رۆژا ١١ێ ئیلۆنا سالا ۱۹٦۱ ێ ل کوردستانێ شورەشەکا سەرتاسەری دەست پێکر. گەلێ کورد ستانێ ژ هەمو تەخ و چین و ئاین و پێکهاتان ڤە ب سەرۆکاتیا گەنەرال مەلا مستەفا بارزانی شەڕ بۆ بدەستڤەئینانا مافێن گەلێ کوردستانێ کر. پشتی سەرکەفتنا شۆرەشا ئیلۆنێ ل ۱۱ێ ئادارا سالا ۱۹۷۰ێ کو ئێک ژ بەرهەمێ وێ شورەشێ بوو رژێما بەعس نەچار بوو کو دان (اعترافێ) ب مافێ گەلێ کوردستانێ بکەت. دستکەفتیێن ئەڤرو یێن مللەتێ كورد و ئازادیا ئەم نۆکە تێدا دژین بەرهەمێ خەباتا وان روژان، شۆرەشا ۱۱ ئیلۆنێ، یە.
درۆژەکا وەکی ئەڤڕو دا، سەرەرای وان نەخوشی، ئاوارەبوون و نەهامەتێن دژۆار کەتینە پێشیا ئێرادا گەلێ کورد، تایبەت پێشمەرگە یێن کوردان یێن وی سەردەمی ب هێز و هەبوون و خەباتا دیرودرێژ ل ناڤ چیا و دول نەهال و شکەفتنان بەردەوام بەرگێری کر، ب زکەکێ برسی بەردەوامی ب شۆرەشێ دا تاکۆ کوردستان گەهاندییە ڤێ رۆژا ئارام و ئاڤەدان.
ب ئیرادەیا گەلێ کورد و ب رێبەرایەتیا بارزانی یێ مەزن گەنەرال مستەفا بارزانی مەزنترین و جەماوەرترین شۆرەشا نشتیمانی و نەتەوەیی د مێژوویا کوردستانێ دا هەلکرو ئەڤ شۆرەشە ب دەسپێکا قوناغەکا نوی و گەش یاخەباتا گەلێ مە دهێتە هژمارتن کو، هەر ژ باژێرێ زاخۆ بگرە تاکۆ دگەهێت خانەقین بەشداری تێدا کر.
شۆرەشا ئیلۆنێ د دەمەکێ کورت دا شیا خوە ب چەسپینیت دگەل هەموو کاودانان و رێزێن خوە رێک بێخیت و هەموو پێکهاتێن کوردستانێ بێ فەرق وجوداهی کوم بکەت و هەمبێز بکەت و بەرگێرییێ ژ ماف و هەبوونا مللەتێ مە بکەت.
ل یادا شۆرەشا ئیلۆنا مەزن، رێزگرتن بۆ هەموو قارەمانێن کوردایەتی هەلبژارتی و بەرژەوەندیا کوردستانێ ل سەر بەرژەوەندیێن کەسی و حزبی ئێخستی و تاكه ڕێک بۆ ئێکگرتن و خۆشگوزه‌رانی و پێشكەفتنا کۆردان بەرامبەری حکۆمەتا عێراقێ هەر دوژمنەکێ دی بهێزبوونا پارتێن هه‌رێمی كوردستانێ یە، ئەو ژی ب لێكتێگه‌هشتن و ئاشتی و پێكڤەژیانەکا درۆست، یا فەرە و پێدڤییه عێراق ده‌ستووری بكەت دیدەڤان سەر ڤێ چەندێ، ئه‌و عێراقا ل سالا ۲۰۰۳ ێ رژێما بەعس هاتیە رۆخاندن و گەهاندیە بێ ئومێدیا ئەڤرۆ.
دیسان كارکرنا لایەنێن کوردی پێكڤە د ناڤمالیا كوردستانێ دا، فەرە ئه‌زموونا ژ ڕابردووی وەگرن ئەڤا هاتیە سه‌لماندن، چونکە تاکە ڕێک بۆ بدەستڤەئینانا مافێن خه‌لكی كوردستانێ و دیسان ئەڤ یادە پیرۆزبت ” ٦۳ ” سالیا بیرەوەریا شورەشا ئیلۆنێ و سلاڤ ل رۆحا بارزانیێ نه‌مر سەرکردەیێ كورد و شۆرەشا مه‌زن یا ئیلۆنێ و کاک ئیدریسێ هەمیشە زیندی و سلاڤ ل رۆحا شەهیدێن شۆرەشا ئیلۆن و گشت شه‌هیدێن كوردستانێ
