بارزانی بھێزەك مەزن ڤەدگەرە مەیدانا سیاسی

پشتی سالەكێ ژ رەفەرەندوما سەرخوەبوونا كوردستانێ، رێبەرێ كوردستانێ مەسعود بارزانی جارەكە دن بھێزەك مەزن ژبۆ مەیدانا سیاسی یا كوردستان و عیراقێ ڤەدگەرە، ب ڤان گۆتنان كانالێ (فرانس24) دەست ب نووچەیا خوە یا لسەر ھلبژاتنا پارلامەنتۆیا كوردستانێ دكە.

كانالا ناڤبوری دبێژە كو پشتی ئەنجامێن ھلبژارتنا پارلامەنتۆیا كوردستانێ كو، 30 ئیلونێ ھاتبوون كرن، ھاتین ئاشكرا كركن، پارتیا دەموكراتا كوردستانێ ب سەرۆكاتیا مەسعود بارزانی سەركەفتنەك مەزن بدەست خست.
(فرانس24) دبێژە: پارتیا دەموكراتا كوردستانێ د ھلبژارتنا پارلامەنتۆیا عیراقێ ژی دە كاری 25 كورسیان بدەست بخە و وەكە یەكەمین بارتی لسەر ئاستا عیراقێ دەركەت مەیدانێ، تەڤی كو بایكوتا ھلبژارتنا ل باژارێ كەركوكێ كربو، ژبەرھندێ د دانووستاندنێن ئاڤاكرنا كابینەیا نوو یا حكومەتا عیراقێ ژی دە دڤێ رۆلا مەسعود بارزانی لبەر چاڤان بێ گرتن.
(فرانس24) دیار دكە كو پارتی بسەرێ خوە، 45 كورسیێن خوە دگەل 11 كورسیێن كێمنەتەوەیان، دكارە حكومەتا ھەرێما كوردوستانێ پێكبینە. دوارێ تیوری دە پارتی دكارە بێ یەكێتیا نشتمانیا كوردستانێ حكومەتێ ئاڤا بكە.

عادل باخەوان لێكۆلینەر ل زانینگەھا زانستێن جڤاكی ل پاریس دبێژە كو ل مەیدانا سیاسی، ل عیراق و كوردستانێ، بارزانی گرانیا خوە ھەیە و چ كەس نكارە رۆلا بارزانی پشتگوھ بخە.
پێشبینی تێ كرن كو پارتیا دەموكراتا كوردستانێ پۆستا جیگرێ سەرۆك وەزیر، وەزارەتا دەرڤە یان وەزارەتا دارایی ل حكومەتا عیراقێ وەربگرە.