كارتێكرنا پارتیا نوو ل سەر ئەردۆگان
ئەحمه‌د داڤوتۆگلو، سەرۆكوەزیرێ بەرێ و وەزیرێ دەرڤە یێ بەرێ یێ تركیێ، پشتی ژ ئاکەپێ (پارتیا دەستھلاتدار یا ئەردۆگان) ڤه‌قه‌تیا ده‌ست ب کارێ ئاڤاکرنا پارتیا نوو کر و دێ د ده‌مه‌ک نێزیک دا پارتیا خوه راگەھینە.
داڤوتۆگلو دێ میتنگا خوه یا یه‌که‌م ل باژارێ مانسایێ ڕۆژا ۱۸ێ ئۆکتۆبه‌رێ دا ل دار بێخه. ئحتماله کو د ڤێ میتنگێ دا پارتیا خوه ب ئاوایه‌کی فەرمی ڕاگەهینه. داڤوتۆگلو نها کارێ خوه ل ستانبول و ئه‌نقه‌ره به‌رده‌وام دکه.
ئەحمه‌د داڤوتۆگلو د داخوویانیه‌کێ دا دبێژه: کارێ مه یێ ئاڤاکرنا پارتیێ به‌ر ب داویێ ڤه دچە. مه به‌رنامه و په‌یره‌وا پارتیێ ئاماده کریه ، ئه‌م دێ جاردن هه‌ر تشته‌کێ خوە ژ نوو دا به‌رچاڤ را ده‌رباس بکن.
د ده‌ربارێ که‌سێن کو دناڤ پارتیێ دا جھ بگرن، داڤوتۆگلو دبێژه کو هنده‌ک پیڤان هه‌نه، نابە که‌سێن د پارتیا مه و ڕێڤه‌به‌ریا گشتی و یێن هه‌رێمی دا جھ بگرن ئه‌و که‌س بن کو د ده‌ربارێ وان دا گۆتگۆتوک هه‌بن. ئه‌م که‌سایه‌تیێن پاقژ کو ته‌ڤلێ گه‌نده‌لیان نه‌بوونە تینن ناڤ پارتیێ.
ل گۆر پرانیا شارەزایێن رەوشا تركیێ، پارتیا نوو یا ئەحمەد داڤوتۆگلو دێ كارتێكرنەكا مەزن ل سەر رەوشا ئاكەپێ، پارتیا دەستھلاتدار یا رەجەب تەیب ئەردۆگان، بكە و گەلەك پارلامەنتەر، سئاسەتمەدار و كەساتیێن ناڤ ئاكەپێ تەڤلی پارتیا نوو بن
