قەندیل ب یا ئوجەلان ناكە
ئه‌ڤه ده‌مه‌ک درێژ بوو پارتیا كاركەرێن كوردستانێ (پکک) عبدللە ئۆجالان ژ ڕۆژه‌ڤا خوه ده‌رێخستبوو. ده‌ما ئۆجەلان ژ قه‌ندیلێ داخواز کر کو، (پکک) کۆنگره‌یه‌کێ ل دارخە و د سه‌رۆکاتیا خوه ده هنده‌ک گوهه‌رتنا چێبکن، قه‌ندیلێ گوه نه‌دا ئۆجەلان و داخوازیا ئۆجالان ڕه‌د کر. تێ زانن کو ئۆجەلان دخوه‌ست جه‌میل بایک بێ گوهه‌رتن، لێ (پکک) گوھ نه‌دا پێشنیارێن ئۆجالان.
ژ هینگێه ڤه قه‌ندیل ل دژی کو تشتێن ئۆجالان داخواز کری کار کر وكار دکه. هه‌تا چه‌نده‌کێ به‌حسا ئۆجالان ژی نه‌کرن. لێ ده‌ما ژ وان ره لازم به جاردن ئۆجەلان تینن ڕۆژه‌ڤێ، که‌سه‌ک وه‌ک ئۆسمان ئۆجەلان ڤێ یه‌کێ دزانه. برایێ عبدللە، ئۆسمان ئۆجەلان دزانه و هنده‌ک داخویانیێن خوه ده به‌حسا ڤێ پرسێ دكە، لێ مخابن که‌سه‌ک گوھ ناده گۆتنێن ئۆسمان ژی. ژ ئالیه‌ک دن ڤه باش تێ زانین کو د ناڤا (پکک) و ئالیێن گرێدایێ وێ ده بریارا داوی د ده‌ستێ که‌سێن چه‌پێن مارژینالێن ترکی ده یه.
هه‌ری داوی هه‌ڤسه‌رۆکێ پارتیا جڤاكا دەموكراتیك (هدپ) سه‌زا ته‌مه‌لی، داخواز ژ حوکومه‌تا تركیێ کر کو جاردن پێڤایۆیا “ئاشتیێ“ ده‌ستپێ بکه و ئه‌و ئاماده‌نه ل گه‌ل حوکومه‌تێ ل سه‌ر ماسه‌یه‌کێ ڕوونن. لێ حوکومه‌تێ به‌رسڤا ته‌مه‌ڵی دا و دا خوویاکرن کو ئه‌و هێدی ب تو ئاوایی ل گه‌ل ڕێخستنەک کو ته‌رۆرست تێ قه‌بوول کرن تو پێڤاژۆیا ده‌ستپێ ناکن. هه‌روه‌ها ڤه‌کری گۆتن کو ل گه‌ل (هدپ) ێ ژی تشته‌کی ب ناڤێ “ ئاشتی“ یێ ناکن.
پشتی داخوویانیا حوکومه‌تێ هه‌ڤسه‌رۆکێ هدپ ێ ته‌مه‌ڵ دا خویاکرن کو، ئه‌و تشته‌کی ل گه‌ل ڤێ حوکومه‌تێ ناکن و داخوویانیا وی خه‌له‌ت هاتیە تێ گهاندن. ته‌مه‌ل دا خویاکرن کو، موخاتابێ ده‌وله‌تێ ل ئیمرالیه، ئانكو عبدللە ئوجالانە
نها ڕۆژانه به‌حسا ته‌جریتا ئۆجەلان دکن. لێ هه‌تا ڤێ گاڤێ چ ئاگاهداری ژ ده‌ڤێ ئۆجالان و مالباتا وی نه‌هاتینه سه‌حکرن. دخوه‌یێ ئۆجەلان ژی پێ حه‌سایه کو پکک هێدی ته‌نێ وی ب کار تینه. ژ به‌ر کو قه‌ندیل گوه ناده ئۆجەلان ژی.
ئه‌ڤ یه‌ک ڤه‌کری د بنگه‌ها پکک ده نایێ مناقه‌شه‌کرن، لێ د هنده‌ک ئۆرگانێن پکک ده ئه‌ڤ یه‌ک بابه‌ته‌ک سه‌ره‌که یێ گۆتوبێژایه
