ما ڤايروسێ كۆرۆنایێ ل هەرێما كوردستانێ هەيە
نڤیسین: ئاشتى فەتحى بێسفكى
كوڤيد-19 يان ژى كۆرۆنا ئەو نەخوەشيا ب مەترسى و ترسناك يا كو 11 كانونا ئێكێ يا سالا 2019 ێ ل باژارێ وهان ل وەلاتێ چينێ سەرهلداى، نەخوەشيا ناڤبرى ژ كومەكا ڤايروسان پێكهاتيە كو دبە هوكارێ تێكچوونا بارودوخێ ئوكسجين و بھێنتەنگیێ و گەلەك زيانێن ديتر ژبو مروڤان ھەیە.
بەريا گەهشتنا ڤايروسێ كۆرۆنایێ بو هەرێما كوردستانێ هەمى رێكارێن خوەپاراستنێ و ئامرازێن نەبەلاڤبوونا ڤايروسى ژلايێ لايەنێن پەيوەنديدار ڤە هات بوون ئامادەكرن. قوناغا ئێكەمين ژ بو رووبرووبوونا ڤايروسێ كۆرۆنايێ، ژ ئەگەرێ پێگيريكرنا هاوەلاتيێن هەرێما كوردستانێ ب رێنمايێن تەندروستى، يا سەركەفتى بوو. لێ بەلێ ژلايێ هاريكاريكرنا لايەنێن پەيوەنديدار ژبو پەيداكرنا پاريێن ژيانێ و هاريكاريكرنا هاوەلاتيێن كێمدەرامەت يا سەركەفتى نەبوو! ئەڤ چەندە بو ئەگەرێ تورەبونا خەلكەكى كو لايەنێن پەيوەنديدار نەشيان د قوناغەكا زەحمەت دا پاريێ ژيانێ ژ بو هاولاتيێن خو دابين بكە سەرەراى نەدانا مووچەيێ كەدا فەرمانبەرێن خوە!
ژ ئەگەرێ سوزێن لايەنێن دەستهەلاتدار و لايەنێن ب ناڤ ئوپوزسيون و گوتنێن وان يێن بێ كريار بو دەرئەنجامێ نەمانا باوەريێ د ناڤبەرا گەلى و دەستهەلاتێ دا، هەروەسان نەمانا باوەريێ ب ھەمی هێز و لايەنێن سياسى. ل سەر ئاستێ هەرێما كوردستانێ ئەڤ چەندا هەنێ زەنگا مەترسيەكا مەزنە.
بارودوخ گەهشتيە وى ئاستى كو، سەرەراى روژانە حالەتێن توشبون و مرنێ د زێدەبونێ دانە، لێ پرانيا خەلكى هيچ باوەريەك ب ڤايروسێ كۆرۆنایێ نينە، لەوران ژ ئەنجامێ تێكەلكرنا نەخوشيا كورونايێ ب سياسەتێ د نوكە دا هەرێما كوردستانێ ژبەر نەخوشيا كورونايێ ل هەمبەرى قوناغەكا مەترسيدارە.
سەرجەم پارت و لايەنێن سياسى بەرامبەر ئەڤى دوخێ مەترسيدار بەرپرسيارن.
2020.06.02
