ئه‌ندامێ کۆنسه‌یا سه‌رۆکاتیا پارتیا كاركەرێن كوردستانێ (پەکەکە) مستەفا کاراسو بەشداری به‌رنامه‌یه‌کێ ته‌له‌ڤزیۆنا پەکەکێ دكە د وێ بەرنامەیێ دا، کاراسوو د ئاخاڤتنا خوە دا گه‌له‌ک ڤه‌کری و ب ئاشكەرەیی بانگا شه‌رێ دژی پارتیا دەمۆكراتا كوردستانێ (پەدەکە)ێ دکه و پەدەکێ ب ھندەك تشتێن بێ بنگەھ تاوانبار دکه و دبێژه کو، پەدەکە دخوازه پەکەکێ ژناڤ ببە.
مستافا کاراسو د ئاخافتنا خوه دا دبێژه: “هه‌تا نها مه د ده‌ربارێ پەدەکێ دا ڤه‌کری خه‌به‌ر نەددا، مه دگۆت به‌لکی ڕۆژه‌کی ژ شاشتیێن خوه ڤه‌گه‌ره و یا ڕاست بکه. لێ ئه‌م دبینن پەدەکە ژ بۆ پەکەکێ ژ هۆلێ ڕاکه، ترکیێ و هه‌تا ڕاده‌یه‌کی عیراقێ ژی ب کار تینه. ئارمانجا وان خلاسکرنا پەکەکێ یه. پەدەکە ژی د گه‌ل پاساوانان تێ سه‌ر سنۆر ، پاساوان ناخوازن بێنه له‌یزتکا پەدەکێ، ژ به‌ری نها ئێریشه‌کی دا دو فه‌رماندارێن پاساوانان هاتن کوشتن. ئه‌و پەکەکێ و گه‌ریلا ناس دکن. وه‌لاتپارێزبوون.
مستەفا کاراسو دبێژه کو: “فه‌رماندار زوبه‌یر ژی ب ئه‌نجاما کۆمپلۆیه‌کی یا پەدەکێ هاته شه‌هد کرن. پەدەکە دبێژه بلا عیراق وه‌رە سنۆران بپارێزه. بلا کورد هه‌موو بزانبن پەدەکە د گه‌ل ده‌وله‌تا ترک دخوازه پەکەکێ ژ هۆلێ ڕاکه. ئه‌ڤ یه‌ک دبه سه‌ده‌ما کو د ناڤا کوردان دا شه‌ره‌ک ده‌رکه‌ڤه. بلا هه‌رکه‌سه‌ک بزانبه پەدەکە دخوازه شه‌رێ براکوژیێ بکه. د ئه‌سلێ خوه دا شه‌رێ ل دژی پەدەکێ نابه شه‌رێ براکوژیێ. پەدەکە د گه‌ل ده‌وله‌تا ترک دخوازه ل دژێ ته‌ڤگه‌را ئازادیا کوردا پەکەکێ ژ هۆلێ ڕاکه.”
کاراسو به‌رده‌وامیا ئاخافتنا خوه دا دبێژه: “ل عه‌فرینێ ژی و سه‌رێکانیێ ژی ئه‌ڤ یه‌ک کر. پەدەکە هاتیه به‌ر پۆزێ (دفنا) مه و دخوازه مه بفه‌تسینێ. ئه‌ڤه 40 سالن جهێ کو گه‌ریلا لێ دمینه پەدەکە دخوازه گه‌ریلان ل وان ده‌ڤه‌ران بفه‌تسینە. دڤێ چ کورد باوه‌ریێ ل گۆتنێن پەدەکێ نه‌ینن.”
کاراسو دبێژه: “پەدەکە دبێژه کو ل مه‌خمور، قه‌ندیل و ل شنگالێ ترکیا ژ بەركو پەکەکێ ل ڤێ ده‌رێیه ئێریش دکه. هون ب خوه چوون مه‌خمور وه سپاسیا پەکەکێ کر. ترکیێ نه ژ بۆ پەکەکێ ئێریشێ باشوور دکه. پەدەکە دخوازه د گه‌ل ترکیێ سه‌رکه‌فتنه‌کێ ل دژێ پەکەکێ ده‌ستڤه‌بینه.”
تێبینیەك: موستافا کاراسو ژ سڤاسێ ژ ناڤچه‌یا گورونه. ترکه و عەله‌ویه. ئه‌ندامێ کۆنسه‌یا سه‌رۆکاتیا پەكەكێ یه. کاراسو گه‌له‌ک جارا ئاخاڤتنێن ته‌ڤش نه ل سه‌ر ڕێ دکه. لێ د ئه‌نجام دا سیاسه‌تا پەکەکێ تەمسیل دكە. کاراسو زمانێ کوردی نزانه ته‌نێ ب ترکی دزانه. ڤیدیۆیا کاراسو ژی ب زمانێ ترکیه.
