شەرێ دژی دەولەتبوونێ
پارتیا كاركەرێن كوردستانێ (پەکەکە) ب ئاوایه‌کێ ستراته‌ژیک ئێریش پارتیا دەمۆكراتا كوردستانێ (پەدەکە)یێ دکه و ئەو دجیھانا خوه یا ئیدۆلۆژیا مارژینال دا، پەدەکێ دنرخینه و ب خیانه‌تێ ئیتهام دکه.
پەکەکە و سیاسه‌تا وێ ب ده‌مژمێرا تێ گوهه‌رتن و سیاسه‌ته‌ک دوروویی و ل سه‌ر دژمناتیا ده‌ستکه‌فتیێن نه‌ته‌وەیی رێڤە دبە. د بنگه‌هێ خوه دا ئه‌و تشتا کو پەکەکە تێخه ستویێ پەدەکێ، خه‌یالیه و پەکەکە ب خوه وێ یه‌کێ دکه دا کو بکاربه دیتنا بوویه‌ران ل پێشیا چاڤێ خه‌لکێ تاری بکه.
ده‌ما پەکەکە ب زانه‌بوون د ئاستا بلند دا ئێریشێ پەدەکێ دکه و سیاسه‌تا پەدەکە بڕێڤه دبه ب خیانه‌تێ ئتهام دکه، پەکەکە شه‌رێ خه‌تا نه‌ته‌وەیی یا کوردستانی دکه. پەکەکە هه‌ول دده کو ڕێ ل به‌ر بەربچوویینا سه‌رخوه‌بوونا کوردستانێ بگره و ئه‌رکێ خوه یێ بنگه‌هین پێکبینه.
د مالپه‌را لێکۆلنێ دا، که‌سه‌ک ب ناڤی دژوار ساسۆن ل سه‌ر ناڤێ “ ناوه‌ندا لێکۆلینێن ستراته‌ژیک ئا کوردستانێ “ نرخاندنه‌ک کریه. به‌حسا ڕه‌وشا ترکیی و پارتیا دەستھەلاتدار ئاکەپێ دکه. به‌شه‌ک د نرخاندنا خوه دا به‌حسا پەدەکێ دکه و وه‌ک هه‌ر جاری زمانه‌ک دژمنه‌یاتی و کیندار ب کار تینه. پەدەکێ ب خیانه‌تێ ئتهام دکه ود لێكۆلینا خوە دا داخوازكرنا مافێن نه‌ته‌وەیی و ب ڤێ یه‌کێڤه گرێدایی داخوازیا پەدەکێ یا سه‌رخوه‌بوونێ وه‌ک خیانه‌تێ دبینه.
دژوار ساسۆن به‌شه‌ک د نیڤیسا خوه دا دبێژه: “ پەدەکە ژ پارتیه‌کێ پتر ئەو سیسته‌مه‌که. ئه‌ڤ سیسته‌م ژ ئالیێ ئه‌مپه‌ریالستان و سیۆنستان ڤه، ڤه‌ک پرۆتۆ-ئیسرائیل هاتیه چێکرن. چه‌وا کو سالا 1923 ێ ترکیا د بن ناڤێ ترکیتیێ دا پرۆژه‌یا نه‌ته‌وه‌یێ ترک کر ڕۆژه‌ڤێ دا، پرۆژه‌یا پەدەکێ ژ سالا 1945 ێ ب هه‌مان ئارمانجێ هاتیه پێکانین. ژ بۆ ژیانا ده‌وله‌تا ئیسرائیل بەردەوام بە، پرۆژه‌یا ئاڤاکرنا ترکیێ تێرا نه‌کریه و نوها ژی پرۆژه‌یا ئاڤاکرنا ده‌وله‌تا کوردی یا پەدەکێ دخوازن بێخن ژیانێ دا.“
به‌شه‌ک دن ئا نرخاندنا خوه ده ساسۆن دبێژه: “ پەدەکە ب زهنیه‌تا ده‌ستهلاته‌ک ئه‌شائیری هاتیه دامه‌زراندن و ب ڤێ یه‌کێ حه‌ره‌که‌ت دکه. ئیسرال، ترکیه، هێزێن پەدەکێ دگه‌ل ناتۆیێ ئێریشێ پەکەکێ دکن. “
هه‌روه‌ها د نڤیسا لێکۆلنێ دا گه‌له‌ک گۆتنێن نه ئه‌خلاقی هه‌نه کو مرۆڤ ھەوجە نابینە به‌حسێ بکه. لێ هه‌تا کو پەدەکە دۆزا مافێن ڕه‌وا یێ کوردا بکه و ده‌ستکه‌فتیێن نه‌ته‌وەیی بپارێزه دێ ببه ئارمانجا ئێریشێن پەکەکێ.
“ ناوه‌ندا لێکۆلینێن ستراته‌ژیک ئا کوردستانێ “ ئه‌ڤ ناوه‌ند وه‌ک “ناوه‌ندا دژاتیا مافێن نه‌ته‌وەیی “ کار دکه و ژ بۆ ڤێ یه‌کێ ژی پەدەکێ دکه ئارمانجا ئێریشێن خوه.
ل ڤێ ده‌رێ پرسه‌ک هه‌یه کو گه‌له‌ک که‌س یان ژی ئالیێن سیاسی ناخوازن ببینن. هه‌روه‌ها هنده‌ک سیاسه‌تمه‌دار چاڤێن خوه ل ڤێ یه‌کێ دگرن و هه‌ردەم به‌حسا “یه‌کێتیه‌کێ“ دگه‌ل پەکەکێ دکن. هه‌رکه‌س و ئالیێ ڤێ دکه تەنێ خوه دخاپینه. پەکەکە ده‌ما ئالۆز دبه و دکه‌ڤه ده‌راڤێن ته‌نگ دا، بەحسا یه‌کێتیا نه‌ته‌وەیی دکه، د ڤێ قۆناخێ دا جاردن ده‌ردۆرا پەکەکێ به‌حسا کۆنگره‌یه‌ک نه‌ته‌وی دکه.
لێ که‌سه‌ک ژ پەکەکێ و پارتی، ده‌زگه‌ھ و هێزێن ب وان ڤه گرێدایی را نابێژه، هون دژمناتیا خه‌تا نه‌ته‌وی دکن، هون دژی ده‌وله‌تبوونا کوردا شه‌ر دکن، هون ئێریشا هه‌موو هێزێن کوردستانی دکن و هون ژ خوه پێڤه مافێ ژیانێ نادن که‌سه‌ک دن. باشه ب ڤێ زهنیه‌تێ هون چه‌وا به‌حسا یه‌کێتیه‌ک نه‌ته‌وەیی دکن؟ هون چه‌وا دکارن ئه‌و ئالیێ سیاسی کو وان ب خیانه‌تێ ئتهام دکن، دگه‌ل وان به‌حسا یه‌کێتیه‌ک نه‌ته‌وەیی بکن.؟ هه‌رکه‌س یان ژی ئالیه‌ک سیاسی ڤێ یه‌کێ نه‌بینه، ڤان پرسان ژ پەکەکێ نه‌که، ب حەمد یان ژی بێ حه‌مدێ خوه خزمه‌تا سیاسه‌تا پەکەکێ دکن.
پرۆبله‌ما مه‌زن نه سیاسه‌تا پەکەکێ یه، پرۆبله‌م ئه‌وه کو خه‌لکه‌ک ناخوازه ڤێ سیاسه‌تا دژی ده‌ستکه‌فتیێن نه‌ته‌وەیی ببینن.
ئانالیز/ن. فرات
