێ، دخوه‌یێ کو، خیانه‌ت و کوردستانیبوون و نشتمان په‌روه‌ری گه‌له‌ک د هزرا خه‌لکێ کوردستانێ ده نامینه. ژ خوه ده‌نگێن ینک ل که‌رکووکێ گرتین ده‌لالەتا هه‌ری مه‌زن یا ڤێ یه‌کێیه.که‌سێن خیانه‌ت کرین، ئیرۆ ب هێسانی رادبن که‌سێن ل همبه‌ر خیانه‌تێ به‌رخوه‌دایین رەخنه دکن. ئه‌ڤە ژی گه‌له‌کی خه‌ریبه. هه‌روه‌ها ده‌لالەتا وندابوونا زاکیرا خه‌لکێ ب خوه یه ژی.بوویه‌رێن ١٦ێ ئۆکتۆبه‌رێ و پشتره ژی، ته‌نێ پدک ب ته‌نا خوه و ب هێزا خوه پاراستنا خاکا کوردستانێ کر. شه‌رێ پردێ و سحێلا ده‌ستانێن نوی ژ ئالیێ پێشمه‌رگه‌ڤه هاته ل دارخستن. باشه ئه‌ڤ یه‌ک هه‌تا چ ڕاده‌یێ دئ ناڤا خەلكێ دە تێ گۆتوبێژ كرن؟ گه‌لۆ مه‌دیایێ ل سه‌ر ڤان بابه‌تا چقاس هه‌ولدان و لێكۆلین کرن؟ دڤێ ئەڤ بابەت بێن گۆتوبێژ كرن.ژ ئالیه‌ک دن لیسته‌یێن کو پارتیا ده‌رخستن و ناڤێن د ڤان لیسته‌یان ده دێ باندۆره‌کێ ل سەر هەلبژارتنا بکن یان نا نایێ زانن. ممکنه باندورێ ل سەر هنده‌ک پارتیان بکن و ل سەر ھندەكان نه‌کن.لێ پێدڤی بوو پدکێ ئه‌ڤ یه‌ک ژ هه‌موو ئالیان باشتر بنرخاندا و پشتی لێپرسێنه‌کی لیسته‌یا خوه ئه‌شکه‌ره بکرا.دڤێ پدک د قادێن خوپێشاندانان ده، د پۆرۆپاگاندا هەلبژارتنان ده به‌حسا گرنگیا ڕەفه‌راندوما سه‌رخوه‌بوونا کوردستانێ و پێڤاژۆیا پشتی وێ باش بکه. دڤێ پدک ب ناڤه‌رۆک نه ته‌نێ ب شیعارا پرۆپاگاندا خوه بکه و ڕاستیا پێڤاژۆیه‌کی ژ خه‌لکێ کوردستانێ ڕا بده خوویاکرن.د هەلبژارتنان ده سه‌رکه‌فتن مافێ هه‌ر ئالیه‌کیه، لێ پدک ئه‌ڤ یه‌ک حه‌ق کریه و ئه‌گه‌ر پدک سه‌رکه‌فتنه‌ک باش بده‌ستڤه بینه ئه‌ڤ یه‌ک دبه زه‌مانا ده‌ستخستنا مافێن نه‌ته‌وی و هه‌ر وه‌ها دێ مافێن کوردا ل هەمبه‌ر به‌غدایێ باش بێنه پاراستن و دێ کوردستان رۆژ ب رۆژ به‌ر ب سه‌رخوه‌بوونێ ڤه بچە.
سەركەفتنا (پ د ك) گارانتیا دەستكەفتیێن نەتەوەیی یە
