سه‌رۆک بارزانی ژ بۆ ئازادکرنا ئه‌ندامێ کۆمته‌یا ناوه‌ندی یا پارتیا ده‌مۆکراتا کوردستانا سوریه، عه‌بدولره‌حمان ئاپۆ، داخویانیه‌ک ڕاگەهاند. سه‌رۆک بارزانی د داخویانیا خوه ده دبێژه: د ڕاستیێ ده دڤێ جهێ خه‌باتکارێن وه‌کو عه‌بدولره‌حمان ئاپۆ زیندانێن دژمن با، نه زیندانا ئالیه‌کی کوردی با.
ئه‌ندامێ کۆمیتا ناڤه‌ندی یا پارتیا ده‌مۆکراتا کوردستانا سووریه (پدک-س) عه‌بدلره‌حمان ئاپۆ پشتی گرتنا ساله‌ک و ۴ مه‌هان ژ زیندانێن پیدێ ل قامشلۆ هات ئازادکرن.
ئه‌ندامێ کۆمیتا ناڤه‌ندی یا پدک-سێ کو ڕۆژا ۱۲ێ تیرمه‌ها ۲۰۱۷ ل عه‌فرینێ ژ ئالیێ ئاسایشا پیدێ ڤه هاتبوو زیندانکرن، ئیرۆ ۱۴.۱۱.۲۰۱۸ و پشتی ساله‌ک و ۴ مه‌هان ل قامشلۆ هات ئازادکرن.
ده‌ما ئۆپۆزسیۆنا سووریێ ب ئالیکاریا ترکیێ عه‌فرین داگیر کرن، عه‌بدولره‌حمان ئابۆ هینگێ د زندانێن پیدێ ده بوو ل عه‌فرینێ، لێ پاشی ئه‌و ژ بۆ زیندانا قامیشلۆ ڤه‌گوهاست و نها ل قامشلۆ هات به‌ردان.
داخوویانیا سه‌رۆک بارزانی:
ب ناڤێ خوه‌دایێ مه‌زن و دلۆڤان
ب ئازادبوونا عەبدولره‌حمان ئاپۆ ئه‌ندامێ سه‌رکردایه‌تیا پارتیا ده‌مۆکراتا کوردستانا سوریه ژ زیندانێن پیدێ، ئەز گه‌له‌ک کێفخوه‌ش بووم. د ڕاستیێ دا جهێ خه‌باتکارێن وه‌کی وی دڤیا زیندانێن دژمن با نه‌کو زیندانێن ئالیه‌کی کوردی بە. هێڤیدارم ئه‌ڤه ببه ده‌ستپێکه‌ک ژ بۆ ئازادکرنا هه‌موو گرتیێن ئالیێن سیاسیێن ڕۆژاڤایێ کوردستانێ کو د زیندانێن پیدێ ده دانه و هه‌ر وها په‌یداکرنا وان هه‌موو چالاکڤانێن کورد کو ل ور بێسه‌رووشوون بوونه.
هێڤی دکم ئێدی ڕۆژاڤایێ کوردستانێ ڤه‌کرنه‌کا سیاسی ب خوه ڤه ببینه و خه‌لک و ئالیێن سیاسی ب سه‌ده‌ما بیر و ڕامانێن سیاسی نه‌یێن ئێشاندن، ئازاردان و نه‌یێن زیندانی کرن.
مه‌سعود بارزانی
15.11.2018
