ئه‌ڤه ده‌مه‌که پەکەکە ب هه‌موو ئیمکان و ده‌ردۆرا خوه، ب ڕێخستن و پارتیێن خوه، ب ده‌زگه‌هێن خوه یێن ئاشکەرا و نەئاشکەرا و ب هه‌موو هێزا خوه یا مه‌دیایێ ئێریشێ پەدەکێ دکه. نه هه‌وجه‌یه ئەم ل سه‌ر ئەگەرێ ڤێ یه‌کێ راوەستن ، ئەگەر ڤه‌کری و ئاشکه‌ره‌یه.
هه‌رکه‌س دزانه کو، شه‌ره‌ک د ناڤبه‌را ئارتێشا ترک و چه‌کدارێن پەکەکێ دا ل باشوورێ کوردستانێ هه‌یه. ژ سالا ۲۰۱۳ێ ب لهەڤهاتبا ده‌وله‌تا ترک و عەبدولا ئۆجەلان چه‌کدارێن پەکەکێ به‌رێ خوه دان باشوورێ کوردستانێ. ڤێ یه‌کێ هه‌تا سال ۲۰۱٥ێ وه‌ک سیاسه‌تا ده‌وله‌تێ و ئۆجەلان به‌رده‌وام کر. چه‌کدارێن پەکەکێ ل باشوور ب جهبوون، ب سه‌دان گوند ژ بەر شەر و کریارێن پەکەکێ ڤالا بوون.
پشتی ده‌مه‌کێ جاردن ترکیێ بریارا ئۆپه‌راسیۆنا دا و ئێریشی کامپێن پەکەکێ ل باشوورێ کوردستانێ کر. پەکەکێ بنگه‌هێن خوه راده‌ستی ئارتێشا ترکیێ کرن. لێ ژ بۆ پتر جوانێن کورد بێنه کوشتن وه‌ک شه‌ره‌ک کو هەڤئاهەنگیەک د ناڤا ئالیان دا هه‌یی به‌رده‌وام دکه. ڕاستی ئارمانجا ده‌وله‌تێ و پەکەکێ ئه‌وه کو ده‌وله‌تبوونا کوردا ئاسته‌نگ بکن. ئه‌و سیاسه‌تا کو، لنگه‌ک وان ل باشوورێ کوردستانێ و لنگێ دن ل ئه‌نقه‌ره‌یێ ل پەرله‌مه‌نتۆیا ترکیێ دا به، گه‌لۆ ئەو چ سیاسه‌ته و ئارمانجا وان چیه؟
نها گه‌له‌ک که‌س د ڤی شه‌ری دا بێده‌نگیا پەدەکێ ره‌خنه دکن. بێ گومان ئه‌گه‌ر کێماسیێن پەدەکێ هه‌بن دڤێ بێن ڕه‌خنه‌کرن. لێ ئه‌ڤ ڕه‌خنه‌کرن نه مافێ هه‌رکه‌سه‌کیه. ئه‌وێن کو، ئه‌ول ڕاستیا پەکەکێ بێژن، به‌حسا ئارمانجا پەکەکێ یا قرێژ و هه‌ڤالبه‌ندیا وان یا ده‌وله‌تێ و ئاسته‌نگیا وان ژ بۆ ده‌وله‌تبوونا کوردا بکه، بێ گومان خوه‌دی مافه کو پەدەکێ ژی ڕه‌خنه بکه. لێ ئه‌و ئالیێن کو، د ڤێ ده‌ربارێ دا بێ ده‌نگن، قه‌ت به‌حسا ڕاستیا پەکەکێ ناکن و ته‌نێ پەدەکێ ڕه‌خنه دکن، ئه‌و ب خوه پارسه‌کێن سیاسه‌تا پەکەکێ نه. مه‌لاقن و د سیاسه‌تێ دا نکارن ببن خوه‌دی هه‌لوه‌ست. نه حه‌دێ ڤان ئالیانه به‌حسا پەدەکێ بکن.
پاراستنا سنۆران کارێ حکومه‌تا فه‌ده‌رال یا ئیراقێ یه. پاساوانێن سنۆر هه‌نه. لێ پێشمه‌رگه ژی کوردستانێ دپارێزن و ل هەمبه‌ر هه‌موو خه‌ته‌ریان ل سه‌ر هه‌رێما کوردستانێ پارێزڤانێن وه‌لاتێ خوه نه. حکومه‌تا ئیراقێ ل گه‌ل ترکیێ په‌یمانه‌ک به‌رفره ئیمزا کریە و ل گۆرا ڤێ په‌یمانێ پەکەکە ل ئیراقێ وه‌ک ڕێخستنه‌ک قه‌ده‌غه هاتیه ڕاگەهاندن. لێ حکومه‌تا ئیراقێ ب ڕێیا حه‌شدا شه‌عبی ل شنگالێ معاشێ چه‌کدارێن پەکەکێ دده. که‌سه‌ک به‌حسا ڤێ یه‌کێ ناکه. پەکەکە ب خوه دژی حکومه‌تا ئیراقێ بێ ده‌نگه. ئارمانجا خوه کرنه ئێریشکرنا پەدەکێ.
ئارمانجا سه‌ره‌که یا پەکەکێ ل گه‌ل ده‌وله‌تێن هه‌رێمێ ئاسته‌نگکرنا ده‌وله‌تبوونا کوردایه. پەکەکە ژ بۆ ڤێ یه‌کێ ل گه‌ل ده‌وله‌تا ترک و هه‌موو ده‌وله‌تێن هه‌رێمێ د ناڤا پەیوه‌ندیان دا یه. لێ کوردستان و ده‌ستکه‌فتیێن نه‌ته‌وی و هه‌روه‌ها نوێنەرا ده‌وله‌تبوونا کوردان پەدەکە ژ هه‌موو له‌یزتکێن پەکەکێ و پرۆپاگانده‌یا وان یا ل سه‌ر ده‌ره‌وا هاتی ئاڤاکرن، مه‌زنتره.
کورد هه‌موو ژ سیاسه‌تا پەکەکێ زه‌ره‌رێ دبینن. هه‌تا کو پەکەکە ل باکورێ کوردستانێ سه‌رده‌ستبه چو سیاسه‌ته‌ک دن ب هه‌لوه‌ستا دوئالی و بێ ئستقرار نکاره سه‌رێ خوه هلده و پێشبکه‌ڤه. گه‌ره‌ک ئه‌ڤ ڕاستی بێ دیتن، تو ل ئالیه‌کی به‌حسا سیاسه‌تا ده‌وله‌تبوونا کوردا بکی و ل ئالیه‌ک دن هێڤیا خوه، ژ بۆ پارله‌مه‌نته‌ره‌کی یان ژی شه‌ره‌داره‌کی، ب پەکەکێ ڤه گرێبدی نابه.
سیاسه‌ت ژی د ڤێ ب ئه‌خلاق بێ کرن…
نێرین/شرۆڤه
