سیاسی

عەونی: ‌هه‌تا پرسگرێکا کورد چاره‌سه‌ر نه‌به‌ ئیراق ژی ئارام نابه‌

ئه‌ندامێ ئه‌نجومه‌نا سه‌رکرداتیا پارتیا ده‌مۆکراتا کوردستانێ (پەدەکە) عه‌لی عەونی، دبێژە کو ئیراقێ ژ بۆ چاره‌سه‌رکرنا پرسگرێکێن ده‌ستووری یێن هه‌رێما کوردستانێ چو گاڤ نه‌ئاڤێتنه‌ و هه‌تا پرسگرێکا کورد چاره‌سه‌ر نه‌به‌ ئیراق ئارام نابه‌.
عه‌لی عەونی ده‌ربارێ خه‌تماندنا پرۆسه‌سا سیاسی یا ئیراقێ دبێژە: “ئیراقێ ژ بۆ چاره‌سه‌رکرنا کێشه‌یێن ده‌ستووری یێن تایبه‌ت ب هه‌رێما کوردستانێ چو گاڤ نه‌ئاڤێتنه‌ و هه‌تا پرسگرێکا کورد چاره‌سه‌ر نه‌به‌ ئیراق ژی ئارام نابه‌. پشتی هلبژارتنێن ئیراقێ هه‌تا نها ئالیێن ئیراقی نه‌گهشتنه‌ چو ئه‌نجامه‌کێ، ئەگەرا ئالۆزیان ژی ئه‌وه‌ کو پارتیێن سیاسی ب خوه‌ نه‌ خوه‌دی ئیراده‌ نه‌، لێ د ده‌ستێ ده‌وله‌تێن ناڤچه‌یێ دا نه‌ کو ده‌ستێوه‌ردانا ئیراقێ دکن.”
ل گۆر عەلی عەونی، گه‌له‌ک ئالیێن سیاسی ب تایبه‌تی ژی یێن د ناڤ چارچۆڤه‌یا هه‌ڤاهه‌نگیێ دانه‌، دادگه‌ها فه‌ده‌رالی یا ئیراقێ خستنه‌ بن کۆنترۆلا خوه‌ و پێ دلەیزن، “ئیرۆ ئه‌و دادگه‌ه بوویه‌ دادگه‌هه‌کا سیاسی و ئه‌م دکارن ژێ را ببێژن “دادگه‌ها سیاسی یا فه‌ده‌رال”، کو هه‌ر رۆژ ژ کوردان را ئاسته‌نگیان چێدکە.”

ئەندامێ سەرکردایەتیا پەدەکێ بەحسا دەستپێشخەریا پەدەکێ دکە و دبێژە: “پارتیا ده‌مۆکراتا کوردستانێ، پشتی چه‌ند ده‌مژمێران ژ هلبژارتنان، سه‌ردانا هه‌موو ئالیێن سیاسی یێن کوردستانی و ئیراقی کر، ژ بۆ کو ئارامیێ ل ئیراقێ پێک بینن، لێ مخابن هه‌لوه‌ستا گه‌له‌ک ئالیان نه‌ وه‌ک پێویست بوو، هه‌تا د ناڤ مالا کوردان دا ژی وسا بوو.”

حکوومه‌تا ئیراقێ ژ بۆ چاره‌سه‌رکرنا پرسگرێکێن ده‌ستووری چو گاڤ نه‌ئاڤێتیه‌، ب تایبه‌تی پرسێن ده‌ستووری یێن گرێدایی هه‌رێما کوردستانێ نە، ڤێ یەکێ ژی وەکریە کو ئیراق نه‌ ئارام بمینە، ژ به‌ر کو هه‌تا پرسگرێکا کورد چاره‌سه‌ر نه‌به‌ ئیراق ژی ئارام نابه‌.”

ده‌ربارێ پەدەکێ و هه‌لوه‌ستا وێ یا ل سه‌ر ڕه‌وشا سیاسی یا ئیراقێ ژی گۆت: “پەدەکە هه‌رده‌م ژ بۆ چاره‌سه‌رکرنا پرسگرێکان و دیالۆگێ ڤه‌کری یه‌.”

Back to top button