بۆرینا ٤۹ سالان ب سەر شۆرەشا گولانێ ڤە، ميلەتێ کورد ژ هەموو تەخ و چین و ئاین و پێکهاتەیان ڤە ب سەرکردایەتییا گەنەرال مەلا مستەفا بارزانی بەردەوام شەڕ ژ بۆ بدەستڤەئینانا مافێ گەلێ کورد دکرن. ب دەهان قارەمان خوە کرن شەهید و قوربان بۆ رزگارکرنا گەل و ئاخا کوردستانێ، دیسان پیلانگیریا ناڤدەولەتی یا ب ناڤێ جەزائیر یا سالا ۱۹۷٥ دژی بزاڤا ڕزگاریخوازا گەلێ کورد و هێشتا نەخوەشی و برینێن ڤێ رێکەفتنا خیانەتکار یا مەزن بەرامبەرێ گەلێ کورد .
پشتی سەرکەفتنا شۆرەشا ئیلۆنێ ل ۱۱ێ ئادارا سالا ۱۹۷۰ ئێک ژ بەرهەمێن وێ شۆرەشێ بوو، ژێما بەعس نەچاربوو دانپێدانێ ( اعترافێ ) ب مافێ گەلێ کورد بکەن، دیسان بيرەوەری و شۆرەشێن مەزن یێن مللەتێ كورد بەرهەمێ ئەڤرۆ خەباتا وان روژا یە یاکو ئەم نۆکە تێدا دژین. چونکە د رۆژەکا وەکی ئەڤرۆ دا، سەرەرای وان نەخوەشی و ئاوارەبوون و نەهامەتێن دژۆار کەتینە بەرامبەر ئێرادەیا گەلێ کورد تایبەت پێشمەرگێن کوردان یێن وی سەردەمی بهێزو هەبوون و خەباتا دیروودرێژ ل ناڤ چیایی و دول نەهال و شکەفتنان ب زکەکێ برسی شۆرەش یا ئەنجام دای تاکۆ کوردستان گەهاندیە ڤێ رۆژا ئارام و ئاڤەدان و بەردەوام بەرگیری و بەرخۆدان کرینە، ب ئیرادەیا گەلێ کورد و ب رێبەرایەتیا بارزانی یێ نەمر فەنەرال مستەفا بارزانی بەردەوام بەرگیری بۆ بدەستڤەئینانا مافێ گەلێ کورد کریە وەك شۆرەشێن نشتیمانی و نەتەوەیی.
هەر ژ دەستپێکا ڤان شۆرەشان کوردستان باشتر هاتیە پاراستن ب سەرۆکاتییا بارزانی یە تا نوکە بەرگیریێ ژ ماف و هەبوونا مللەتێ مە دکەت. ل یادا شۆرەشا گولانا مەزن و رێزگرتن بۆ هەموو قاڕەمانێن کوردایەتی هەلبژارتین بۆ بەرژەوەندیا کوردستانێ ل سەر بەرژەوەندیێن کەسی و حزبی ئێخستین، دیسان تاكه ڕێک بۆ ئێکگرتن و خۆشگوزه‌رانی و پێشكەفتنا کوردان بەرامبەری حکومەتا ئیراقێ بهێزبوونا پارتییێن هه‌رێما كوردستانێ یە.
پێدڤیه ئیراق ده‌ستوورێ بكەتە دیدەڤان سەر ڤێ چەندێ، ئه‌و ئیراقا ل سالا ۲۰۰۳ رژێما بەعس هاتیە رۆخاندن و گەهاندیە بێ ئومێدیا ئەڤرۆ. دیسان كارکرنا لایەنێن کوردی پێكڤە دناڤ ناڤخوەیا كوردستانێ دا فەرە ئه‌زموونا ژ ڕابردووی وەرگرن ئەڤا هاتیە سه‌لماندن، چونکە تاکە رێکە بۆ بدەستڤەئینانا مافێن خه‌لکێ كوردستانێ یەکرێزی یە.
بۆرینا ٤٩ سالیا بیرەوەریا شۆرەشا گولانێ دا سلاڤ ل رۆحا بارزانی یێ نه‌مر سەرکردەیێ كورد و شۆرەشا مه‌زن یا گولانێ و کاک ئیدریسێ هەمیشە زیندی و سلاڤ ل رۆحا شەهیدێن شۆرەشا گولانێ و گشت شه‌هیدێن كوردستانێ و پێشمەرگە یێن قارەمان .
