حکومه‌تا سووری و هەسەدە ل پاریسا پایته‌ختا فرانسایێ د ده‌مه‌که نێزیک دا دجڤن و ڕێکه‌فتنا ۱۰ێ ئادارێ دێ مژارا جڤینێ یه.
وه‌زاره‌تا ده‌رڤه یا سووری د داخویانیه‌کێ دا ڕاگەهاند کو وه‌زیرێ ده‌رڤه یێ سووریێ ئئەسعەد حەسەن شیبانی، وه‌زیرێ ده‌رڤه یێ فرانسایێ ژان نوێل بارۆ و شاندیێ ئه‌مه‌ریکایێ بۆ کارووبارێن سووریێ تۆم باڕاک ل پاریسا پایته‌ختا فرانسایێ جڤینه‌کا ئه‌رێنی ل دار خست و داخویانیه‌که هه‌ڤبه‌ش ده‌رخست.
داخویانیێ دا زانین کو هه‌رسێ ئالیان ل سه‌ر هه‌ژماره‌ک خالان ل هه‌ڤ کریه، ئه‌و ژی ئه‌ڤن:
- زێده‌کرنا هه‌ولان ژ بۆ سه‌رخستنا نه‌خشه‌رێیا ڤه‌گوهێز ل سووریێ و پاراستنا یه‌کیتی، ئارامی و سه‌روه‌ریا وێ.
- پابه‌ندی ب هه‌ڤکاریا هه‌ڤبه‌ش ژ بۆ ڕووبرووبوونا ته‌رۆرێ و پشته‌ڤانیا شیانێن سووریێ ژ بۆ ڕووبرووبوونا ئاسته‌نگیێن ئه‌وله‌هیێ.
- پشته‌ڤانیا کومه‌تا سووری د نه‌خشه‌رێیا ڤه‌گوهێز دا ژ بۆ بجیکرنا لهه‌ڤکرنا نشتیمانی نه‌خاسم ل باکور-ڕۆژهلاتێ سووریێ و سوێدایێ.
- لدارخستنا جڤینەک شێوری د ناڤبه‌را حکومه‌تا سووری و هەسەدێ دا ل پاریسێ د نێزیکترین ده‌م دا ژ بۆ ته‌مامکرنا بجیکرنا ڕێکه‌فتنا ۱۰ێ ئادارێ ب ته‌مامی.
- پشته‌ڤانیا هه‌ولێن سزادانا ئه‌نجامده‌رێن توندووتووژیێ و پێشوازی ل ڕاپۆرتا کۆمیتا دیڤچوونا ڕاستیان ده‌ربارێ بوویه‌رێن به‌راڤا سووریێ.
- نابه چو وه‌لاتێن جیران گه‌فێ ل ئارامیا سووریێ بکن هه‌ر وه‌ها دڤێ سووریە ژی گه‌فێ ل ئه‌وله‌هیا وه‌لاتێن جیران نه‌که.
ئه‌ڤ داخویانی د ده‌مه‌کێ دا تێ، کو گرژی و ئالۆزی ل سووریێ گۆر بوونه و هه‌موو ئالیێن ناڤده‌وله‌تی و خوه‌جهی لێدخەبتن کو لهەڤهاتنەکا گشتی ل سووریێ چی ببە.
