سەرۆك بارزانی رۆلەكا تایبەت دلەیزە
سه‌رۆک بارزانی ژ بۆ باشتركرنا ڕه‌وشا کوردستانێ، ب تایبەتی باشوورێ كوردستانێ، ژ بۆ نێزیکبوونا هێز و ئالیێن سیاسی و ژبۆنا رێكخستنا ناڤمالا كوردی، ھەڤدیتن و دیدارێن خوە چڕ كرنە. بارزانی دخوازە كوردستانەكە بھێز ھەبە كو دەما گوھەرتنێن چاڤەرێكری چێ دبن، بكاربە دەستكەتیێن ھەنە بپارێزە.
هه‌ڤدیتنێن سه‌رۆک بارزانی:
1- ڕۆژا دووشه‌مێ 21.01.2019 ێ ل سه‌لاحه‌دینێ، سه‌رۆک مه‌سعود بارزانی پێشوازیا محه‌مه‌د حاجی مه‌حموود سه‌کره‌ته‌رێ گشتیێ پارتیا سۆسیالیستا ده‌مۆکراتا کوردستانێ کر.
د هه‌ڤدیتنێ دا ڕه‌وشا سیاسیا باشوورێ کوردستان، عیراق، ناڤچه‌یێ و پێشهاتێن داوی و گوهه‌رتن و هه‌ڤکێشه‌یێن ل سەر ئاستا عیراق و ھەرێمی نرخاندن.
هه‌ر د ڤێ جڤینێ دا په‌یوه‌ندیێن ناڤبەرا ھەولێر و به‌غدا و هه‌ولێن چاره‌سه‌رکرنا کێشه‌یان گووتۆبێژ كرن و بیر و ڕامان ل ھەڤ گوھارتن. هه‌روها په‌یوه‌ندی و زه‌روره‌تا یه‌کده‌نگیا ئالیێن سیاسیێن هه‌رێمێ و گاڤێن پێکانینا کابینه‌یا نوو یا حکومه‌تا هه‌رێما کوردستانێ خستن به‌ر به‌حس و گوفتووگۆیان.
2- ڕۆژا دووشه‌م 21.01.2019 ێ ل سه‌لاحه‌دینێ، سه‌رۆک بارزانی پێشوازیا ئه‌یاد عه‌لاوی سه‌رۆکێ ئیتیلافا وه‌ته‌نی یا عیراقی کر.
د هه‌ڤدیتنێ دا د ده‌ربارێ ڕه‌وشا ئەمنی وسیاسیا عیراقێ و په‌یوه‌ندیێن د ناڤبه‌را هه‌ولێر و به‌غدایێ گووتۆبێژ كرن و تەكید ل سەر چارەسەركرنا پرسێن ھلاویستیێن ناڤبەرا ھەر دو ئالیان دا ھەنە ب دیالۆگ و ل گور دەستوورا بنگەھین بێن چارەسەر كرن.
پێشهات و گوهه‌رتنێن ھەرێمی ژی مژاره‌که دن یا هه‌ڤدیتنا د ناڤبه‌را سه‌رۆک بارزانی و ئه‌یاد عه‌لاوی دا بوو.
3- ڕۆژا یه‌کشه‌م 20.01.2019 ێ ل سه‌لاحه‌دینێ، سه‌رۆک بارزانی پێشوازیا مامۆستا سه‌لاحه‌ددین به‌هاددین ئه‌میندارێ گشتیێ یه‌کگرتۆیا ئیسلامیا کوردستانێ کر.
د هه‌ڤدیتنێ دا ڕه‌وشا سیاسیا باشوورێ کوردستان و عیراق و ناڤچه‌یێ و پێشهاتێن داوی و گوهه‌رتن و هه‌ڤکێشه‌یێن ل ئاستا عیراق و ناڤچه‌یێ نرخاندن.
هه‌ر د ڤێ جڤینێ دا د ده‌ربارێ په‌یوه‌ندیێن ھەولێر و به‌غدا و هه‌ولێن ژ بۆ چاره‌سه‌رکرنا کێشه‌یان ب رێیا دانووستاندنان بەحس كرن. د ڤێ هه‌ڤدیتنێ دا تەكید ل سه‌ر باشتركرنا تێكەلیێن ناڤبەرا ئالیێن سیاسێ و ب تایبەتی په‌یوه‌ندیا د ناڤبه‌را هه‌ر دوو ئالیان دا و هه‌ولدانێن ژ بۆ ده‌سته‌به‌رکرنا یه‌ک گۆتاری و ته‌بایی یا ل کوردستانێ و ب هێزکرنا سازی و دامه‌زراوه‌یێن هه‌رێما کوردستانێ کرن
