ل گوندێ شیڤرەزانێ پەکەکێ چەوا ٦ پێشمه‌رگه شه‌هید کرن
سه‌رۆک مه‌سعود بارزانی د جلدێ پێنجێ یێ کتێبا خوه یا ب ناڤێ “بارزانی و ته‌ڤگه‌را رزگاریخوازا کورد، سەرهلدان دەرفەت و ئاستەنگی” دا کو د هه‌زیرانا ۲۰۲۲ێ دا هاتیه وه‌شاندن، به‌حسا شه‌هیدبوونا ٦ پێشمه‌رگه یێن کوردستانێ ژ ئالیێ پەکەکێ ڤه دکە.
سەرۆک مەسعود بارزانی د رووپەلێ ٢٧ێ ژ کتێبا خوە یا ب ناڤێ “بارزانی و تەڤگەرا رزگاریخوازا کورد، سەرهلدان دەرفەت و ئاستەنگی، جلدێ پێنجێ” دا بەحسا شەهیبوونا ٦ پێشمەرگە یێن ته‌ڤگه‌را رزگاریخوازا کوردستانێ ژ ئالیێ پەکەکێ ل گوندێ شیڤرەزانێ ل سەر تخووبێ باکور و باشوورێ کوردستانێ دکە و دبێژە:
پشتی بداویهاتنا شەرێ ئیراق و ئیرانێ، هاتنوچونا پێشمەرگە و هێزێن مە بۆ ناڤخوەیا وەلات نەهێسان بوو. هه‌ر چه‌ند ئیرانی رێ ل به‌ر ڤێ یه‌کێ نه‌دگرت ژی، لێ ره‌وش نه وه‌ک به‌رێ بوو و دڤیابوو مه ره‌وشا ئیرانیان و بداویهاتنا شه‌ر ل به‌ر چاڤان بگرتایە.
د ڤی واری دا پارتیێن بەرەیێ کوردستانێ چه‌ند به‌رنامه و پلانێن هه‌ڤبه‌ش هه‌بوون. بەرەیێ کوردستانی ل گۆر ده‌رفه‌تێن خوه هندەک ئاماده‌کاری کربوون. من گه‌له‌ک هه‌ول دا کو د زووترین ده‌م دا هێزه‌کێ بۆ سینۆرێ لقێ ئێک بشینم، ژ به‌ر کو پەکەکێ رۆژ ب رۆژ ب ئالیکاریا رژێما ئیراقێ، ل وێ دەڤەر به‌ر ب پێش ڤه دچوو، جهێ خوە قاییم دکر و ل دژی پەدەکێ کار دکر. پێشتر ژی ل گوندێ شیڤرەزانێ سه‌ر سینۆر، هێزه‌کا پێشمه‌رگه کو ژ ٦ که‌سان پێک دهات و ل وێ ده‌ڤه‌رێ ئه‌رکێ خوه ئەدا دکر، ژ ئالیێ پەکەکێ ڤه هاتنە شه‌هیدکرن. هندەک زانیاری ژی هاتن بەلاڤ کرن کو پەکەکێ ئەو پێشمه‌رگه ب ساخی راده‌ستی رژێما ئیراقێ کرنە.
ناڤێ وان شەش ێسمەرگە ێێن هاتین شەهید کرن:
١- محمەد حەمدی وەرمێلی
٢- سەعدولا ئاڤدەل
٣- نزار محەمەد سەلیم
٤- ئیدریس جەرجیس (ئەحمەد کادر)
٥- نەزمی وەرمێلی
٦- خالد ئادەم وەرمێلی
