ژ بەر وان تەڤلوھەڤی و ئالۆزییێن د ھەیاما ڤان چه‌ند رۆژێن بوری دا بالێن خوه ب سه‌ر ده‌ڤه‌رێ را راکێشاندینه، سه‌رۆک مه‌سعوود بارزانی په‌یامه‌ک بۆ رایا گشتی یا کوردستان و ئیراقێ راگه‌هاند.
سەرۆك بارزانی د پەیاما خوە دا دیار دكە كو رەوشەكا گەلەك مەترسیدار ل ھەرێمێ و عیراقی ھاتیە پێش و دڤێ ھەموو ئالیێن بەرپرسیار ل گۆر عاقل و لۆژیكێ سەرەدەریێ دگەل ڤێل رەوشا مەترسیدار بكن.
سەرۆك بارزانی رایا گشتی ھایدار دكە كو رەوش ل بەر پەقینێ یە و پرسگرێك گەلەك تەڤلیھەڤن و دڤێ ب عەقل و حیكمەت چارەسەری ژ بۆ ڤێ مەترسیێ بھێن دیتن.
بارزانی داخواز ژ ھەموو ئالیان دكە كو نەكەڤنە دووڤ درووشم و مزایەدێن سیاسی.
ئه‌ڤ ژی ده‌قا وێ په‌یامێ یه:
ب ناڤێ خوه‌دایێ مه‌زن و دلۆڤان
د ھەیاما ڤان چه‌ند رۆژێن ده‌رباسبوویی دا ره‌وشه‌کا گه‌له‌ک مه‌ترسیدار ل ناڤچه‌یێ و عیراقێ هاتیه هۆلێ و ژ هه‌موو ئالیه‌ک ڤه هه‌ست ب مه‌ترسیه‌کا مه‌زن دھێتە کرن. د ره‌وشه‌کا وها دا ژی پێدڤیە ژ بۆ په‌یداکرنا چاره‌سه‌ریێ، گوه ل عه‌قل و لۆژیك بێ گرتن نه‌کو ل دووڤكەتنا درووشم و گه‌نگه‌شه‌یێن بێسوود.
نها ره‌وش ل بەر پەقینێ یە و گرفت گەلەك ئالۆزن. ژ بۆ ڤێ یه‌کێ دڤێ هه‌موو ئالیه‌ک، ئەڤ خه‌لکێ کو هه‌ست ب به‌رپرسیاریێ دکن، ب عه‌قل و حیکمه‌ت چاره‌سه‌ریه‌کا مناسب و مه‌عقوول په‌یدابکن کو د خزمه‌تا هه‌موو ئالیه‌کی دا بە. ئه‌گه‌ر بھێتوو پرۆسه‌یا چاره‌سه‌رکرنێ ل سه‌ر رێیه‌کا وها بە، ھینگێ ئه‌م د ھاریكاریكرنا ژ بۆ په‌یداکرنا چاره‌سه‌ریێ دا کێماسیێ ناکن، لێ به‌لێ ئەم ب وێ یه‌کێ را نابن کو وه‌لات راستی شه‌رێ ب وه‌کاله‌ت و چاره‌نڤیسه‌کا نه‌دیار بکه.
مه‌سعوود بارزانی
2020.01.07
