سه‌رۆک بارزانی ل سه‌ر ڕه‌وشا کوردان ل ڕۆژاڤایێ کوردستانێ دلگرانیا خوه ڕاگهاند و دبێژە كو بوویه‌ر و پێشهاته‌یێن ڤان ده‌مێن داوی یێن ل سووریێ، ب تایبه‌تی ڕه‌وشا گه‌لێ کورد ل وی وه‌لاتی، جهێ دلگرانیێ یه.
سەرۆك مەسعود بارزانی د پەیامەكێ دە ل سەر پێشھاێن سوریێ و ڤەكشاندنا ھێزێن ئەمریكایێ دبێژە كو به‌رێ ژی ل سه‌ر پاشارۆژا گه‌لێ کورد ل سووریێ و ئه‌و ڕه‌وشا ل ڕۆژاڤا دروست بوویه، مه تێبینی و دلگرانیا خوه ڕاگهاندیه و نەدبوو رەوش بگەھە ڤێ رەوشا نھا.
سەرۆك بارزانی د پەیاما خوە دا ھێڤی دكە كو بوویەر و روودانێن ڤێ داویێ و پێشهاتێن نوو، نه‌بن سه‌ده‌ما وێ یه‌کێ كو توندوتیژی و شه‌ر گه‌شتر ببه و ئێدی هه‌ڤوه‌لاتی و گه‌لێ کورد ل سووریێ ژی ئێش و ئازارێن زێده‌تر نه‌بینن
ڕۆژا چارشه‌مێ ۱۹-۱۲-۲۰۱۸ سه‌رۆکێ ئه‌ریکایێ، دۆنالد ترومپ، بریار دا کو هێزێن ئه‌مریکایێ ژ سووریێ ڤه‌کشینه و د تویته‌رەکا خوه ده دبێژە: مه ل سووریێ داعش تێکشكاند كو د دەما سەرۆكاتیا من دا ئێكانە سبەبێ ھەبوونا ھێزێن مە بوو ل وی وەلاتی.
وەكە تێ زانین بەرێ ژی سەرۆك بارزانی گەلەك ھەولدا ئالیێن كوردی لئ سوریێ ل سەر مێزەكێ كۆم بكە و ل سەر پلانەكێ ژبۆ رۆژاڤایێ كوردستانێ لھەڤ بكن.
پارتیێن سیاسی رۆژئاڤایێ كوردستانێ دوو جار د بن سەرۆكاتیا بارزانی دە جڤیان كو ب ھەولێرا یەكەم و دویەم تێن ناسكرن. جارا سێیێ ژی ل دەھوكێ جڤیان. لێ پەیەدێ ئەو رێكەفتن بن پێ كرن و د پراكتیكێ دە گاڤ نەھاڤێتن.
تێكستا پەیاما سەرۆك بارزانی:
ب ناڤێ خوه‌دایێ مه‌زن و دلۆڤان
بوویەر و پێشهاتێن ڤێ داویێ ل سووریێ و ب تایبه‌تی ڕه‌وشا گه‌لێ کورد ل وی وه‌لاتی جهێ دلگرانیێ یه. به‌رێ ژی ل سه‌ر پاشارۆژا گه‌لێ کورد ل سووریێ و ئه‌و ڕه‌وشا ل ڕۆژاڤا دروست بوویه، مه تێبینی و دلگرانیا خوه ڕاگهاندیه و نه‌دبوویا بگها ڤێ ڕه‌وشا نها.
هژماره‌کی گەلەك زێده یا هه‌ڤوه‌لاتیێن کوردێن سووریێ د ژیانا کۆچبه‌ریێ دا دژین و ئێریشا ته‌رۆریستێن داعیش و ڕه‌وشا خه‌رابا سیاسی و گه‌فێن دن د سالێن ده‌رباسبوویی دا ، خه‌لکێ کورد ل سووریێ گه‌له‌ک ئێشاندیه و ھێشتا ژی شه‌رێ داعیش ژی خلاس نه‌بوویه.
ئەز هێڤیدارم بوویەر و روودانێن ڤێ داویێ و پێشهاتێن نوو، نه‌بن سه‌ده‌ما وێ یه‌کێ كو توندوتیژی و شه‌ر گه‌شتر ببه و ئێدی هه‌ڤوه‌لاتی و گه‌لێ کورد ل سووریێ ژی ئێش و ئازارێن زێده‌تر نه‌بینن.
مه‌سوود بارزانی
20.12.2018
