کاندیدێ سه‌رۆکێ ھه‌رێما کوردستانێ و جیگرێ سه‌رۆکێ پارتیا ده‌مۆکراتا کوردستانێ (په‌ده‌که) نێچیرڤان بارزانی، کورێ ئیدریس بارزانی یه، نه‌ڤیێ سه‌رۆکێ نه‌مر مه‌لا مسته‌فا بارزانی یه و د 1966 ێ داهاتیه سەر دنیایێ.
د 6 ێ ئادارا سالا 1975ێ دا، ده‌ما عیراق و ئیران ل جه‌زاییرێ، ل دژی شۆره‌شا کوردستان، نه خاسمە ل دژی شۆره‌شا ئیلۆنێ یا ب سه‌رۆكاتیا نه‌مر مه‌لا مسته‌فا بارزانی، ل هه‌ڤ کرن و بریار دان کو ب ھه‌ڤ ڕا نه‌ته‌وه‌یێ کورد ژناڤ ببن، سه‌رۆکاتیا شۆره‌شا کوردستانێ ژی، شه‌رێ چه‌کداری ژ بۆ ده‌مه‌کا کورت ڕاوه‌ستاند. وێ ده‌مێ نێچیرڤان بارزانی ژی، ب مالباتا خوه ڕا کۆچبه‌ری ئیرانێ بوو و ل وێ ده‌رێ چوو زانینگه‌ھا ته‌هرانێ و کولێژا زانستێن سیاسی خوه‌ندیه.
باڤێ نێچیرڤان بارزانی، ئیدریسێ گۆربەهشت، ئه‌ندامێ مه‌کته‌با سیاسیا په‌ده‌کێ بوو و ڕۆله‌کا پر مه‌زن و ن باندور د ناڤ ته‌ڤگه‌را ڕزگاریخوازا کوردستانێ دا هه‌بوو. ئیدریس بارزانی ب ئه‌نده‌زیارێ ئاشتیێ و ئاڤاکرنا به‌ره‌یێ کوردستانێ تێ ناس کرن، ئه‌و هه‌ر ژ زارۆکینیا خوه ڤه د ناڤ ڕه‌فێن شۆره‌شێ ده بوویه و ب پێشمه‌رگه‌یان ڕا ژی مه‌زن بوویه. نێچیرڤان بارزانی، پئشتی وەفاتا ناڤێ خوە، مه‌جبوور مایه کو خوه‌ندنا خوه بهێله و چوویه که‌تیه ناڤا شۆره‌شێ و چه‌کێ پێشمه‌رگاتیێ ب ملێ خوه‌ڤه کریه.
نێچیرڤان بارزانی پشتی که‌تیه ناڤا شه‌رێ چه‌کداری، ژیانا خوه ب ڕه‌فێن پێشمه‌رگه‌یان ڕا به‌رده‌وام کریه و د ناڤا شۆره‌شێ دا پر زوو ب پێش که‌تیه و به‌رپرسیاریێن مه‌زن دانه سه‌ر ملێن خوه. هه‌ر ژ به‌ر زیره‌کی و ژێهاتیا وی، ئه‌و د سالا 1989 ێ دا بوو ئه‌ندامێ مه‌کته‌با سیاسیا پەدەكێ.
د سالا 1996 ێ دا بوو جیگرێ سه‌رۆکێ حکومه‌تا هه‌رێما کوردستانێ.
د سالا 1999 ێ دا، نێچیرڤان بارزانی د کابینه‌یا چاران دا بو سه‌رۆکێ حکومه‌تا هه‌رێما کوردستانێ.
د 2006.05.07 دا ژی بوو سه‌رۆکێ حکومه‌تا یه‌کگرتی یا هه‌رێما کوردستانێ.
