كاروانێ گەندەلیێ ل عیراقێ
كاروانێ گەندەلیا عیراقێ خوە ل ملیاران دۆلداران دایە و ل گۆر ھندەك راپۆرتێن جیھانی ژ سالا 2003ێ ھەتا نھا عیراقێ 450 ملیار دۆلار ب گەندەلیێ زیان كریە.
ل عیراقێ بێكاری گەلەك زێدە بوویە ل گۆر دەزگەھا ناوەندی یا ئاماران ل بەغدایێ، بێكاری ل عیراقێ گەھەشتیە 23% ، ل گۆر سندوقا دراڤی یا ناڤدەولەتی بێكاری د ناڤ تەخا گەنجان دا خوە ل 40% دایە.
ل گۆر پەیمانگەھا واشینگتۆن یا لێكۆلینان 25 % پارێ عیراقێ ب گەندەلیێ دچە
ھەژاری ل عیراقێ 22% لێ ل ھندەك پارێزگەھێن عیراقێ 31%
800 دۆسیەیێن دزی و گەندەلیێ د بن لێكۆلینێ دانە
ل گۆر رێخستنا شەفافیێ یا ناڤدەولەتی د ناڤ180 دەولەتان دا عیراق د رێزا 169ێ دایە
ل گۆر مالپەرا دایلی بێست مالكی و بەرپرسێن نێزیكی وی 2 ملیار دۆلار دگەل گەنەرالێن ئەمریكێ ب گەندەلیێ بەرزە كرنە.
ب فەرمانا نوری مالكی كو ھینگێ سەرۆكوەزیرێ عیراقێ بوو، ب ملیاران دۆلاران بالەفرێن شەری ژ روسیایێ كرین، لێ پاشی ئاشكەرە بوو كو ئەو بالەفر ھەر یێن عیراقێ بوون دەما شەرێ رزگاركرنا عیراقێ رەڤێ بوون رۆسیایێ پشتی ئیرانێ رێ نەدایێ ل سەر ئاخا وێ دادەن.
سەردەما مالكی نێزیكی 60 وەزیر و بەرپرس ژ عیراقێ رەڤین دەرڤەی وەلات پشتی گەندەلیا وان ئاشكەرە بوو، نێزیكی 100 دۆسیەیێن گەندەلیێ ل سەر نوری مالكی ھەنە، ل گۆر دەستەیا نەزاھە 280 ملیار دولار دزینە لێ ل گۆر زانیاریێن نەفەرمی 800 ملیار دۆلارن.
ب دەھان ملیارێن دن ب تایبەتی د كەرتا كارەبێ و پیشەزایێ دە بەرزنە.
تەڤی ڤێ گەندەلیا بەرفەرەھا ل عیراقێ كو ھەموو وارێن ژیانێ ڤەگرتنە، مەدیا كوردستانێ نكارە ڤێ پرسێ بێخە رۆژەڤێ و رایا گشتی یا ھەرێما كوردستان و عیراقێ پێڤە مژوول بكە، مەدیا كوردستانێ نەكاریە یان ژی ناخوازە لێكۆلینان ل سەر ڤان گەندەلیێن حكومەتا عیراقێ ئامادە بكە و بدە دەست دۆزگەرێ گشتی.
تەڤێ ڤێ ھەموو دزی و گەندەلیا ل عیراقێ ھەیەم بەرپسێن كورد ل بەخدایێ و ب تایبەتی پەرلەمەنتەرێن كورد نەكارینە وەزیرەكی عەرەب ژی بینە ھۆلا پەرلەمانێ عیراقێ و ل سەر دۆسیەیێن دزی و گەندەلیێ لێپرسینێ دگەل بكن.
ب گۆتنەك دن بەرپرسێن عیراقێ و مەدیا عیراقێ ھەر ئێریشی كوردستانێ كریە و ھەرێما كوردستانێ ژی ھەر د حالەتێ بەرگریێ دا بوویە.
