نامەیەكا پیرۆزباھیێ ژ سەرۆكێ ئەمریكایێ
سه‌رۆکێ ئەمریکایێ دۆنالد ترومپ جه‌ژنا نه‌ورۆزێ ل سه‌رۆکێ هه‌رێما کوردستانێ نێچیرڤان بارزانی پیرۆز دكە.
سه‌رۆکێ ئەمریکایێ دۆنالد ترومپ ب ھەلكەفتا جەژنا نه‌ورۆزێ، نامه‌یه‌کا پیرۆزباهیێ ژ سه‌رۆکێ هه‌رێما کوردستانێ نێچیرڤان بارزانی را شاند.
ترومپ د وێ نامه‌یا خوه دا جه‌ژنا نه‌ورۆزێ ل نێچیرڤان بارزانی و گه‌لێ کوردستانێ پیرۆز دکه و ھێڤی دكە کو په‌یوه‌ندیێن د وارێ ئابۆری و ئەمنی دا د گه‌ل هه‌رێما کوردستانێ بهێزتر ببن.
نامه‌یا پیرۆزباهیێ یا سەرۆكێ ئەمریکایێ:
بەرێز جه‌نابێ سه‌رۆک نێچیرڤان بارزانی
هه‌رێما کوردستانێ
کۆمارا عیراقێ
بەرێز جه‌نابێ سه‌رۆک،
ب ناڤێ گه‌لێ ئەمریکایێ هێڤیا نه‌ورۆزه‌کا خوه‌ش بۆ وه و گه‌لێ هه‌رێما کوردستانا عیراقێ دخوازم.
مه د گه‌ل هه‌ڤ ل دژی داعشێ ده‌ستکه‌ڤتێن مه‌زن ب ده‌ست خستن و ئه‌م ب هێڤی ل به‌ندێ نه كو ژ بۆ بهێزکرنا په‌یوه‌ندیێن ئابۆری و ئه‌منی د گه‌ل حکومه‌تا وه ده‌رفه‌تێن نوو پێكنێن.
دگه‌ل ڕێزێن من
دۆنالد ترومپ
سه‌رۆکێ هه‌رێما کوردستانێ نێچیرڤان بارزانی بەرسڤا ڤێ نامه‌یا سەرۆكێ ئەمریکایێ ترومپ ددە و د هه‌ژمارا خوه یا تویتته‌رێ دا دنڤیسینە: “ئه‌ز ب ناڤێ خه‌لکێ هه‌رێما کوردستانێ سپاسیا سه‌رۆک ترومپ و خه‌لکێ ئەمریکایێ دکم. چاڤێ مه ل بهێزکرنا په‌یوه‌ندیێن مه د گه‌ل ئەمریکایێ یە.”
