نڤیسار

كورد جارەكە دن رەفەرەندومێ تینن رۆژەڤێ

رۆژناما Middle East Eye د ده‌ربارێ رەوشا کوردستانا باشوور ده‌ نڤیسه‌ک یا محمد س. موستافا به‌لاڤ کر. موستافا د نڤیسا خوه‌ یا د ده‌ربارێ کوردستانا باشوور ده‌ دبێژه‌: باوه‌ریه‌ک د ناڤ کوردان ده‌ هه‌یه‌ کو، ئه‌و بوونه‌ قوربانیا په‌یمانا Sykes-Picot، ژ بۆ ڤێ یه‌کێ ژی هێژا هه‌ستێن ده‌وله‌ته‌ک سه‌ربخوه‌ د ناڤا کوردان ده‌ گه‌له‌ک ب هێزه‌. ل هه‌رێمێ گه‌له‌ک ته‌ڤلیهه‌ڤی هه‌یه‌ و کورد ژی د ئالیێ ئێکۆنۆمیک ده‌ خۆرت بوونه‌، ئه‌و ژی رێیا کو گه‌له‌ک گه‌لێن ژ بۆ ده‌وله‌تبوونێ رۆژهلاتا ناڤین ده‌ شۆپاندین دخوازن بشۆپینن ژ بۆ ببن ده‌وله‌ته‌ک سه‌ربخوه‌. ره‌وشا کوردا ل هەمبه‌ر حوکومه‌تا عیراقێ ژی تێ گوهه‌رتن. کورد باوه‌رن کو حوکومه‌تا عیراقێ مافێن وان یێن یاسایی بنپێ دکه‌. لێ به‌غدا هه‌ول دا نیڤ سه‌رخوه‌بوونا ل کوردستانێ هه‌یی تێک بده‌ و د ڤێ ده‌ربارێ ده‌ وه‌خته‌کێ ب ده‌ستبێخه‌. پشتی رەفه‌راندوما کوردستانێ، هێژی به‌غدا مافێن کوردا یێن لگور ده‌ستوورێ بجھ نه‌کرنه‌. هێدی ناڤبه‌را کوردا ئو به‌ڵا‎بەغدایێ ده‌ باوه‌ری نه‌مایه‌. عیراق ده‌وله‌ته‌که‌ کو نکارێ ئاڤا ڤه‌خوارنێ ژ بۆ مله‌تێ خوه‌ پێکبینه‌ و بوویه‌ وه‌ک هه‌وده‌لا تێکدانێ ژ ئالیێ هێزێن هه‌رێمی ڤه‌، ئه‌ڤ رەوشا هانێ جاردن دێ داخوازیا کوردا یا ئه‌نجامێن رەفه‌راندومێ بینە رۆژه‌ڤێ. ئیرۆ روشا عیراقێ ژ سالا ٢٠٠٣ێ یێ خرابتره‌. پشتی هلبژارتنێن ١٢ێ گولانێ یێن پارلامەنتۆیا عیراقێ ، عیراق ل گۆرا به‌رێ به‌هتر ژ هه‌ڤ پارچه‌ بوویه‌. هێدی شیعه‌یێن عیراقێ نه‌ یه‌کگرتینه‌ و نه‌ یه‌ک ده‌نگن. پشتی پێڤاژۆیا داعیشێ سونه‌یێن عیراقێ ژی دخوازن ڤێجا ده‌ستهلاتا خوه‌ ئاڤا بکن و داخوازا فه‌ده‌راسیۆنێ بکن. کورد هێدی نه‌ باوه‌رن کو، مافێن وان یێن ده‌ستووری بێنه‌ جی و ئه‌ڤ ژی دبه‌ سه‌ده‌م کو خه‌یالێن وان یێن ده‌ستخستنا مافێن ده‌ستوورێ تێک دچه‌. د رەوشا هه‌یی ده‌ گه‌له‌ک زه‌همه‌ته‌ مافێن وان یێن ژ ده‌ستوورێ تێن پێش بێنه‌ جهبجه کرن. د ڤێ رەوشێ ده‌، دو رێ ل هەمبه‌ر کوردا هه‌نه‌. یان دڤێ ده‌ستوورا عیراقێ بێ جهبجه کرن یان ژی دێ کورد ئه‌نجامێن رەفه‌راندومێ بجی بکن. لێ رێیا دویه‌م گرێدایێ رەوشا هه‌رێمی و هێزێن نه‌ڤنه‌ته‌ویه‌ ژی یە. دێ کورد ژی ڤێ پێڤاژۆیێ ده‌ هه‌موو ئیمکانێن خوه‌ بکاربینن و كه‌رتێن خوه‌ بدن نیشاندان. وه‌رگه‌ر: رۆژه‌ڤاکورد

Back to top button