حکومه‌تا هه‌رێما کوردستانێ د بن سه‌رۆکاتیا نێچیرڤان بارزانی دا حکوومه‌ته‌ک ده‌مۆکرات، سه‌کولار و پرپارتی بوویه. ئه‌و خه‌بتیه کو جڤاته‌ک مۆده‌رن، پێشکه‌فتی و ئازاد ئاڤا بکه، هه‌ر وه‌سا ژیانا خه‌لکێ هه‌رێما کوردستانێ گه‌ش و خوه‌ش بکه و سیسته‌ما سیاسی و ئابۆری یا هه‌رێما کوردستانێ ئازاد و سه‌ربخوه بکه، ژبه‌ر ھندێ ئه‌و ب ئه‌نده‌زیارێ ئاڤاکرنا کوردستانێ ھاتیه بناڤ کرکن
نێچیرڤان بارزانی گه‌له‌ک گرنگیێ دده پێشڤه‌چوونا ئینسانان، پاراستنا مافێ ژنان، گه‌شه‌پێدانا ئیندوستریێ، پێشخستنا سازیێن حکومه‌تێ و گرنگییا په‌ره‌وه‌رده‌یێ.
نێچیرڤان بارزانی ب که‌چا سه‌رۆک مه‌سعود بارزانی ڕا زه‌وجیه و چار زارۆکێن وی هه‌نه. ئه‌و ژ بلی زمانێ کوردی زمانێ فارسی، عه‌ره‌بی و ئنگلیزی ژی دزانه. ئه‌و ژ سواریا هه‌سپان، مه‌له‌ڤانی و سه‌رکه‌تنا سه‌ر چیان ب پێشمه‌رگه‌یان ڕا حه‌ز دکه.
د 28ێ گولانا 2008 ێ، ئونیڤه‌رسیته‌یا واشنگتۆن جێفه‌رسۆن ل په‌نسیلڤانیا، ب ڕێوره‌سمه‌کێ دۆکتۆرا فه‌خری دایه نێچیرڤان بارزانی. ئه‌ڤ ئونڤه‌رسیته د سالا 1781ێ دا هاتیه دامه‌زراندن.
نێچیرڤان بارزانی گرنگیه‌ک تایبه‌ت دده کێمنه‌ته‌وه‌یان و ئه‌و دبێژه: هه‌ر کێمنه‌ته‌وه‌یه‌ک خوه‌دیێ مافێ خوه یێ ئیداره‌کرنێ یه. ئه‌ز ب گه‌رمی پێشوازیا مافێ خوه‌ئیداره‌کرنێ دکم. ئه‌م ب هه‌ر ئاوایی هه‌ول ددن کو کێمنه‌ته‌وه‌یان بپارێزن. مافێ هه‌رکه‌سی هه‌یه کو ل سه‌ر قه‌ده‌را خوه بریارێ بده.
نێچیرڤان بارزانی ب که‌سه‌یه‌تا خوه و دپلۆماسیا خوە، پشتی 16 ێ ئۆكتۆبه‌رێ کوردستان ژ خه‌ته‌ریه‌ک مه‌زن هێدی هێدی به‌ر ب ئارامیێ ڤه بر. نێچیرڤان بارزانی مه‌رجێن هه‌یی و رەوش ب ئاوایه‌ک ڕاسته‌قێن و واقعی نرخاند و ل گۆر ڤێ ژی سیاسه‌ته‌ک لیبه‌رال و سه‌رکه‌فتی بڕێڤه بر و به‌رێ کوردستانێ ژ ته‌ڤلهه‌ڤبوون، تێکچوونێ و خرابیێ ڤه‌گوهازت و به‌ر ب پێشکه‌فتن و ئارامیێ ڤه بر. ب وێ نەرمی و دپلۆماسیا خوە پیلانا خیانەتكارێن 16 ێ ئوكتوبەرێ ژناڤ بر.
- ب ته‌نێ د ناڤا 120 ڕۆژان دا زێده‌تر ژ70 هه‌ڤدیتنێن سیاسی ب سەرۆك، سەرۆكوەزیر و بەرپرسێن بالایێن ئەورۆپا و دەولەتێن ھەرێمی را، 15 به‌یاننامه و داخویانی، 12 کۆنگره‌یێن ڕۆژنامه‌ڤانی، به‌لگه‌یێن وان سه‌رکه‌فتنانه.
نها کوردستان به‌ر ب باشیێ ڤه دچه.
