سەرۆكێ پارتیا سوسیالیستا كوردستانێ (پەسەكە) د بەرسڤا پرسا مالپەرا رۆژەڤاكورد دا كا گەلۆ ھەول و خەباتێن ئاڤاكرنا یەكێتیا نەتەوەیی ل باكورێ كوردستانێ د چ رەوش دایە دبێژە:
ل کوردستانا باکور ژ بۆنا ئاڤا کرنا یەکرێزیا نه‌ته‌وه‌یی دو هەول و خه‌باتێن جودا جودا هه‌نه. یه‌ک ژ وان خه‌باتان هه‌ولێن هه‌ڤبه‌ش یێن پارتیا سۆسیالیستا كوردستان
پەسەكە) و پارتیا ئازادیا كوردستانێ (پاك) ێ یه، کو هنده‌ک گروبێن وه‌لاتپارێز و که‌سایه‌تیێن نشتمانپه‌روه‌ر ژی شیریکێ ڤێ خه‌باتا هانێ نه.
خه‌باتێن دن ژی ب پێشه‌نگیا ده‌ردۆرا هەدەپە و ب به‌شداریا هنده‌ک پارتی و گوروپێن سیاسی تێنه مه‌شاندن.
بێ گومان ئاڤاکرنا یەکرێزیا نه‌ته‌وه‌یی ل کوردستانا باکور، خالا سه‌ره‌کی یا ڕۆژه‌ڤا خه‌باتا ئازادخوازیا باکوره. پارتی و هێز و گوروپ و ئالیێن سیاسی یێن کوردستانا باکور، ژ بۆنا پێکانینا یەکتیا نه‌ته‌وه‌یی گه‌له‌ک هه‌ول دانه، خه‌بات کرنه. پارتیا مه ژی (پەسەكە) د هه‌مو هه‌ول و خه‌باتێن هانێ دا جھ گرتیه.
لێ به‌لێ دکارم بێژم ده‌ستپێکا هەولا داوی یا پاک و پەسەکە پێڤاژۆیا هلبژارتنا هه‌رێمی یا پارساله.
د هلبژارتنا هه‌رێمی یا سالا ۲۰۱۹ێ دا پاک و پەسەکە ب ناڤێ تفاقا وه‌لاتپه‌روه‌ر و ده‌مۆکرات به‌شداری هلبژارتنێ بوون. و دڤێ بێ گۆتن، کو پارتیا دەمۆكراتا كوردستانا-باكور (پەدەکە-باکور) و هندەک که‌سایه‌تیێن وه‌لاتپارێز و سه‌ربخوه ژی به‌شداری کار و خه‌باتا ڤێ تفاقێ بوونه.
پشتی هلبژارتنێ مە هه‌ردو پارتیا خه‌باتا خوه ژ بۆنا هه‌ڤکاری و یەکرێزیا نه‌ته‌وەیی به‌رده‌وام کر. ژ بۆنا ب سه‌رهه‌ڤ دا ئانینا هێزێن کوردستانێ، ب به‌شداریا هنده‌ک ئالیێن سیاسی و که‌سایه‌تیێن سه‌ربخوه دو دیدارێن فیکری (تهینک تانک) چێکر و تێدا ل سه‌ر ڕێ و ئۆلاخ و به‌رنامه‌یێ و چلۆ و چاوانیا یەکرێزیێ گفتوگۆ کرن.
د ئاخر دیدارێ دا هات گۆتن، کو گۆتوبێژ ب وان ئالیێن سیاسی یێن کو به‌شداری هه‌ردو جڤنان نه‌بوونه، بێ کرنێ، داکو ئه‌و ژی بەشدارێ پێڤاژۆیا هانێ ببن.
چه‌نده‌ک به‌رێ هه‌یئته‌ک، کو ژ نونه‌رێن پەسەکە و پاک و که‌سێن سه‌ربخوه پێکهاتیه، دگه‌ل پەدەکە، پەدەكە-باکور و حه‌ره‌که‌تا ئازادی گفتوگۆ کرن. د ڕۆژێن پێشێ ژی ئه‌مێ دگه‌ل هاک-پارێ ژی ل سه‌ر ڤێ باباتێ گفتوگۆ بکن. هه‌یا نها ئه‌نجامێ گفتوگۆیێن هانێ ئه‌رێنی نه و هێڤیبه‌خشه.
پشتی ته‌مامبوونا گفتوگۆیان، ل سه‌ر ئه‌نجامێن گفتوگۆ ئەم دێ نه‌خشه‌ره‌یه‌ک ده‌ستنشان بکن.
ل گۆر بیروباوه‌ریا مه یەکرێزیا کو ئه‌م ژبۆنا پێکهاتنا وێ کار و خه‌باتێ دکن، دڤێ نیشانا پر ڕه‌نگی و پر ده‌نگیا گه‌لێ کوردستانا باکور به. چ ڤیتۆیێن مه ده‌رهه‌قا چ هێز و گروپێن سیاسی و که‌سایه‌تیێن سه‌ربخوه نینه. مه‌رجێن مه مه‌رجێن نه‌ته‌وەیی و ده‌مۆکراتیکن کو ئه‌ڤن:
– دڤێ قه‌بول بکه، کو کوردستان وه‌لاته‌ک سه‌ربخوه یه، نه‌ته‌وه‌یێ کورد ژی…
– دڤێ ڕێز ل نرخێن نه‌ته‌وەیی وه‌کی ئالا ڕه‌نگین، سرودا نه‌ته‌وی و پێشەوایێن نه‌ته‌وەیی (شێخ سەعید، سه‌ید ڕزا، پێشەوا قازی و مه‌لا مسته‌فا بارزانی) بگره.
– دڤێ ژ بۆنا کوردستانا باکور، ل سه‌ر بنگه‌ها چوگرافیایێ ستاتویه‌کێ سیاسی و نه‌ته‌وەیی داخواز بکه.
www.rojevakurd.com
