سیاسی

لھەڤكرنا پارتیێن رۆژاڤا رێكەفتنا دھۆكێ بنگەھە

پارتییێن یه‌کێتیا نیشتمانی یا کوردی (پینک) و ئه‌نجوومه‌نا نیشتمانی یا کوردی ل سوورییێ (ئه‌نەکەسە) ل سەر دانووستاندنێن کوردی-کوردی یێن ژبۆنا ئاڤاكرنا یه‌کێتیا نه‌ته‌وه‌یی ل ڕۆژاڤایێ کوردستانێ داخویانیه‌کا ھەڤبەش ژ رایا گشتی را دان.

پارتییێن یه‌کتیا نیشتمانی یا کوردی و ئه‌نجوومه‌نا نیشتمانی یا کوردی ل سووریێ ب ئاماده‌بوونا شانده‌یێن ژ هه‌ر دو ئالییان، دگەل فه‌رماندارێ گشتی یێ ھێزێن سووریا دەمۆكراتیك (ھەسەدە) مه‌زلووم عه‌بدی و نوونه‌رێ ئەمریکایێ یێ كارووبارێن سوریێ ولام ڕۆباک داخویانیه‌کا‌ ھەڤبەش ژ رایا گشتی را دان و تێ دا‌ ده‌ستنیشان کر کو قۆناخا یه‌که‌مین یا دییالۆگا یه‌کێتیێ ب داوی بوویه‌ و گەهەشتنه‌ نێرینه‌کا‌ سیاسی یا ھەڤبەش.

ل گۆر داخویانیێ دێ دییالۆگ ل سه‌ر بنگه‌ها په‌یمانا دهۆکێ به‌رده‌وام بکه‌ و د پاشەرۆژەكا نێزیك دا دێ رێكەفتنەكا گشتی ئیمزا بكن.

داخویانی دبێژە:
‌“د 16ێ هه‌زیرانێ دا‌ شانده‌یێن مه‌جلسا نیشتمانی یا کوردی ل سووریێ و پارتیێن یه‌کێتیا نیشتمانی یا کوردی پێڤاژۆیا ده‌ستپێکێ ژ دیالۆگا کوردی ب داوی کر و ب هه‌ڤ ڕا‌ گەهشتن نێرینه‌کا سیاسی یا هه‌ڤبه‌ش و لهه‌ڤکرنێن پێشین کو به‌ندێن (رێڤه‌برن، هه‌ڤبه‌شی، ئاسایش و پاراستن) ئێن په‌یمانا دهۆکێ یا 2014ێ بکن بنگه‌ها به‌رده‌وامکرنا دانوستاندن و دیالۆگا د ناڤبه‌را هه‌ر دو شانده‌یان دا‌، دێ په‌یمانه‌کا‌ گشتی د پێشه‌رۆژا نێزیك دا‌ ئیمزه‌ بکن. هه‌ر دو شانده‌یان ته‌که‌زی ب هه‌ڤکاری و یه‌کێتیا کوردی ل سووریێ کر و ئه‌ڤ گاڤ وه‌که‌ گاڤه‌کا‌ دیرۆکی یا گرنگ به‌ر ب لهه‌ڤکرنه‌کا مه‌زنتر و هه‌ڤکاریه‌کا‌ پراكتیک د به‌رژه‌وه‌ندیێن گه‌لێ کورد ل سووریێ و هه‌موو پێکهاته‌یێن سووریێ دا‌ پێشوازی کرن.
هه‌ر دو شانده‌یان ئه‌ڤ خه‌بات ئۆخری جانگۆرییێن مه‌زن ێێن جوان و که‌چێن سووریێ و ب تایبه‌ت شه‌هید و بریندارێن ڕۆژاڤایێ کوردستانێ و مالباتێن وان کرن کو ژیانا خوه‌ کرن به‌ردێلا شه‌ره‌کێ ب روومه‌ت ژ بۆ پاراستنا جیهانێ ژ سته‌مکاریا داعشێ.
ئه‌ڤ لهه‌ڤکرن وه‌ک گاڤا یه‌که‌مین یا گرنگه‌ کو ئه‌م ب سپۆنسه‌ریا جیگرێ شانده‌یێ ئەمریکی یێ تایبه‌ت ژ کۆئالیسیۆنا ناڤنه‌ته‌وه‌یی ڕا‌ بالیۆز، ولام ڕۆباک، و فه‌رماندارێ گشتی یێ هێزێن سوورییا ده‌مۆکراتیک (ھەسەدە) گه‌نه‌رال، مه‌زلووم عه‌بدی، دا‌ گەهەشتنێ. هه‌ر دو شانده‌، ژ بۆ ئینسیاتیفا وی یا یه‌ککرنا ڕێزا کوردی ل سووریێ گه‌نه‌رال، مه‌زلووم عه‌بدی، ب ڕێزداری سپاس دکن و ژ بۆ ده‌سته‌ک و که‌دا وان یا د یه‌ککرنا ڕێزا کوردی دا‌ ڕێزدار سه‌رۆک، مەسعوود بارزانی، و سه‌رۆکێ هه‌رێما باشوورێ کوردستانێ، نێچیرڤان بارزانی، سپاس دکن. هه‌ر وها ژ بۆ سپۆنسه‌ری و ده‌سته‌کا وان ئا بهێز ژ بۆ یه‌کرێزیا کوردان و پشتگریا وان ژ مسۆگه‌رکرنا پێشه‌رۆژه‌کا‌ ده‌مۆکرات و پرالی ل سووریێ کو مافێ هه‌موو پێکهاته‌یان تێ دا بێ ڕێزگرتن، ده‌وله‌تا ئەمریكایێ سپاس دکن.”

Back to top button