مروڤ د قۆناغا دانعەمەریێ دا گرنگیا خوە هەیە
نڤیسین: زەنون سلێڤانەیی ـ زاخۆ
هەر مروڤەکێ دگەهیتن قۆناغا دانعەمەریێ دا بمینیت ساخ، ئانکو قۆناغا تەمەنێ دانعەمەریێ ل گور پیڤەرێن ئەڤرۆ کەرەمەکا خودایی یە، لێ دڤیا ئەم ژبیرنەکین قۆناغەکا نازك و هەستیارە و گەلەك ب مینا قۆناغا زاروکینیێ سالوخەت دکەن.
ڤێ قۆناغا ژیانێ پێدڤی ب چاڤدێری و پاراستنەکا باش و ساخلەم ھەیە، لێ یا ئەو دبینن هەتا ئەڤرۆ کار و بزاڤێن پێدڤی ژ بۆ ڤێ چەندێ ژی ل پێشچاڤ نەهاتیە پەیروەکرن. ئەڤەژی پلا ئێکێ ڤەدگەریتەڤە بو وێ چاڤدێری و رێزگرتنا تایبەتا خێزانێ بخوە ب دانعەمران و بەلکو رولەکی مەزن ژی هەیە د ژیانا تەمەنێ دانعەمەریێ دا. د ناڤا کومەلگەهێن د جڤاکێ جیهانێ دا ب تایبەت ل جەم مللەتێ مە ژی رەوشت و تیتالێن خوە یێن هەمەجور هەنە د ناڤا جڤاکێ مە یێ کورداوەریێ دا، لێ ئەڤە وێ چەندێ ناگەهینیت کو ژیانا وان د ژینگەهەکا ئێمن و ئارام دا بژین، هەلبەت هژمارەکا زێدە یا وان، ئەگەر نەهەمی، لێ ب رێژەیەکا کێم یان زێدە بەردەوام پێدڤی ب چاڤدێری و پاراستنێ هەیە.
ل سەر ئاستێ جیهانێ و ناڤدەولەتی هندەك پەیمان و بنەما هاتینە پەیرەوکرن بو نموونە؛ ل سالا 1991 ێ جارنامەیا نەتەوەێن یەکبوویی یا گرێدایی ب مافێن دانعەمران ڤە هاتیە پەسەندکرن ل دووف بەندێ ژمارا (25) ێ ئەڤ چەندە تێکەست کریە لێ ل وەلاتێ مە هێشتا چ پێنگاڤێن گرنگ نەهاتینە هاڤێتن كو گەشبین بن، لەورا دڤی کاروانێ د تەمەنێ دانعەمریێ دا ل دووڤ ڤان برگەێن هەنێ ل بەرچاڤ بێتە پەیرەوکرن:
ـ پەسەندکرنا مافێن دانعەمران ژ ئالیێ پەرلەمان و حکومەتا هەرێما کوردستانێ ڤە، دەرکرنا یاسایێن تایبەت و هەڤچەرخ ژ بۆ دابینکرنا کەرەستەیێن پێدڤی و جهێن ڤەحەواندنێ و خزمەتێن هەرە مەزن بو ژین و ژیارا وان بێتە کرن.
ـ ژ ئالیێ ژیانا وان یاجڤاکی و ساخلەمیێ ڤە گرنگیەکا تایبەت ب دانعەمران بێتەدان.
ـ جهێن خوەیێن تایبەت بەردەوام هەبن ل باژێر و دەڤەرێن گونجای ل هەرێما کوردستانێ مفای ژ سەربۆر و سەرهاتیێن وان وەربگرن ژ بو پێگەهاندنا نڤشێن ل پاش مە ژی ماین.
2020.07.04
