ئه‌حمه‌د -شەرع ل شامێ ب ڕۆژنامه‌ڤانان را جڤیا و ل سه‌ر هەسەدێ ئاخڤی: “ئه‌گه‌ر هەسەدە هه‌تا کانوونێ تێکەلی ئەرتەشا سووریه‌یێ نەبە و د ڤی واری دا گاڤا پێوست نەئاڤێژە، دبه کو ترکیە ئۆپه‌راسیۆنه‌ک له‌شکه‌ری بکە سەر وێ هه‌رێمێ. هندەک کۆمێن د ناڤ هەسەدێ و پەکەکێ دا پێکانینا په‌یمانا ۱۰ێ ئادارێ دخەتمینن و پێڤاژۆ هێدی دکن. سووریه ژخوه %۹۰ نه‌ناڤه‌ندی یه.”
ل گۆری ڕاپۆرێن نڤیسکارێ تورکیە تۆدەی، ئۆمه‌ر ئۆزکزلجک، کو د جڤینێ دا ئاماده بوو، شه‌رع ل سه‌ر هەسەدێ وەها گۆت:
ئه‌گه‌ر هەسەدە هه‌تا کانوونێ تێکەلی ئەرتەشا سووریه‌یێ نەبە و د ڤی واری دا گاڤا پێوست نەئاڤێژە، دبه کو ترکیە“ ئۆپه‌راسیۆنه‌ک له‌شکه‌ری بکە سەر وێ هه‌رێمێ .. هندەک کۆمێن د ناڤ هەسەدێ و پەکەکێ دا پێکانینا په‌یمانا ۱۰ێ ئادارێ دخەتمینن و پێڤاژۆ هێدی دکن.
“من ژ مه‌زلووم کۆبانی را گۆت: ‘ئه‌ز ژ ته پتر گرینگیێ ددم مافێن کوردان.”
-شه‌رع گۆت کو د ده‌ستپێکا جڤینا خوه دا ب فه‌رماندارێ گشتی یێ هەسەدێ مه‌زلووم کۆبانی را، کو د ئادارێ دا سه‌ردانا شامێ کربوو، وی ژێ را گۆتبوو:
“ئەگه‌ر تو هاتی ڤر دا کو مافێن کوردان بخوازی، عاجز نه‌به. پاراستنا ڤان مافان و مسۆگه‌رکرنا کو کورد وه‌لاتیێن وه‌کهه‌ڤ ئێن سووریه‌یێ نه پره‌نسیبا من یا بنگه‌هینه. ئه‌ز ژ ته پتر گرینگیێ ددم مافێن کوردان.”
“ره‌وشا هه‌یی یا هەسدێ هه‌م ژ بۆ ترکیه‌یێ و هه‌م ژی ژ بۆ ئیراقێ گه‌فەکا ئه‌وله‌هیێ یه..”
شەرع دیار کر کو، بانگا ئەبدولا ئۆجەلان یا ژ بۆ هلوه‌شاندنا پەکەکێ گه‌له‌ک باشه، لێ هەسەدێ ئه‌و ژ پێڤاژۆیێ ده‌رخستیه. وی گۆت “ره‌وشا هه‌یی یا هەسەدێ ل باکور-رۆژهلاتێ سووریه‌یێ نه ته‌نێ ژ بۆ ترکیه‌یێ، لێ د هه‌مان ده‌مێ دا ژ بۆ ئیراقێ ژی گه‌فێ ل ئه‌وله‌هیا نه‌ته‌وه‌یی دخوه.”
“سووریه ژ سه‌دی ۹۰ نه‌ناڤه‌ندی یه.”
ئهحمەد شەرع ده‌ربارێ داخوازێن هەسەدێ یێن ژ بۆ نه‌ناڤه‌ندیبوونێ دا نرخاندنه‌ک وها کر:
“سووریه ژ سه‌دی ۹۰ نه‌ناڤه‌ندی یه. جڤاک نه ئاماده یه کو ل سه‌ر په‌رگالا فه‌ده‌رال ئان نه‌ناڤه‌ندیبوونێ نیقاش بکه. ئه‌ڤ داخواز ب خوه‌زایی داخوازێن جوداخوازیێ نە.”
