د سیاسه‌تێ دا ژی، وه‌ک د هه‌ر به‌شه‌ک دن یێ ژیانا جڤاکی دا، ئه‌خلاق گه‌له‌ک گرینگه. تایبه‌تی ده‌ما مرۆڤ دۆزا ڕزگارکرنا مله‌ته‌کی بنده‌ست دکه ھینگێ ئه‌خلاق دبه پیڤانه‌ک یا سیاسه‌تێ. لێ مخابن ده‌ما مرۆڤ ل ته‌ڤگه‌را کورد دنێره گه‌له‌ک ئالیان ب چ ئاوایی نه‌سیبێ خوه ژ ئالیێ ئه‌خلاقی دا نه‌گرتیه، یان ژی ئه‌ڤ یه‌ک كرنه بنگه‌هێ سیاسه‌تا خوه .
قۆناغا کو ته‌ڤگه‌را کورد تێرا ده‌رباس دبه گه‌له‌ک زیز و گرینگه. د ڕۆژا مه دا ده‌ستکه‌فتیا هه‌ری به‌ربچاڤ فه‌ده‌راسیۆنا ل باشوورێ کوردستانێ یه. پاراستن و دژده‌رکه‌تنا ڤێ خاکا ئازاد بوویه پیڤانه‌ک یا نشتمانپه‌روه‌ریێ.
لێ مخابن هێزێن وه‌ک پارتیا كاركەرێن كوردستانێ (پەکەکە) پێ ل هه‌موو نرخێن کوردستانی و ئه‌خلاقی دکن و بێ سنۆر شه‌رێ ده‌ستکه‌فتیێن باشوورێ کوردستانێ دکن و ژ بۆ ڤان ده‌ستکه‌فتیان ژ ناڤببن دبه گەفا هه‌ری مه‌زن. هه‌ر ئالیه‌ک یان ژی که‌سایه‌تیه‌ک کورد د ڤێ ده‌ربارێ دا پشتگریا سیاسه‌تا پەکەکێ ب ئاوایه‌کی بکه دبه شریکێ ڤێ تاوانا نه‌ته‌وی ل دژی مله‌تێ خوه.
بێ گومان ل کوردستانێ ژی وه‌ک هه‌ر ده‌ڤه‌ره‌ک یێ جیهانێ پارتیێن جودا هه‌نه، خوه‌دی بیروباوه‌ریێن جودانه، دێ سیاسه‌تا هه‌ڤ ڕه‌خنه بکن و به‌هسا جودابوونێن خوه بکن. لێ ده‌ما هه‌ڤوودن ب خیانه‌تێ ئیتهام بکن، هینگێ نه ممکنه کو ڕۆله‌ک ئه‌رێنی د ڕه‌خنه‌یان دا بمینه.
د ڤێ پێڤاژۆیێ دا پەکەکە ب هه‌موو ئاوایی ئێریشێ پارتیا دەمۆكراتا كوردستانێ (پەدەک)ێ دکه و پەدەکێ ب خیانه‌تێ ئیتهام دکه. لێ ژ ئالیه‌ک دن به‌حسا “یه‌کتیه‌ک نه‌ته‌وی“ دکه. ده‌زگه‌هێن گرێدایی پەکەکێ د گه‌ل ئالیێن سیاسی هه‌ڤدیتنا ژ بۆ یه‌کتیه‌کی دکن. خه‌لکه‌ک د بن باندۆرا پرۆپاگاندا پەکەکێ دا به‌حسا یه‌کتیه‌کا د ناڤا مالا کورد دا دکه.
ژ بۆ کوردا یه‌کێتیەك ژ بۆ خوه‌دیده‌رکه‌تن و پێشڤه‌برنا ده‌ستکه‌فتیێن نه‌ته‌وی پێوستیه‌ک گەلەك گرینگه. کورد دڤێ ل هه‌موو به‌شێن کوردستانێ ل سه‌ر پره‌نسبپێن نه‌ته‌وی یه‌کتیه‌کێ پێکبینن. نه ممکنه کو یه‌ک ئنسانێ کورد ل دژێ یه‌کێتیا د ناڤا هێزێن سیاسیێن کوردستانێ دا به. لێ یا پەکەکە دکه دورووتیه و خاپاندنه.
