نڤیسار

بەرپرسەكێ پارتی نھێنیێن كەتنا شنگالێ ئاشكرا دكە

به‌رپرسێ لقا ۱۰ یا پدکێ ل سۆران، عه‌لی عه‌ونی ڕاگهاند، سه‌ده‌ما کاره‌ساتا شنگالێ پکک و خیانه‌تا هنده‌ک که‌سایه‌تیێن شنگالێ بوو، کو دگۆتن مه‌ سۆز ژ عه‌ره‌بێن ناڤچه‌یێ ستاندیه‌ کو ئێریشێ ئێزدیان نه‌کن.

ڕۆژا 03.08.2014 داعش ئێریش کر سه‌ر شنگالێ و کۆمکوژی ل شنگالێ کرن، هه‌روها ب هه‌زاران که‌س ڕه‌ڤاندن و ب ده‌هان هه‌زار که‌س ژی کۆچبه‌ر بوون.

ڕۆژا 13.11.2015 باژارۆکێ شنگالێ و ڕۆژا 21.12.2014 ژی چیایێ شنگالێ ژ ئالیێ هێزێن پێشمه‌رگه‌ ڤە، دبن سەرۆكاتیا سەرۆك بارزانی، هاتن ڕزگارکرن. ژ بۆ ئازادکرنا ده‌ڤه‌را شنگالێ ژ ده‌ستێ داعشێ، پێشمه‌رگه‌ ۵۰۰ شه‌هید دان.

“دگۆتن، ئه‌م ژ به‌ر داعشێ ناره‌ڤن، ئه‌ره‌بێن ناڤچه‌یێ سۆزا پاراستنێ دانه‌ مه‌”

عه‌لی عه‌ونی دبێژە: “خه‌لکێ شنگالێ به‌رێ ژ ئالیێ هێزێن پێشمه‌رگه‌ ڤه‌ هاتبوون ڕزگارکرن. ده‌ما داعش هات ناڤچه‌یێ، پێشمه‌رگه‌ ژ خه‌لکێ شنگالێ ڕه‌ گۆتن ژ به‌ر داعش بره‌ڤن، وسا ژی گه‌له‌ک خه‌لکێ شنگالێ ڕزگار بوون. لێ وێ ده‌مێ ژ به‌ر ده‌ستپیسیا پککێ و عه‌شیرێن عه‌ره‌بی و ژ به‌ر نه‌زانیا هنده‌ک که‌سایه‌تیێن گوندێ کۆچۆ، ئه‌و کۆمکوژی هات کرن. ڕیسپیێن کۆچۆ دگۆتن مه‌ گارانتی و سۆز ژ عه‌ره‌بێن ناڤچه‌یێ سته‌ندیه‌ کو داعش ئێریشی خه‌لکێ شنگالێ ناکه‌. خه‌لکێ شنگالێ یێن کو ب گۆتنا پێشمه‌رگه‌ کرن، خوه‌ ڕزگار کرن و یێن باوه‌ری ب به‌عسیێن که‌ڤن و ب عه‌ره‌بێن ناڤچه‌یێن کرن، بوون قوربانی.”

پشتی داگیرکرنا شنگالێ ژ ئالیێ ته‌رۆریستێن داعشێ ڤه‌، و پشتی ڕزگارکرنا وێ ناڤچه‌یێ ژی، هنده‌ک ته‌له‌ڤیزیۆن و مه‌دیایێن نه‌یارێن پارتیا دەمۆكراتا كوردستانێ (پدک)ێ، ده‌ست ب بێبه‌ختیان و ده‌رەوان کرن و تۆمه‌ت و زانیاریێن نه‌راست به‌لاڤ کرن و خه‌لکێ شنگالێ ب وان هاتن خاپاندن.

عه‌ونی وها گۆت: “گروپه‌ک ژ ئێزدیان هه‌یه‌ کو مخابن، کێفخوه‌ش دبن ده‌ما وان ده‌ره‌وان دبهیزن. ئه‌و گروپ هه‌تا د ناڤا ئێزدیان ده‌ خوه‌ دکه‌ دلسۆزێ ئێزدیان، لێ خزمه‌تا پکک و حکومه‌تا عیراقێ و عه‌شدا شه‌عبی و نه‌یارێن کوردستانێ و پدکێ دکه‌. هێزێن پێشمه‌رگه‌ ناڤچه‌یێن شنگالێ ڕزگار دکرن، لێ پکک دهات و ل سه‌ر وان ناڤچه‌یان باره‌گه‌هێن خوه‌ ڤه‌دکرن. چ ڕێ ل پێشیا مه‌ نە بوون، ژبلی کو ئه‌م شه‌رێ پککێ بکن، لێ مه‌ خوه‌ ژ وێ یه‌کێ پاراست.

