وه‌لاتپه‌روه‌رێ کورد حه‌مید کلچاسلان (حه‌میدێ سمایل ئاخا) ل نه‌خوه‌شخانه‌یا ئه‌نقه‌ره‌یێ چوو به‌ر دلۆڤانییا خوه‌دێ..
سیاسه‌تمه‌درێ کورد حه‌مید کلچاسلان ئه‌ڤه ده‌مه‌ک بوو ب شۆپا کۆرۆنایێ که‌تبوو. ڕه‌وشا وی ده‌مه‌کی به‌ر ب باشیێ ڤه چوو. لێ مخابن رۆژا 2020.11.27ێ مه نووچه‌یا وه‌فاتا وی بهیست. حه‌مید سیاسه‌تمه‌داره‌ک ژ کوردستانا باکور بوو. د پارتیا ده‌مۆکراتا کوردستانا ترکیێ دا ده‌ست سیاسه‌تێ کر. هه‌ر ل سه‌ر وێ ڕێبازێ سیاسه‌تا خوه به‌رده‌وام کر.
حه‌مید کلچاسلان به‌رده‌ڤکێ پەدەکە-باکور بوو. بێ گومان ونداکرنا سیاسه‌تمه‌دارێن خوه‌دی ته‌جرووبه ژ بۆ ته‌ڤگه‌را ئازادخواز ئا کوردستانێ خوساره‌ته‌ک مه‌زنه.
حه‌مید کلچاسلان، ژ 50 سالان زێده‌تر وه‌ک سییاسه‌تمه‌دار، زمانزان و ڕه‌وشه‌نبیره‌کی کورد، خه‌باتا دۆزا ئازادی و ڕزگاری و سه‌رخوه‌بوونا کوردستانێ بەردەوام كر.
ئه‌م سه‌رساخیا بنه‌مالا حه‌مید کلچاسلان دکن. بلا سه‌رێ هه‌موو بنه‌مال و که‌س و کارێن وی ساخ به. یه‌زدانێ دلۆڤان وی ب ڕه‌حمه‌تا خوه شاد بکه. ئه‌م خه‌مگینن و ھەڤپارێ خه‌ما مالباتا رەحمەتی نە
ل سالا 1948 ل گوندی سمایل ئاخا سەر ب مێردینێ ل باكورێ كوردستانێ ژدایك بوویە
ل داویا سالێن60ان بەشا یاسایێ ل زانینگەھا ئەنقەرەیێ دخوەند
ژ بەر چالاكیێن وی یێن سیاسی و ئەندامەتیا پارتیا دەمۆكراتا كوردستانێ ئەو ژ زانینگەھێ ھات دەرخستن
ژ سالا 1979 ب ئاوایەكی چالاكتر دەست ب خەباتا سیاسی د ناڤ رەفێن پەدەكێ دا ل باكورێ كوردستانێ كر
دەما كۆدەتایا 12 ئیلۆنێ سالا 1980 نەچار دبە دەرباسی رۆژاڤایێ كوردستانێ دبە و ژ وێرێ ژی سالا 1983 وەكە پەنابەر دئچە وەلاتێ سوێدێ
سالا 2017ێ پشتی كۆنگەرەیا 12 یا پەدەكە. باكور ، دبە بەردەڤكێ پارتیێ
ل سەر ناڤێ الپەرا
www.sibehi.com