ژ بۆنا كو ھەر كەس د خاپاندن و دو ڕووتیا پەکەکێ بزابە و تێبگەھە، هنده‌ک ئاخاڤتنێن به‌رپرس و ڕێڤه‌به‌رێن وان و هنده‌ک نڤیسێن کو د ده‌ربارێ پەدەکێ دا دنڤیسن، پێوسته باش بێنه خوه‌ندن. تایبه‌تی ژ بۆ سیاسه‌تا پەکەکێ یا ل دژی کوردستانێ باش بێ تێگهاندن دڤێ خه‌لک نه ته‌نێ گوھ بده پرۆپاگانده‌یێن ده‌ره‌و ئێن پەکەکێ. دڤێ ئه‌و ڕاستیا پەکەکێ تێبگهن و خه‌ته‌را ب ناڤێ کورده‌یاتیێ ل سه‌ر ده‌ستکه‌فتیێن کوردا فام بکن و ببینن.
مورات کارایلان د ئاخڤتنه‌کی دا به‌حسا ڕه‌وشا باشوورێ کوردستانێ دکه و دۆزا یه‌کتیه‌کی ل هێزێن کوردستانێ دکه.
https://www.lekolin.org/haber-5930-Di-diroka-nez-de-Dagirkeri-u-Xiyanet-a-PDKe–1.html
ژ ئالیه‌ک دن ڤه، ئه‌ڤه ده‌مه‌که د مالپه‌را لێکۆلنێ دا ل دژی پەدەکێ کامپانیه‌ک گه‌له‌ک دژوار ل سه‌ر ده‌ره‌وان تێ ڕێڤه‌برن.
https://www.lekolin.org/haber-5933-Di-diroka-nez-de-DAGIRKERI-u-XIYANET-a-PDKe—2.html
https://www.lekolin.org/haber-5938-Di-diroka-nez-de-Dagirkeri-u-Xiyanet-a-PDKe%E2%80%944.html
https://www.lekolin.org/haber-5936-Di-diroka-nez-de-Dagirkeri-u-Xiyanet-a-PDKe%E2%80%943.html
باشه ده‌ما پەکەکە خوه‌دیێ ڤێ دیتنێ به ، چه‌وا ب چ ڕوویی دکاره به‌حسا یه‌کتیه‌کا د گه‌ل پەدەکێ بکه کو وان ب خیانه‌تێ ئیتهام دکه. ل کوردستانێ هه‌تا ئالیێن سیاسی ڕاستیا پەکەکێ نه‌بینن چ جارا نکارن پێشیا خوه ژی ب زه‌لالی ببینن.
هه‌ر ئالیه‌ک کورد ئیرۆ د گه‌ل پەکەکێ و ئالیگرێن وێ هه‌ڤکاریێ دکه، دبە شریکێ ڤێ سیاسه‌تا قرێژ. هه‌روه‌ها ئەگەر یه‌کتییه‌ک نه ل سه‌ر بنگه‌هێ به‌رژه‌وه‌ندیێن نه‌ته‌وی بێ ئاڤاکرن چ باهایێ وێ ژ بۆ کوردستانێ نینە.
یه‌کێتی دڤێ ل سه‌ر پره‌نسبپێن سیاسی ژ بۆ ده‌ستخستنا مافێن نه‌ته‌وی یێن ڕه‌وا یێن گه‌لێ کورد چێ ببە. پشتگریا خه‌لکه‌کی ب عاتفی ژ بۆ هنده‌ک ئالیێن گرێدایێ پەکەکێ ته‌نێ ڤێ هێزێ خۆرت دکه و زه‌ره‌رێ دده به‌رژه‌وه‌ندیێن نه‌ته‌وی.
مخابن هنده‌ک مه‌دیا و کانالێن ته‌له‌ڤزیۆنێ کو ل سەر پەدەکێ تێنه هه‌ساب کرن، زانه‌بوون یان نه‌زانه‌بوون دبن زه‌مین ژ به‌شه‌ک ژ پرۆپاگاندا پەکەکێ یا ل دژێ پەدەکێ ب خوه. یانی ئه‌و دارا د بن خوه را دبرن و بڤری ل لنگێ خوه ددن.
2019.08.18
نووچەئەنالیز/ن. فرات
