سیاسی

ل باکورێ کوردستانێ چ دبه‌

ل باکورێ کوردستانێ و تورکیێ شه‌ره‌کی لهه‌ڤک̇ری دمه‌شه‌، ئه‌ڤ شه‌ر سالا 1993 ێ تینه‌ بیرا مرۆڤ، به‌س فه‌رقا 93 ێ و نوها ئه‌وه‌، کو د سالا 1993ێ دا 4500 گوند ڤالا کرن و سورگوون کرن لێ نوها دیاره‌ چه‌ند ئارمانج ب هه‌ڤره‌ ژ ڤی شه‌ری هه‌نه‌:

1- رێلبه‌رگرتنا پرۆژه‌یێن جودا یێن ئاڤاکرنا ده‌وله‌تا کوردستان. (ژ به‌ر هێزێن خورت یێن ناڤده‌وله‌تی پرۆژه‌یێن جودا ژ بۆ ئاڤاکرنا ده‌وله‌تا کوردستان ئاماده‌ کرنه‌ یه‌ک ژ ڤان پرۆژه‌یان ژی ده‌وله‌ته‌ک کوردستان یا مه‌زنه‌ کو باکورێ کوردستان ژی د ناڤ ده‌یه‌).

2- ڤالاکرنا قه‌زایێن باکورێ کوردستانێ.

3- شه‌رێ ناڤخوەیی د ناڤ ده‌وله‌تا تورک دا ل سه‌ر سیسته‌مێ (ناڤبه‌را ئوممه‌تچی و که‌مالیست-تورک ئسلام سه‌نته‌زی).

٤-بوویه‌رێن جیۆپۆلیتیک یێن هه‌رێما ڕۆژهلاتا نێزیک و ناڤین.

وه‌ها دیاره‌ ئه‌گه‌ر کوردێن باکورێ کوردستانێ ئەڤێ لیستکا ئاشکه‌ره‌ بوویه‌ نه‌بینن و ژ
لیستکێ را ل قلفێن سیاسی و فکری بگه‌رن ئه‌و دێ بهێلن کو دوژمنێ کورد بگەهێژه‌ ئارمانجا خوه‌ و دێ دۆر وه‌ره‌ ڤالاکرنا باژارێن مه‌زن یێن وه‌ک دیاربه‌کر، مێردین و هتد.

گۆتنه‌ک د زانستییێده‌ هه‌یه‌ دبێژە: “که‌سێ دیرۆکێ نزانن وێ دوبارە دکن”. ناڤبه‌را 1993ێ و 2015ێ نه‌ ده‌مه‌ک وه‌ها درێژه‌ ژی، شاهدێ 1993 ێ گه‌له‌ک ژ وان نوها ساخن، به‌س چاوا مرۆڤ هه‌وقاس کور، که‌ر و لال ببن خه‌ریبه‌. هه‌تا ل باکورێ کوردستانێ ڤێ لیستکا لهه‌ڤکری کو نوها ئاشکه‌ره‌ بوویه‌ نه‌بینن وێ ڕێ ل به‌ر ڤه‌کن کو دوژمنێن کورد بگەهێژن ئارمانجا خوه‌.

ڕه‌وشا کوردستانا باکور گۆتنه‌کا کوردان یا پێشیا تینه‌ بیرا من. دبێژن فلانکه‌س “هێڤییا شیر ژ نێری دکه‌”. هه‌تا ئه‌م کوردێن باکور هێڤییا خوه‌ ژ نێری قوت نه‌کن کو وه‌ک بیۆلۆژیک نێری شیر ناده‌ ئه‌م دێ د ڤی حالی دا بن.

ژ مالپەرا فێسبۆكێ یا
د. ئەكرەم ئونەن

2019.09.01

Back to top button