ڕۆژنه‌مه‌ڤانێ ترک فیکره‌ت بلا، ئیدا کر کو پشتی سه‌ردانا دویه‌مین ئا ئیمرالیێ شاندەیا پارتییا ده‌مێ دکاره بچه باکور و ڕۆژهلاتێ سووریه‌یێ (رۆژاڤایێ کوردستانێ) و ب قەسەدێ را هه‌ڤدیتنێ بکه.
شاندەیا ده‌م پارتییێ کو ل ئیمرالیێ ب ڕێبه‌رێ پەکەکێ ئەبدولا ئۆجەلان را هه‌ڤدیتن پێک ئانی، ب سه‌رۆکێ پارله‌مه‌نتۆیا ترکیێ نومان کورتولموش و سه‌رۆکێ گشتی یێ مەهەپێ ده‌ڤله‌ت باخچه‌لی را هه‌ڤدیتن پێک ئانین.
ل گۆری ئاگاهیێن پشتپه‌رده‌یێ کو شیرۆڤه‌کار و نڤیسکارێ هالک تیڤی فیکره‌ت بلا د به‌رنامه‌یا خوە دا ڕاگەهاند، پشتی هه‌ڤدیتنێن پارتیێن سیاسی یێن کو هاتبوون پلانکرن، دێ جارا دویه‌مین شاندەیا ده‌م پارتییێ بچه ئیمرالیێ و ب ئەبدولا ئۆجەلان را هه‌ڤدیتنێ پێک بینه. بلا دیار کر کو پشتی سه‌ردانا دویه‌مین ئا ئیمرالیێ شاندەیا ده‌م پارتییێ دکاره بچه باکور و ڕۆژهلاتێ سووریه‌یێ (رۆژاڤایێ کوردستانێ) و ب قەسەدێ را هه‌ڤدیتنێ بکه.
بلا داخوویاکرن کو هووورگیلیێن نووچه‌یێ د هه‌ڤپه‌یڤینا پەرله‌مه‌نته‌رێ ئاکەپێ یێ ئامه‌دێ گالیپ ئه‌نساریۆگلوو کو ژ ڕۆژنامه‌یا ۲٤ سەعات ئا ده‌زگه‌هێ ڕۆژنه‌مه‌ڤانه‌ن را ئاخڤی، و دیار کر کو دێ د نه‌ورۆزێ دا ئەبدولا ئۆجەلان بانگا دانینا چه‌کان ژ پەکەکێ بکە
