پارتیا کارکەرێن کوردستانێ (پکک) ئالەتەکە د دەستێن دەولەتێن داگیرکەر دا و ئەجەندایێن داگیرکەرێن کوردستانێ ب جھ دکە. ئەوان قادا خەباتا خوە، مەیدانا شورەشا خوە کو باکورێ کوردستانێ یە چول کریە و ب فیتا دەولەتێن داگیرکەر شەرێ خوە ئینایە باشورێ کوردستانێ. ئەوان نەھێلایە چەند ھەزار گۆند دوبارە بھێن ئاڤاکرن ل سەرانسەرێ توخووبێ د نابەرا باکور و باشور دە. خەلکێ وان دەڤەرا کەفتنە د بن زولما پکک و رژێما تورکیایێ دە . ل گۆر ھەلسەنگاندنا خەلکێ دەڤەرێ پرانیا جارا زولما پکک دەھان جارا پێترە ژ یا تورکان…
پککە ڤان کریارێن خراب بەرامبەر خەلکێ دەڤەرێ دکە:
١- وەرگرتنا باجێ ل سەر دەرامەتێ خوەجھێن دەڤەرێ
٢- نەھێلایە خەلکێ دەڤەرێ سودمەند بن ژ دەرامەتێن زەڤیێن خوە ئەوێن نێزیک بارەگایێن وان.
٣- دانانا زالگەھا ل سەر رێکێن سەرەکی د ناڤبەرا گۆند و باژاران دە،
٤- گرتن و زیندانکرنا خەلکێ دەڤەرێ ب سەدەمێن جورەجور و ئەزیەتدانا وان
٥-ئاڤاکرنا بارەگایێن خوە ( پکک) نێزیک گۆند و باژێرکان کو د دبن ئارمانج ژ بۆ فرۆکێن شەری یێن رژێما تورکیایێ
٦- پککە رێزێ ل یاسا و رێنمایێن حوکومەتا کوردستانێ ناگرە ، ژ بەر ھندێ تورک بێرێزیێ بەرامبەر خەلکێ باشورێ کوردستانێ دکن ….
پککێ ئەو بوێری نەمایە ل بەرامبەری رژێما تورکیا ل باکورێ کوردستانێ بەرخوەدانێ بکە، ژ بەر ھندێ خوە ل پەنایێ گۆند و خەلکێ سڤیل خوە ڤەدشێرە، سەرکردەین پککێ ل قەندیل چ دکن؟ ژ بەر چ ناچن چیایێ جۆدی یان وان دەڤەرێن ئاسێ ل باکورێ کوردستانێ سەرپەرشتیا شەرڤانێن خوە بکن. شورەش بڤی رەنگی سەرناکەڤن، مخابن بۆ خوونا ڤان شەھیدان….
د.عەلی بەلو
