فراكسيۆنا پارتي پێشوازیێ ل شاندەیەكا بلندا وزاره تا دەرڤە يا سويد دكە
شاندەیەكا وەزارەتا دەرڤە یا سویدێ سەردانا پارلامەنتۆیا كوردستانێ كر و ژ ئالیێ سەرۆكێ دەمكی یێ پارلامەنتۆیێ، سەرۆك و ئەندامێن فراكسیۆنا پارتیا دەمۆكراتا كوردستانێ ڤە ھات پێشوازی كرن.
شاندەیا وەزارەتا دەرڤە یا سویدێ ب سەرۆكاتیا (ئان مۆوە) جیگرا بەرپرسا كاروبارێن رۆژھەلاتا ناڤین و باكورێ ئەڤریقا ل وەزارەتا دەرڤە، بەرپرسا تێكەلیێن سیاسی و ئالیێن عیراقی ل سەفارەتخانەیا سوێدێ ل عیراقێ و ھژمارەكە بەرپرسێن وەزارەتا دەرڤە و دپلۆماتكاران پێكھاتبوو، رۆژا 29.11.2018 ل ئاڤاھیا پارلامەنتۆیا كوردستانێ ژ ئالیێ رێڤنگ ھرۆری سەرۆكێ دەمكیێ پارلامەنتۆیێ و سەرۆك و ئەنداامێن فراكسیۆنا پارتیا دەمۆكراتا كوردستانێ ڤە ھاتن پێشوازی كرن.
پێشھاتێن داویێ یێن پرۆسەسا سیاسی، دەستنیشانكرنا دەستەیا سەرۆكاتیا پارلامەنتۆیا كوردستانێ، پێكئانینا كابینەیا نوو یا حكومەتا كوردستانێ و پرۆژەیێن پارتی ژبۆ قۆناغا بھێت د جڤینەكێ دە ھاتن گۆتوبێژ كرن و ل دور وان مژاران، سەرۆكێ دەمكیێ پارلامەنتۆیێ ئاگداری و زانیاریێن پێویست ب شاندەیا مێڤان دان.
بەحسا سەردانا سەرۆك بارزانی یا ڤێ داویێ بۆ بەخدایێ ھات كرن و شاندەیا سویدێ ئەو سەردان ب پێنگاڤەكە باش و ئەرێنی ژبوونا ڤەگەراندنا باوەریێ دا زانین و پشتەڤانیا خوە ژبۆ ھەرێما كوردستانێ نیشان دا.
