سه‌رۆکێن ۳ وه‌لاتان ژ بۆ ڕه‌وشا سوریێ گۆتوبێژ بکن، ل ڕوسیا ل باژارێ سۆچی جڤیان و پشتی جیڤنێ هه‌رسێ سه‌رۆکا د پرەسكۆنفەرەنسەكێ دا به‌حسا ئه‌نجامێن جڤینێ کرن.
د ئاخافتنا وان دا دھات دیتن كو د جڤینێ دا هه‌رسێ سه‌رۆکا ل سه‌رچارەسەركرنا ڕه‌وشا سوریێ ل هه‌ڤ نه‌کرنه و خوه‌دی دیتنێن جودا نه.
ل گۆر ھاتیە راگەھاندن د جڤینێ دا پرسا ڕۆژهلاتێ فراتێ، ڕه‌وشا کوردا ل سوریێ، پرسگرێکا ئدلبێ و ڤه‌کشاندنا ئه‌مریکا ژ هه‌رێمێ هاتنه گۆتوبێژ كرن.
ل سەر رەوشا سوریێ، ئیران و ڕوسیا وه‌ک ترکیێ نابێژن و نافكرن. پوتن، سەرۆكێ روسیا، ل هەمبه‌ر مه‌دیایێ داخویاکرن كو ئه‌و و ترک ل سه‌ر چاره‌سه‌ریا پرسا سوریێ دێ ل گه‌ل هه‌ڤ کار بکن. لێ ڕاستی ب ئاوایک دنه و دیتنێن وان گەلەك ژ ھەڤ دوورن.
ل ده‌ڤه‌را ئێدلبێ ۱۲ بنگه‌هێن ترکیێ، ۹ بنگه‌هێن ڕوسیا و ۸ بنگه‌هێن لەشکه‌ری یێن ئیرانێ هه‌نه. ب گوتنا وان، ئه‌ڤ بنگه‌هێن له‌شکه‌ری چاڤدێریا ڕه‌وشا ئدلبێ دکن. لێ هه‌تا نها ژی ب ناڤێ ڕژێما سوریێ، ژ بنگه‌هێن ئیرانێ ئێریشێ گروبێن چه‌كداری کو ل ئدلبێ دمینن، دھێتە کرن. ڕوسیا ژی ل هەمبه‌ر ڤان ئێریشا بێ ده‌نگه ژ به‌ر کو ئه‌ڤ یه‌ک ل گۆر حسابا وان تێ. لێ ئەو ئێریش ترکیێ دئێخنە ناڤ ته‌نگاسیێ دا و تركیە ژ وان ئێریشێن ئیران دبە سەرچەكدارێن ل ئێدلبێ نەرازی یە.
ژ ئالیه‌ک دن ڤه ڕوسیا و ئیران، كێم بە ژی، به‌ـسا مافێ کوردا ل سوریێ دکن، لێ ترکیا ل دژێ ڤێ گۆتارێیه و پەیەدێ وه‌ک ڕێخستنه‌کا ته‌رۆرست دده ناساندن و ڤه‌کری دبێژه کو ئه‌و ل سنۆرێ خوه ڕێنادن پەیەدە ھەبە.
نها ژی به‌حسا لهه‌ڤهاتنا ئه‌ده‌نێ یا نه‌ڤبه‌را ترکیێ و سوریێ دا تێ کرن. ل گۆر ڤێ لهه‌ڤهاتنێ، ئه‌گه‌ر نێزیک سنۆرێ ترکیێ ته‌هدیده‌ک بێ دیتن، ترکیا دکاره هه‌تا ۵ کیلۆمه‌تر بکه‌ڤه ناڤا ئاخا سوریێ دا. ژ ئالیه‌ک دن، ڕوسیا و ئیران دوو هێزێن بنگه‌هینن کو ڕژێما سوریێ دپارێزن و هه‌ڤالبه‌ندێن ئه‌شکه‌ره یێن رژێما سوریێ و ئەسەدن. لێ ترکیا هه‌ر ده‌می ب توندی دژاتیا ڕژێما سوریێ کریه و پشتگریا ئۆپۆزسیۆنا وی وەلاتی کریه. لێ د ڤان ده‌مێن داویێ دا پێوه‌ندیه‌ک، مسته‌وایه‌ک نزم ژی بە، د گه‌ل ڕژێما سوریێ ده‌ستپێکریه.
ده‌ما ل سوریێ به‌حسا پرسا کوردی تێ کرن، ئه‌ڤ گۆتنه‌ک تێكەلەیە. ژ به‌ر کو پارتیا یەكێتیا دەمۆكراتیك (پەیەدە) ئالیه‌که و ئەنجومەنا كورد ل سوریێ (ئەنەكەسە) ئالیه‌ک دن یێ کوردانه. هه‌ر چقاس ل سه‌ر عه‌ردێ پەیەدە خوه‌دی باندۆره ژی، لێ چ جارا ڕه‌وشا ئه‌نەکەسێ و پێشمه‌رگه‌یێن ڕۆژ پشتگوهڤه نایێ ئاڤێتن.
سۆچی چ چاره‌سه‌ریا ژ مەسەلەیا سوریێ را په‌یدا ناکه و ته‌نێ د جڤینێن سۆچی داهه‌رسێ وه‌لات؛ روسیا، ئیران و تركیا دیتئن و نێرینێن خوە ژئ ھەڤ را بەھس دكئن. هه‌رسێ وه‌لات ژی ل سه‌ر ڕه‌وشا سوریێ زه‌حمه‌ته بگەهن هه‌لوه‌سته‌ک هه‌ڤبه‌ش، ژ به‌ر کو هه‌رسێ جودا دفکرن و ڕۆلا ئه‌مریکا، هه‌تا ڕاده‌یه‌کێ، به‌رچاڤ ناگرن.
لێ وكو تێ زانین کو ترکیا د گه‌ل ئه‌مریکا د ناڤا گوفتۆگویه‌ک به‌رفره‌ھ دا یه ژ بۆ ڕه‌وشا سوریێ و ڕه‌وشا رۆژئاڤایێ كوردستانێ.
