سیاسی

مالكی: بارزانی لسەر سەرخوەبوونا كوردستانێ رژدە

سه‌رۆکوه‌زیرێ به‌رێ یێ عیراقێ و سه‌رۆکێ هه‌ڤپه‌یمانیا ده‌وله‌تا یاسا د ھەڤپەیڤینەكا خوە دە دبێژە كو مەسعود بارزانی لسەر ھەلوەستا خوە یا دەرباتێ رەفەرەندوێ رئژدە و وی دەست ژ ئارمانجا خوە یا سەرخوەبوونا كوردستانێ بەرنەدایە.

نووری مالکی، سه‌رۆکوه‌زیرێ به‌رێ یێ عیراقێ و سه‌رۆکێ هه‌ڤپه‌یمانیا ده‌وله‌تا یاسا، د ھەڤپەیڤینا خوە یا د گه‌ل کانالا ته‌له‌ڤزیۆنا فه‌رمی یا ئیرانێ دا، به‌حسا ڕه‌وشا عیراقێ و هه‌روه‌ها به‌حسا سه‌رەدانا سه‌رۆک بارزانی یا به‌غدایێ و هه‌ڤدتنا بهه‌ڤره‌ کرین دكە.

مالکێ دبێژه‌ کو، بێ ئارامی و نە ئیستقراریه‌ک ل عیراقێ هه‌یه‌، وه‌ک دن عیراق هه‌وجه‌یێ کوردستانێ یه‌ و کوردستان ژی هه‌وجه‌یێ عیراقێ یه‌.

مالکی بەحسا ھەلوەستا سەرۆك بارزانی دكە و دبێژە: بارزانی ل سه‌رهه‌لوه‌ستا خوه‌ یا د ده‌ربارێ ڕه‌فه‌راندومێ ده‌ ڕژده‌. بارزانی دەست ژ ئارمانجێن خوه‌ یێن ڕه‌فه‌راندومێ و سه‌رخوه‌بوونا کوردستانێ به‌رنه‌دایه‌.

گه‌له‌ک جاران د مه‌دیا هنده‌ک وه‌لاتێن ده‌ردوور و ئالیێن دژی رەفەرەندومێ ده‌ هاتیه‌ خوویاکرن کو، ڕه‌فه‌راندوم و ئه‌نجامێن ڕه‌فه‌راندومێ تێک چوون. لێ تێ ژ بیر کرن کو ڕه‌فه‌راندوم د دیرۆکا سیاسی یا کوردستانێ ده‌ بوو میلاده‌ک و موھرا خوە ل دیرۆكێ خست و ل باشوور ب کرنا ڕه‌فه‌راندومێ کوردا مافێ سه‌رخوه‌بوونێ ده‌ستڤه‌ ئینا و ئه‌ڤ داخوازیا مله‌تێ کورد گهاندن هه‌موو جیهانێ.

ژ ئالیه‌ک دن ڤه‌ هێدی ژ بۆ ڕاگەهاندنا سه‌رخوه‌بوونێ تو ڕه‌فه‌راندوم نه‌ پێوسته‌ و هه‌ر ده‌ما ڕه‌وش گونجاو به‌ ده‌ستهلاتداریا باشوورێ كوردستانێ دکاره‌ سه‌رخوه‌بوونێ ڕاگەهینه‌. ژ به‌ر کو ده‌ستهلات مه‌جبوره داخوازیا مله‌تێ خوه‌ بجھ بینه‌. ئه‌ڤ داخوازیه‌ک ڕه‌وایه‌ ل گۆرا نۆرمێن ناڤنه‌ته‌وی مافێ کوردایه‌ ژی.

Back to top button