هێزا کو پاراستنا کۆچۆ دکر، سه‌ر ب ینکێ بوو

عه‌لی عه‌ونی وها دۆماند: “ژ بۆ دیرۆکێ ئه‌ز دبێژم، و بلا هه‌موو ئالی ئاگادار بن کو ده‌ما داعش هات ئه‌و هێزا کو پاراستنا کۆچۆ دکر، سه‌ر ب یەكێتیا نئشتمانیا كوردستانێ ( ینک)ێ بوو، لێ که‌س به‌هسا وێ یه‌کێ ناکه‌. یا ڕاست ئه‌وه‌ کو هایا پدکێ ژ گوندێ کۆچۆ نه‌بوو و هێزێن ینکێ ل وی گوندی بوون. چما که‌س به‌هسا وێ یه‌کێ ناکه‌ کو وه‌لید به‌رواری چاوا ژ کۆچۆ ڤه‌کشیا.”

عه‌ونی وها گۆت: “مافێ ئێزیان هه‌یه‌ کو گلی و گازندان ژ پدکێ بکن. گلیان ژ پارتیێن دن نه‌کن، گازندان ژ حه‌شدا شه‌عبی و ئارتێشا عیراقێ نه‌کن، ژ به‌ر کو پدک ل خه‌لکێ کوردستانێ خوه‌دی ده‌ردکه‌ڤه‌. شنگال کاره‌ساته‌که‌ مه‌زن بوو و برینه‌که‌ مه‌زنه‌ د دلێ پدکێ ده‌ و قه‌ت ئه‌ڤ برین ده‌رمان نابه‌. لێ عکومه‌تا عیراقێ ژی به‌شه‌ک بوو ژ به‌رپرسێ وێ کاره‌ساتێ، کو هێزێن پێشمه‌رگه‌ ب حه‌وجه‌یی چه‌ک و ته‌قه‌مه‌نیان بوو ژ بۆ پاراستنا شنگال و هه‌موو کوردستانێ. ده‌ما داعش هات، هێزێن عیراقێ چه‌کێن پێشکه‌تی د ده‌ستێ وان ده‌ بوون، لێ هێزێن پێشمه‌رگه‌ ب چه‌کێن ڕزی یێن ڕێژیما سه‌دام بوون، له‌وما خوه‌ ل به‌ر داعشێ نه‌گرتن و کاره‌سات چێبوون.”

ده‌ربارێ ڕه‌وشا نها یا شنگالێ عه‌لی عه‌ونی وها دۆماند: “پشتی خیانه‌تا 16 ێ جۆتمه‌ها 2017، هێزێن ل شنگالێ نه‌خاسم ئێن ئێزدیان، کو یه‌ک ژ وان هێزا حه‌یده‌ر شه‌شۆ بوو، دەما هێزێن حه‌شدا شه‌عبی نێزیکی شنگالێ بوون، وان هێزان گۆتن کو ژ بۆ شه‌ر دیسا ل شنگالێ چێنه‌به‌ و خوین نه‌رژه‌ و شنگال وێرانتر نه‌به‌، بلا هێزێن مه‌ بکه‌ڤن سه‌ر حه‌شدا شه‌عبی و ئه‌مێ ل شنگالێ ببیمن. لێ نها هنده‌ک هه‌ڤال دبێژن وه‌ شنگال فرۆشتیه‌.”

پدک ل سه‌ر داخوازا ئێزدیان ژ شنگالێ ده‌رکه‌ت

وی به‌رپرسێ پدکێ ڕاگهاند: “پدکێ شنگال نه‌فرۆتیه‌ و ده‌ما حه‌شدا شه‌ی هات، پدک ل سه‌ر داخوازا ئێزدیان و ڕیسپیێن شنگالێ ڤه‌کشیا، کو هاتن و داخواز کرن کو شه‌ر ل شنگالێ چێنه‌به‌، ژ به‌ر کو شنگال ب خوه‌ وێرانه‌ و بلا وێرانتر نه‌به‌. ئه‌گه‌ر شه‌ر هاتبا کرن، دێ شه‌رێ دناڤ ئێزدیان ده‌ چێببا. ئه‌گه‌ر ئێزدیان داخوازا وێ یه‌کێ نه‌کربا، دێ پێشمه‌رگه‌ وه‌ک پردێ و سهێلا ل شنگالێ ژی شه‌ر کربا و به‌رگری کربا و وێ ده‌مێ دێ دژمن ده‌ربه‌یه‌ک مه‌زن ل شنگالێ خواربا.”

kdp.info

Back to top button