كەركووكی د كارانتینێ دا پەیامەكێ بەلاڤ دكە

که‌مال که‌رکووکی سه‌رۆکێ به‌رێ یێ پارله‌مه‌نتۆیا کوردستانێ و کو نها ل کارانتینێ دایە و د بن چاڤدێریا پزیشکێن کوردستانێ دا یه‌ په‌یامه‌ک به‌لاڤ کریه‌.

که‌مال که‌رکووکی د په‌یاما خوه‌ دا دبێژه‌: ئه‌ز ل ده‌رڤه‌یێ وه‌لات بووم ب باشی ئاگاهدارێ ڕێکارێن وه‌زاره‌تا ته‌ندروستی و وه‌زاره‌تا ناڤخوه‌یا هه‌رێما کوردستان بووم. ئه‌و برێزێن کو ژ ده‌رڤه‌یێ وه‌لات ڤه‌دگه‌رن هه‌رێما کوردستانێ دھێنە كارانتین كرن. من گه‌له‌ک پێ باش و گرینگ بوو، ئه‌ز ژی وان ڕێنماییان وه‌کی هه‌ر وه‌لاتیه‌کی دن کو تێنه‌ هه‌رێما کوردستانێ ئه‌نجام بدم، ژ به‌ر کو گرینگه‌ ب ڕێیه‌کی زانستی بزانی كو تو ب خوه‌ سه‌لامه‌تی ئه‌و ژی ژ بۆ پاراستنا که‌سێن نێزیکێن ته‌ و ئه‌و برێزێن پێکڤه‌ کار دکن و ژ بۆ هه‌موو جڤاکێ.

هه‌ر وها که‌رکووکی دبێژه‌: ل 2020.03.15 ئەز ڤه‌گه‌ریام هه‌رێما کوردستانێ و ل فرۆکخانه‌یێ ته‌ستا گه‌رماییێ ژ بۆ من کرن گه‌له‌ک دروست بوو. من ب کاره‌کی باش زانی ڕێنماییان وه‌کی خوه‌ ب جھ بکم و چوومه‌ کارانتینێ.

د داویا په‌یاما خوه‌ دا، که‌مال که‌رکووکی سپاسیا تیمێن پزیشکی و تیمێن په‌یوه‌ندیدارێن چ ل فرۆکخانه‌ و چ ل جهێن مایینێ دکه‌ و دبێژه‌: گه‌له‌ک ب باشی کارێن خوه‌ ئه‌نجام ددن هه‌ر ساخ بن. هێڤیدارم هه‌مو ڕێزداره‌ک ژ بۆ سه‌لامه‌تیا خوه‌ و هه‌موو جڤاکێ گه‌له‌ک ب باشی ڕێنماییان ب جیھ بکن.