فیلما ئاوازا خوەدا
ده‌رهێنه‌رێ ناڤدارێ ژ رۆژهەلاتێ کوردستانێ عارف محه‌مه‌د، ب ڕێیا فیلمه‌کی دۆکومه‌نتاری ژیانا هونه‌ری یا هونه‌رمه‌ندێ ناڤدار سه‌ید قه‌ده‌میار، کو ته‌مه‌نێ وی گهیشتیه ۱۲۰ سالان ئامادەكریە. فیلما دۆكومەنتاری یا بناڤێ (ئاوازا خوەدا) ژ ئالیێ ده‌رهێنه‌ر عارف محه‌مه‌د ڤه ل رۆژهەلاتێ کوردستانێ هاتیه کشاندن، کو ئه‌ڤ به‌لگه‌فیلم چاند و که‌ڤنه‌شۆپیا (یارسانیان) نیشان دده، کو هه‌تا نها ژی كارینە ڕه‌سه‌نیا چاندا خوه بپارێزن. د ڤێ فیلمێ ده ژ بۆ موزیک و سترانان جهه‌کی مه‌زن هاتیه ته‌رخانکرن. ل گه‌ل وێ ژی ب ده‌هان که‌سێن ده‌نگخوه‌ش ئێن وێ هه‌رێمێ سترانێن خوه یێن ڕه‌سه‌ن پێشکه‌ش دکن. ئاموورێن ته‌مبوور و ده‌فێ وه‌ک هێمایێن وێ هه‌رێمێ تێن ناسین و خه‌لکێ وێ دەڤەرێ ژی گەلەك ئاشقێ ڤان ئاموورانه و ب پیرۆزی ل وان دنێرن. ئه‌ڤ به‌لگه‌فیلم ده‌مژمێره‌کێ به‌رده‌وام دکه و ب زمانێ فارسی و کوردی هاتیه چێکرن. ب ئاماده‌بوونا ده‌رهێنه‌ر، فیلم ل فه‌ستیڤالا ناڤده‌وله‌تی یا فیلمان یا سلێمانیێ تێ نیشاندان.
